مستر قرين … بقلم: بابكر سلك

 

بسم الله الرحمن الرحيم

 

في السلك

 

 

 

•          زمااااااااااااااان

•          في حصة الانجليزي درسونا قصة مستر قرين ومسز قرين

•          وكانت من الكلمات الجديده علينا كلمة ( لوري )

•          نقولها بفخار

•          نعوج لساننا لما نقرب نبلعوا

•          المهم

•          ذكرني القصه دي حارس انجلترا

•          قرين

•          فريقوا غالب

•          والكوره ماشه علي نهايه

•          مسك الكوره واستحمي بيها

•          هدف تعادل

•          كسر بيهو ضهر انجلترا

•          ضحكت

•          وقلت البشوف مصيبة غيرو تهون عليهو مصيبتو

•          قرين ده

•          ده زول شنو ده ؟

•          معقوله انجلترا عندها برضو ود كمال !

•          لكن ده ما السؤال

•          اذا كانت انجلترا فيها مستر قرين واحد

•          نحنا عندنا كم مستر قرين ؟

•          واحد!

•          فيكم الخير

•          اتنين !

•          خجلانين من شنو

•          قولوا بالبواضح

•          عندنا تلاته

•          ياناس

•          فريق بطولات بحارس ضعيف ماممكن اصلو

•          تعالوا لنتصفح تاريخ حراسنا

•          اتصفحتوا ؟

•          من المطمئن فيهم ؟

•          خلوها حراسة المرمي

•          في دفاعنا ده

•          عندنا كم قرين ؟

•          ثيردباك قرين

•          وقرين طرف يمين

•          ديل المضمونين

•          تعالوا للوسط

•          صناعة اللعب كلها قرين

•          اما الهجوم

•          في قرين واحد

•          والماقرين معوقين

•          ياناس

•          علي المجلس ان يعمل جاهدا للتسجيل في الخانات الضعيفه فنيا وقلبيا

•          يخلونا من المجامله

•          لو سكتنا علي الكلام ده نبقي مريخاب قرين

•          الحرب علي المجلس بعد الهزيمه فيها بعض المنطق

•          وفيها بعض الدوافع لشئ في نفس يعقوب

•          لكن يعقوب مفروض ما يطلع قرين

•          مفروض يقول الكلام بوضوح

•          وطبعا ماممكن نلوم المجلس عشان وفر كل الاحتياجات

•          ممكن نلوموا عشان سياسة الحساب ولد والعين الحمراء معدومه

•          وممكن نلومه في عدم التوفيق في اختيار بعض العناصر لبعض المهام

•          لكن ماممكن نلوموا عشان الوالي قعد بعد الكوره مع كاربوني براهو

•          معروف ياساده ان الوالي هو رئيس القطاع الرياضي

•          يبقي من حقو الجلوس مع المدرب

•          ونقل ماحدث للمجلس في الاجتماع

•          ماتبقوا قرين وعلينا محسوبين

•          ياناس

•          فالنفرض جدلا ان كاربوني اخطأ في ادارة المباراه

•          هل يعني ذلك انه ضعيف فنيا ؟

•          الا يحمد لكاربوني انه استمر بفريق نفسيا منهار بسبب وفاة ايداهور وعدديا ناقص بسبب الاصابات التي حدثت لخط هجوم كامل بالاضافه للقرينات الكتااااااار القاعدين في الكشف !

•          علي مجلس المريخ ان يعمل جاهدا للتخلص من الفاقد الفني الذي تسبب كثيرا في خروجنا من بطولات اقرب الينا بسبب ذلك الضعف الخلقي

•          وان يعمل جاهدا علي احلال خامات تشبه المريخ التاريخ فنا واصرارا

•          تتذكروا  ابالو لما كان معانا !

•          ياناس

•          النفطي الذي لم يقدم لنا خلال السته اشهر الماضيه لن يقدم لنا خلال السته اشهر القادمه

•          وحتي يكون القادم احلي

•          يجب ان يكون القادم في خانة النفطي اكثر حماسة

•          روشا

•          ماعارفنك شايت وين

•          الهلال مغلوب انت سيد القعده والارباب وكفايه عذاب

•          الهلال غالب انت سيد القعده انه الهلال وامبده والانتر

•          موش ياهو زاتو هلال العذاب ياروشا ؟

•          بيع ياراجل قبل الاوان يفوت

•          واحد قال لي الهلال غلب المريخ

•          قلت ليهو ابدا

•          قال لي المريخ اتغلب من الهلال

•          قلت ليهو ابدا

•          قال لي طيب شنو ؟

•          قلت ليهو المريخ اتسمم بي فسيخ

•          امبده

•          معقوله !

•          ياوالي

•          قرينين بتاعين الدفاع ديل لو جبنا نفرين من ناس الهدف يحرسوها احسن منهم

•          علي الاقل بقولوا ممنوع

•          امشي بعيد

•          لو شايل كرت من المدير الوقفهم ما بتدخل

•          لو جا المدير ذاتو ما بدخل

•          كفانا مجاملات

•          ولو داير تتأكد ياوالي تعال بنفسك وشيل الكوره بيدك واجدعها ليهم فوق

•          شوف ليك جنس جهجهه

•          فكونا ياناس

•          ياوالي

•          اقرأ الملصقات

•          المدة الافتراضيه لو انتهت السلعه بتضر ما بتنفع

•          لو كانت (تانج ) ذاتو

•          تذكروا

•          اذا كنا مصرين علي الفوز بالكونفدراليه يجب ان نسجل في الخانات التاليه

•          مهاجم صريح بدل ايداهو

•          ثيردباك صريح بدل ايداهو

•          صانع لعب صريح (سريع ) بدل ايداهو

•          طرف يمين بدل ايداهو

•          حارس مرمي صريح متمكن بدل ايداهو (شلبي ما بلعب عشان شارك مع الامل )

•          مساعد مدرب وطني صريح بدل ايداهو (محمد الطيب مابلعب عشان شارك مع الامل )

•          جمال ابو عنجه صرييييييييييييييييييح ( ماداير اقول بدل مجاهد )

 

 

سلك كهربا

               انت بتتنسي !

والي لقاء

سلك

babikir maki [b_silik@hotmail.com]