In the name of God, mercy.
في السلك
• واحد صفوه
• صفوه شدييييييد
• بدردش معاي
• قال لي سمعنا تحت تحت الزول مشي نيالا
• وفي زول تاني مشي بورتسودان
• ومن هناك سواكن عدل
• وقالوا مشي لي زول صعب
• شدة ما كعب ريحتو تيس تيس
• قال ليك لو غرق في بحر عطر نكهتو ما بتتغير
• قالوا ليك قالوا ليهو تشتغل لينا
• قال ليهم ابدا 000 حاشا وكلا
• قالوا ليهو لييييييييه !
• حق الكوره الفاتت لي اسي ( ماهاسبتوني )
• قال ليك الزول المشي ليهو برطم تحت تحت وقال
• مهند الطاهر ماحاسبوهوا يحاسبوك انت
• الفكي قال ليهو قلت شنو ؟
• قال للفكي ابدا , قلت ليك بنديك الحسابين سوا
• وحنسوهو شدييييييييييييييييد
• في الآخر الفكي اقتنع
• وقال ليهو اعمل ليكم شنو ؟
• قالوا ليهو تمسك وارقو
• قال ليهم مأقوله ياهاج !
• انا كان بمسك وارقو كان الليله في جنوب افريقيا قاااااااااعد
• قالوا خلاص راجي
• قال ليهم مابقدر علي الجري ده , انا زول كبرت
• قالوا ليهو طيب مصعب
• قال ليهم الا ده
• قالوا ليهو طيب العجب
• قال ليهم قوموا اطلعوا بره
• والجماعه اتخارجوا
• وصلوا الخرطوم
• لقوا الزول المشي نيالا جاب اتنين من هناك
• قالوا لي واحد فيهم كلم شيطانك ده يباري لينا وارقو
• قال ليهو هو الشيطان ( اوير ) عشان يباري وارقو
• انتوا قايلين الشيطان داقس
• والله اقول للشيطان باري وارقو بعد الكوره سلام الله ما يديني ليهو
• اخير اقول ليهو باري ديمبا
• باري ديمبا موش جايه ؟
• الجماعه قالوا للزول رجعهم طوالي
• قال ليهم ديل من نيالا
• قالوا ليهو سوق المواسير حولوهو نيالا ولا شنو !
• الشياطين كلهم قرروا يزوغوا من الكوره دي
• عشان ما يشطبوا بعد الكوره
• في تكميليه شيطانيه بين الدورتين
• انتوا فكروا في شواطين هجين مستوردين
• يمكن يحلوكم ويكسبوا ليكم التعادل في الدوره التانيه دوري 2110 /2111
• كورة انيمبا ومازيمبي قال ليك ناس مازيمبي فرغوا شيطانين لوارقو
• لف من الاول وفات التاني ورجع بيهم تاني
• قال ليك لي اسي الشيطانين راقدين في قسم العظام مستشفي الابالسه التعليمي بسهسهوبي ضاحيه شمهروش
• علي حساب جلجلوبي
• قلت ليهو والله ياصفوه لن يصيبنا الا ماكتب الله لنا
• وربنا انشاء الله غير النصر مايكتب لينا شئ
• وفي روشتة النصر يكون مكتوب الآتي
• وارقو سايكولين مرتين في القون
• قلق دايكوسلفا مره عند اللزوم
• عجب ياكتين ده طواااااااااااااااااااااااااالي
• ماتغيب منو اصلو
• لو فطيتو يوم بتتلحس
• قال ليك الابالسه يوم عندهم كوره
• فريقين محترمين
• لاعبين وقال ليك الكوره نار
• عندهم القاب زي الناس
• واحد ابليس لعااااااااااااب
• يميل بالكوره يمين وشمال
• جماهير الابالسه لقبوهوا بالعجب
• الكوره جاتو
• ابليس المذيع قال ننقل لكم المباراه الهامه
• طبعا من دون بسمله
• كان بسمل كورة شنو تاني !
• المهم بذيع
• قال كوره مع جهنسوبي
• وبمشي جهنسوبي
• وبلعب لي عجب
• قال ليك الابالسه اولاد الابالسه
• البلعبوا والبتفرجوا والمذيع والحكام (كانوا هجين )
• من قولة عجب فكوا البيرق
• جنس جري
• ماقلت ليكم
• كان جات لي عجب اجروا بس
• اجروووووووووووووووووا
سلك كهربا
ننساك كيف والجماعه جاريييييييييين
والي لقاء
سلك
babikir maki [b_silik@hotmail.com]
