قصة احمد وحاج احمد

In the name of God, mercy.

في السلك

قصة احمد وحاج احمد

الاخيره

•        احمد وحاج احمد ضربوا النوم  وسط الرعد والبرق كأنو مافي شئ

•        المطره وقفت بعد اربعه ساعات

•        احمد قام من النوم ونظر لجده

•        احمد  : جدي 000 جدي 000 قوم نطلع بره المطره وقفت

•        حاج احمد يستيقظ

•        حاج احمد  : يا احمد ياولدي صحيتني في مرحله حرجه وانا في الخيره

•        احمد  : الشبكه جمعت معاك ياجدي في المطره دي

•        حاج احمد :  لازم تجمع 000 انت قايل شبكة الخيره بتطش زي شبكة التلفونات والصراف الآلي ! دي شبكه متينه وعارفه شغلها كويس

•        احمد  : وقدرت تنوم في الخيره ياجدي ؟

•        حاج احمد : ياولدي انا قدرت انوم في الباعوض وفي النور القاطع وفي صف المعاشات , ما اقدر انوم في الخيره الحلوه دي ؟ الناس نامت في المطار راجيه قودوين تقول لي مطره

•        احمد      : والخيره قالت شنو ؟

•        حاج احمد  : الخيره قالت الحصل في الاردن مابتسكت عليهو , وقالت الحصل في سيكافا كان كفيل باكتشاف كل العيوب الفنيه والاداريه والقطاعيه والقطبيه

•        احمد  : مافهمت حاجه

•        حاج احمد  : صرف قدر البتصرف علي المريخ الزمن ده سمعت بيهو قبل كده ؟

•        احمد  : ابدا

•        حاج احمد : والناتج شنو ؟ وصلنا نهائي سيكافا ونهائي الكونفدراليه وخسرنا الممتاز ؟

•        احمد : صاح

•        حاج احمد  : يعني بقينا زي الاهله افضل انجازاتنا وصلنا , ياولدي صرف قدر ده يجيب كاس العالم للدول وللانديه وكاس اوروبا وكاس آسيا , لكن المريخ ده مقدود

•        احمد  : مقدود قيف ياجدي ؟

•        حاج احمد  : القروش البتتكب فيهو دي بتمشي وين ؟ ده سؤال سألوني ليهو في الخيره , خجلت من الاجابه

•        احمد  : ومشت وين القروش ؟

•        حاج احمد : لو مانت ولد صغير كان وريتك , لكن لكل مقام مقال

•        احمد  : في تطور ياجدي

•        حاج احمد : زمان في المريخ في مدافع اسمو حبني الله يطراهو بالخير , اخلاقو عاليه ومواظب وغيور , مره قام جاري ورا ياسر الريان بتاع الاهلي القاهري من القاهره لبور سعيد والريان دخلها قون وحبني جاري , اسي الباشا جاري ورا النيجيري من كانو للاغوس والنيجيري دخلها قون والباشا جاري وراهو , الفرق بين حبني والباشا عشرين سنه رغم انو المريخ كلو زمن حبني ماكان بشيل نص البشيلو الباشا من النقد , وين التطور

•        احمد : قصدك شنو ياجدي ؟

•        حاج احمد : قصدي ده تهور ما تطور , لما تدفع مال خرافي من اجل نهضه تابع مالك قبل مايضيع علي اشياء مابستحق

•        احمد      : والحل ياجدي ؟

•        حاج احمد : الحل ياولدي ان لانخاف في مريخنا لومة لائم , الحل ان لانترك المريخ لهم

•        احمد  : لهم منو يا جدي ؟

•        حاج احمد  : هم

•        احمد  : هم منو ؟

•        حاج احمد : هو زاتهم

•        احمد  : وبعدين ؟

•        حاج احمد  : يجب ان نحاسب مثلما نمدح ونفرح , يجب ان نقول الحق كل الحق ولا شئ غير الحق , والدايرنا عيشة عز والمابينا موت احمر ومريخ احمر

•        احمد  : ونعرف الحقائق كيف ؟

•        حاج احمد  : نعرفها برانا مامن زول يقول البصلحو ويضاري المابصلحو , نعرفها برانا , نبيت في الخيره والبنعرفو ا نوريهو للناس والتبقي تبقي

•        حاج احمد ينوم في الخيره لكشف مزيد من التفاصيل والتفاتيح والمفاتيح والمفتحين المضيعين جهد الاداريين وقليل من الللاعبين , اي حدث معاهو خيره زي الخيره , وحاج احمد نااااام

•        انتهت

•        والي لقاء

•        سلك