In the name of God, mercy.
في السلك
• يوم الجمعه الكيف ود عماري ساااااااااي
• واحد قال لي يوم الجمعه نديكم اتنين
• قلت ليهو سادومبا امو قبضت !
• اقصد قروش سادومبا بقت كويسه !
• قصدي سادومبا قبض قروشو وبطل مكنة مرض امو !
• سكت
• قلت ليهو ادوا ناسكم حقهم بعدين تعالوا ادونا
• قام قال لي انتوا ابيتوا تلعبوا في استادكم ليه !
• قلت ليهو اسي حولوا الكوره حوش البلديه ماعندنا مانع
• قال لي بس في استادكم
• قلت ليهو دايرين تعملوا عمره وزوغه , لكن مااافي ببح
• قال لي كنا دايرين نقعد في طابق شاخور
• قلت ليهو طابق شاخور في الشتا ده صعب , تمرقوا كلكم بانفلونزا , انفلونزا شنو ماعارف
• قال لي البرد في طابق شاخور شديد ؟
• قلت ليهو برد زي البرد , يكندش ليكم سبعين اعاره
• قال لي ناس جريدتنا قالوا عندهم مستندات بتخصهم
• قلت ليهو وماعندهم مستندات بتخص 2 و 12 ؟ ماعندهم مستندات بتخص المنشطات في الدوره العربيه ؟ وماعندهم مستندات بتخص الآوت البقت بقدرة قادر كورنر , وماعندهم مستندات بتوضح ان القانون الجديد ضربة الجزاء فيه تحتسب لما الكوره تضرب في ضهر مدافع , وماعندهم مستندات فيها صور لكواريزما بلعب في نيجيريا في دوري الروابط , وماعندهم مستندات بتوري الزول العندو جواز وماعندو جنسيه ؟
• قال لي ده كلام شنو ده !
• قلت ليهو ده كلام بعرفوا ايداهو يوم الجمعه
• لاول مره كاريكا في خط 18 في حكم في بلنت ماااااااافي
• هدف تتويج كلتشي بلقب الهداف الساعه تسعه الا تلت يوم الجمعه بحول الله
• لاعبو المريخ عارفين اذا فازوا الحافز بالدولار
• وغيرهم عارف لو فاز ( الشر بره وبعيد ) الحافز اقساط كاردينال
• البجبرهم شنو !
• كامبوس قال المريخ خدمو بتحويل المباراه لاستاد الخرطوم
• اشرت خروج نهااااائي ولا لسه يا كوتش ؟
• امس حلمان وليد البشري الهلالابي شايل ورقتين
• واحده مكتوب فيها ايفوسا
• والتانيه مكتوب فيها كابوندي وامبيلي
• وخاتيهم قدام مكيف كبيييييييييير
• ومشغل المكيف هاااااااااااااااااي للطيش
• حكيت لي اسلام
• قالت لي يمكن بكندش في اعارتهم
• ضحكت
• قلت ليها تتجازي يا اسلام
• دي عمك مزمل مافكر فيها
• واحد من الجماعه بتو ماجاها العدل لسه ( بايره )
• في العيد قال ليها السنه الجايه ما اشوفك هنا
• قالت ليهو السنه الجايه انشاء الله يا ابوي اشوفك في طابق شاخور ومحتفل بجويه جديده
• قال ليها دعوتك منطقيه واسهل من دعوتي
• حضرت تكريم الرائع حمد الريح بمناسبه نيله الدكتواره الفخريه
• صلاح ادريس حضر بعد الوالي
• وقال كنت متمني اجي مع جمال الحجل بالرجل
• وقال فيما معناهو في بعض الجماهير دايرننا انا وجمال نفترق وده مستحيل يحصل
• انتهي كلام الارباب
• موش قلت ليكم البقعد مع الوالي ما بقوم
• لغم ما بقوم
• كتر جلساتك ياوالي
• قال لي كابوندي لاعب طرف شمال
• قلت ليهو بله لاعب طرف يمين
• لجنة الدار اقامت اجمل احتفال بالعيد
• التهنئه لرفاق بشير عبد المجيد فردا فردا
• نادينا بدون عيد معيد
• قال لي كشافاتكم بتولع متين ؟
• قلت ليهو المهندس قال يوم الجمعه الساعه عشره الا عشره بالليل
سلك كهربا
الحتانه استعدي 00000 جاينك ناس مربع خمسه تااااني
والي لقاء
سلك