In the name of God, mercy.
في السلك
babikir maki [b_silik@hotmail.com]
• ايها الناااااااااااااااااااااااااس
• وتاني ايها الناس
• تحدثنا عن الحضري ايام مباراة اهلي شندي
• وقلنا ما يلعب
• ولا يسافر شندي
• ويتمرمط لما يعرف حاجه
• ويعرف انو الله واحد
• ويقتنع بان المريخ كبير
• وكبير جدا
• وليس مثل الاهلي والزمالك والاسماعيلي وسيون السويسري
• وقلنا نحنا مريخاب حمر
• قلوبنا احر من الجمر
• لانقبل مثل الدلع الذي أتي به الحضري
• قالوا لينا انتو غلطانين
• ادوهو فرصه
• الراجل اعتذر
• وخرج علينا البعض بان الحضري لاعبنا
• جبناهو بقروشنا
• عشان كده نلعبوا في كل الازمان وكل الاوقات
• جابت ليها كمان اشانه سمعه
• قالوا الحضري قال عندو قروش حقات عشره شهور ما استلمها
• وقال ايه
• موكل محامي فرنسي يشتكينا
• شوف ليك جنس صعيدي !!!!!
• ضربني وبكي سبقني اشتكي
• ايها الناس
• والله كأس العالم بطريقة الحضري دي مسيخ
• تقول لي ممتاز ؟؟؟
• ياحضري
• لاتسقني كأس الحياه بذلة بل اسقني بالعز كأس الحنظل
• كأس الحياة بذله كجهنم وجهنم بالعز افضل منزل
• فاهم الكلام ده ياهريدي !!!!!!!!
• هكذا كنا
• وهكذا هنا
• ولكن يجب ان نكون كما كنا
• علي المصري
• زملكاوي كبير
• ومريخابي موت
• لما قالوا المريخ داير يتعاقد مع الحضري
• قال لي حضري مين ؟؟ ماينفعش
• وقال لي عندهم مثل زملكاوي بقول
• لو كنت للسعاده غاوي ابعد من اي اهلاوي
• وانا مع علي المصري
• مع الاعتذار للبدري
• قلنا ليكم
• اعتبروهوا مات
• وتموا الممتاز بمن حضر
• قلتوا ابدا
• منكم لله
• جبتوا لينا الكلام
• لكن الله يسامحكم
• في الآخر كلنا مريخاب
• لكن العملها الحضري في تيم ناس العجب ماعملها نجار في الخشب
• قال ليك في مصر جا التمرين متأخر
• يتقدل زي ديك الروم
• قالوا البدري قال ليهو فيه ايه يا عصام
• الحضري اتنفض وقال
• ايييييييييييييييه !!!!مالك يا حسااااااااااااااااااام ؟
• البدري : متأخر لييييييييييييه ؟
• بس قال ليك الحضري مرق ليك ضرعاتو وسمع ليك البدري جنس صفقه
• وردح ليك فيهو
• واسمه عوووووووووووووووووووووووده
• قرب يقول ليهو هييييييييييييي وهييييييييييييي وتاني هيييييييييييييي
• البدري برضو يستاهل عشان لعبوا كورة كورة شندي
• لو كان رماهو في الكنبه ما كان سمعو صفقه زي دي
• ايها الناس
• سنكمل الممتاز بيس ومحمد كمال
• وسنفوز بالممتاز انشاء الله
• بدون الحضري
• الحضري يريد ان يضغطنا لنكتب معه اتفاق اطلاق سراحه نهائيا عند نهاية الموسم
• لانو بفتكر اننا كسودانيين مجرد بوابين ما بنفهم حاجه
• وعشان الفلاح ده يعرف ماهو( المخ )السوداني
• خلوهوا كده
• لما يتم التلاته سنين بتاعتنا
• نرسل ليهو كرتو في مقابر كفر البطيخ بتاعو ده
• ولو حصل امر الله قبل اكماله للتلاته سنين
• حانقوم بالواجب
• ونكتب في الشاهد الاول هذا قبر المرحوم (قشار القشري )
• ونكتب في الشاهد التاني لاعب نادي المريخ السوداني
• ولما يكمل الفتره بتاعت العقد
• نمسح كلام الشاهد التاني
• ونخليهو فاضي
• نعلق للمرحوم كرتو فيهو
• ايها الناس
• نقول ليكم نادي الكرامه السوري
• تقول لي كرامة شنو ؟؟؟؟؟؟
• قال محامي فرنسي قال
• تعرف ياحضري نحنا لوجبنا محامي صيني (ما اصلي )
• برجعوك بيت الطاعه
• لكن في الوقت داك بتلقانا عرسنا
• ايها الناس
• ست الحبايب محتاجه لدعواتكم
• عارفكم مابتبخلوا عليها
سلك كهربا
ننساك كيف والحضري موكل علينا محامي بيجو !!!!
والي لقاء
سلك