في سنار انكسر مسمار

بسم الله الرحمن الرحيم

 

في السلك

 

 

·        اسلام لمت صاحباتها واحتفلن

·        حلاتن

·        صغيرونات وحليوات

·        صفقن

·        اطق 000 اطق 000 اطق

·        فيهن واحده يدها صغييره

·        بتصفق اطج 000 اطج 000 اطج

·        وغنن

·        في سنار انكسر مسمار

·        صلحوا العمال يا البابور جاز

·        وحققوا الآمال يا البابور جاز

·        ورب ارب ارب ارب

·        وطج اطج اطج

·        وطق اطق اطق

·        وفي سناااااااار

·        سنار سنار

·        انكسر مسمار

·        ورب ارب ارب

·        وطج اطج اطج

·        وطق اطق اطق

·        واحده زغردت

·        ايووووووووووي يوووووي يوووووووي

·        وفي سنار

·        قولوا ياستار

·        الاباتشي احتار

·        يختها يمين ويميل شمال

·        ورب ارب ارب

·        ختاها فوق جدار

·        عزو   طار

·        وفي سنار انكسر مسمار

·        ورب ارب ارب

·        وطج اطج اطج

·        وطق اطق اطق

·        حفله كانت زي الحفله

·        الغنيه طويله

·        الباقي يوم خمسطاشر

·        الله يحينا

·        منتدي جماهير المريخ اقام رحله جميله  في (توتي )

·        وكانت حاتكون اجمل لو كانت في ( ون ) تي

·        وال ( تي ) قلنا رابط  تلاته مواسير

·        ناس سوداني ابدعوا في اختيار الاسم

·        (وووووووووووووووون )

·        عارفنها

·        يكون ياربي كلمهم ابو كدايس !

·        السمعناهو تحت تحت قالوا ناس سوداني عندهم خدمه جديده يوم اربعطاشر

·        اسمها ( فوووور )

·        ياساتر

·        زمااان في دعايه بتاعت الببسي في التلفزيون

·        كانوا بختوا الكوره بره الخط

·        وروبيرتو كارلوس بيقول اعملوووووا حيطه

·        ويشوتها

·        تلقي المعز في زاويه اقصد الحارس في زاويه والكوره في زاويه

·        والغريبه الدعايه مافيها اسامه التعاون

·        بالمناسبه امس اسامه التعاون تلقاهو طوالي قاعد في الواطه

·        جاااالس

·        اسلام قالت لي ده اسامه التعاون ولا مجلس التعاون قاعد طوالي  !

·        كلتشي قال اعملوا حيطه

·        والحيطه كانت جالوص

·        نفس الحيطه الوقعت يوم ايداهو

·        اديكم فكره

·        يوم اربعطاشر وقفوا في الحيطه الرشيد علي عمرواحمد دوله  وحسن عبدالرحيم والشازلي واب كريق

·        عشان محل ماتتشات تضرب في زول

·        ناس اب كريق عليهم الكوره التحت

·        وناس الرشيد عليهم الكوره الفوووق

·        وناس حسن عبدالرحيم  واحمد دوله عليهم الكوره البلجمبات

·        الخوف بعد ده تتدخل بين كلوة الرشيد وكتف اب كريق

·        وارقو يا سباك يا بتاع ال ( تي )

·        سمعنا بالزول مشلخ ( تي ) لكن زول بحاور ( تي ) ده ماشفناهوا الا امس

·        قالوا في جماعه مكندشين لاهلي شندي

·        انتوا قايلين اهلي شندي هامل ولا اهلي في شندي بيرضوا بالفتات !

·        ياوالي

·        زي ماتقبلت النقد بصدر رحب نهنيك اليوم علي رباطة الجأش وحسن اختيار المدرب والقطاع الرياضي ودائرة الكره

·        تتذكر يا جمال الحبيب صلاح يوم كتب في الجريده كلام ليك وقال ليك فيما معناه انك اخطأت في الاداره و(دلعت ) اللاعبين ؟

·        قول ليهو ياجيمي ياحبيب ياعدال القصص اب قصة مايله

·        تعال نوريك زي علاء الدين لما (يتمرعف) بتصرفوا معاهو كيف

·        بالمناسبه زمااان بنعرف انو ابو الهل عندو سيد واحد بس

·        لكن في عهد صلاح اصبحوا سيدين

·        سيدان يقتسمان السلطه فقط ( طبعا ثروه اصلا ماااافي )

·        المهم بعد الكوره كنت بسمع في حسين شندي

·        وبس

·        غني انا ليهم بقول كلام *** دخلوها وصقيرها حااااام

·        سم اب الدرق البصقع جدري القيعه البطقع

·        انا ليهم بقول كلام     **** دخلوها وصقيرها حااام

·        صوتك مانع برقع       **** الطيب بي شطارتو بودع

·        انا ليهم بقول كلام ***** دخلوها وصقيره حااااام

·        سم اب درق الجدادي   **** تكل الجدري البعادي

·        انا ليهم بقول كلالام    ***** دخلوها وصقيرها حااام

·        للخصيم قلبوا بيابي      ****** موص المر الحجازي

·        ولقيت ليك روحي بغني بنفس لحن الاغنيه

·        انا ليهم بقول كلام *** دخلوها وصقيرها حااام

·        دخل البرج خمش الحمام *** دخلوها وصقيرها حااام

·        اكلوا البارود والدانه ومضغوا عدوهم لبانه

·        دخلوها وصقيرها حاااااام

·        مضغوا عدوهم لبانه ومرقوهوا في الحتانه

·        دخلوها وصقيره حااااااااام

·        الباقي يوم تاني

·        قلنا ليكم المهندس قال كشافاتنا بتولع يوم الجمعه الساعه عشره

·        وولعت في الموعد بالضبط

·        والدليل خالتي قامت علي الضهر تاااااااني  

·        تهاني كتييره وصلت منها تهنئة محمد الصفوه صاحب اسبيرات المعلم الكلاكله لفت طمبل

·        وتهنئه من خلف الله ( اب صلعه ) مدير التعبئه بروابط مشجعي الزعيم بالكلاكلات كلها

·        سنار 000 سنار 000 نجيب العمال !

 

سلك كهربا

الحيطه ترجف والحارس يرجف والجمهور يرجف جننتوا الحتانه جن

والي لقاء

سلك