لاننا صفوه

 

In the name of God, mercy.

في السلك

 

• لاننا صفوه

• نعشق منتهي الانتماء

• ونعرف معني العشق

• وننهل من نيل الوحده حد الارتواء

• وهل الذ طعم للانتماء الا الانتماء للوطن !

• لاننا صفوه

• نتمسك بوطن واحد

• من حلفا لي نمولي

• ومن نمولي لي حلفا

• طبعا حلايب جوه الجك

• الاستاذ الصفوه الاديب الفنان الرائع المسرحي السينارست الكبير

• جعفر سعيد اريح

• كتب عن استحالة الانفصال

• قال

منو القال ليك بنتقسم

جسد يمشي الجنوب مهزوم

روح تلزم شمال تندم

منو القال ليك بنتفرق

فراق بين نخله للابنوس

فراق ساعد رفض معصم

منو البخنق نغم طمبور

منو البمنع مياه الجور

تعانق النيل وتتبسم

وزي ما ياي بلدنا جميع

القولد تكون معلم

باكر نبني للاوطان

جموع في وحدة تتعشم

• ده كلامنا

• كلام الصفوه

• البنعرف انو الوطن الواحد الواسع يسع الجميع

• اها

• بعد اطمأنينا علي وحدة الوطن نرجع للكوره

• قالوا ناس لخويا عرفوا حاجه

• قالوا

• المحترفين ماجونا عشان كده ناس الجونه غلبونا

• وقالوا الهلال يخسر امام الجونه بهدفين وبكري المدينه يلفت الانظار

• ياولد يا لافت الانظار انت

• حتي الخساره قالوا مفيده للهلال

• اصلوا ماعندكم حاجه مامفيده !

• خسارتكم من مازيمبي برضو مفيده ؟

• مفيده هانم !

• حيرتونا

• قالوا جمعه لعب

• وناس الجونه ماجابوا قون في جمعه عشان جمعه عندهم اجازه وعقاب اسبوع

• اتجمعي

• ياسحب دور المكرر واسرعي

• خلينا نغني

• برانا برانا نشيل الشيله

• المهم

• تسجيلاتنا تمام التمام

• ودي حالتها عشان نلحق بيها مجموعات الكونفدراليه بس

• لكن الكبيره خطيره

• موش سمعتوا بجمال في لندن وفي فرنسا

• البعيد شنو يكون غشي المانيا

• وقيل مع عمك آخن بوخن شوماخار

• عمك آخن ده طبعا خال كلوزه لزم

• ومربي كلوزه قال ليك من ايام كلوزه في الاساس

• وكلوزه مابكسر ليهو كلمه

• شهود عيان قالوا عمك آخن شافوهوا مقدم الوالي لي الباب

• وبقول بس هو يجي

• الوالي يقول انشاء الله انشاء الله

• وخال كلوزه دخل وقفل باب الشقه وهاك يا عد

• يورو اتنين تلاته يوروهات

• يعد للصباح

• كلوزه وكلوس علي كده

• قررررط علي كده يامعلم

• ولو لقي ميسي يجدع ليهو ياوالي تكون ماقصرت

• بالمناسبه

• الجونه غلبت لانو مافي زول مشي نيالا

• ومافي زول رسل سواكن

• تاني كوره مافي قبلها مشوار لي نيالا

• ومشوار لي سواكن

• ماتتشالقوا ساااي وتلعبوها

• بالمناسبه

• رمضان قرب

• الله يحضرنا ليهو

• لكن ياناس

• يا الشغالين في ملاعب المناشط

• لازم تنتهوا قبل رمضان

• عشان ناس المناشط يحتفلوا ويقيموا منافسات علي شرف الملاعب

• تجمع جميع اهل المناشط في سهرات رمضانيه جميله

• وحصلوا فريق السله

• قبل تنتهوا من الملاعب

• حصلوهوا ياناس

• عشان مايلحق بفريق الهلال في الدرجه الادني

سلك كهربا

لان الصفوه تدعم الوحده وتناهض الانفصال تمهل في مسيرك يانيل الحياه , الوطن واحد وواسع وحقك

والي لقاء

سلك

babikir maki [b_silik@hotmail.com]