قال ليك الجيش يقود حرب التحرير وهو الركيزة الوطنية
الجيش الكتل ناس دارفور؟ اااي ياهو ذاااتو
الكتل ناس جبال النوبه؟ اااي ياهو ذااااتو
الكان شاهد وشريك في اغتصابات تابت وابادات دارفور ؟ اي ياهو ذااااتو
الصنع الجنجويد ودربم وسلحم وسكت عن كل جرائمهم زمن البشير؟ اااي ياهو ذااااتو
الاشتغل مرتزقة وقتلة مع الجنجويد لصالح الامارات والسعودية فى اليمن؟ اااي ياهو ذاااااتو
الحرض على قفل الموانئ وتخريب الاقتصاد الوطنى وتهديد الامن القومي؟ اااي ياهو ذاااتو
الشارك وسكت فى تهريب الموارد والذهب ؟ اااي ياهو ذاااتو
الكتل الناس مع الجنجويد فى فض الاعتصام ؟ ااااي ياهو ذااااتو
الاشتغل بتحريض اماراتى سعودى مصرى على الثورة والفترة الانتقالية والارادة الوطنية واشتغل تخريب اقتصادى وسياسي وامني وختما بانقلاب على الثورة ورجع البلد للعقوبات والانغلاق؟ اااي ياهو ذااااتو
الاتشاكل مع الجنجويد ناسو وجلاسو على الارادة والقوة واشعلو الحرب واستعانو بمصر والجنجويد استعانوا بالامارات ؟ اااي ياهو ذااااتو
يعنى فجاة كدا من العدم ح يبقى وطنى وحرب تحرير واستقلال القرار وارادة الدولة وكل حاجه هو اصلا ضدها من البداية وباقى الوهمات والعبارات المنافقة الدجالة؟؟
زمااان قالو الفلاسفة بيدرسو الظواهر ويبحثوا اصولا واسبابا وتطوراتا ويشوفوا نهاياتا
ما بتصل لخلاصات بدون مقدمات
لكن فى زمنا دا الفلسفة انك تاخد المواضيع وهمات وجلكسات ومغارز واستعباط وتبقى عبدالله على ابراهيم او اصحابنا اياهم
المهم .. زمااان الامام الغزالى كتب تهافت الفلاسفة
وواقعنا المعاصر بيكتب (هيافة الفلاسفة)
او كما قلنا عصر الفلاسفة القونات
حرب_عبثية
لا_للحرب
راشد عبدالقادر
