In the name of God, mercy.
في السلك
• يوم كورة الجماعه مع حي العرب كان معاي صديقي ضرير
• ركبنا مع ميرغني كرار في عربيتو
• قلنا ليهو ماشين امدرمان
• قال بنزلكم في الموقف
• قلنا خير
• اها قام نزلنا في الموقف
• مسكت صاحبي الضرير من ايدو ودخلنا الموقف
• حافلات كتيييره واقفه
• واحدات واقفات بانتظام
• ووحدات سمحات واقفات بعيد بالجمبه زي البنات في بيت العرس
• شئ هايسات
• وشئ كريزات
• وحتي الكباااااار
• واقفات
• اربعين صف
• غير السارقين النمره
• والطراحين يكوركوا
• صحافه 000 صحافه
• يجيك صوت من بعيد
• الثوره 17 خليفه 000 خليفه 00خليفه
• وطراح تالت ينادي
• امبده 000 امبده
• حافله متحركه والكمساري ينادي
• دروشاب 00دروشاب 000 دروشاب
• طراح تاني يكورك ود البخيت ود البخيت
• واحد مسكنا من ايدنا البتوجعنا وقال مورده 000مورده
• صاحبي الضرير قال لي يا اخوي شنو الكوراك ده صحافه وخليفه ودروشاب ومورده وود البخيت ؟ نحنا وين ؟
• قلت ليهو نحنا في موقف جاكسون يا صديقي
• وركبنا الكريز
• كراسيها نظره مني ونظره منو
• مقبلات علي بعض
• وطارت بينا
• لما جينا في كوبري جامعة السودان قربت تطير في السما ده
• المهم وصلنا امدرمان تمانيه الاربع
• نزلنا وركبنا ركشه
• جرينا البيت عشان كنت داير احضر كورة الهلال والعرب
• دخلنا وقعدنا
• الكوره بدت
• عليت الصوت عشان صاحبي الضرير يتابع
• المعلق ذكر تشكيله الهلال
• خليفه وامبده والدروشاي وود بخيت وفي الاحتياطي تاج المورده ومن المصابين نعيم الصحافه
• صاحبي الضرير قال لي المذيع ده قال خليفه وامبده ودروشاب وود بخيت ومورده وصحافه ؟
• قلت ليهو قال يا صاحبي
• قال لي نحن في موقف جاكسون لسه ؟
• اها
• موضوع منظمات الدعم لسه شغال
• والحبيب الصفوه الرائع مجد الدين شريف قال كديستهم وكديسة الجيران اتفقن علي تسجيل منظمه لدعم الجماعه
• اختارن ليها اسم منظمة رفق الحيوان باخيه الانسان
• واليكم نص الحصل
• كان صاحبي مجد الدين راقد في السرير
• شاف كديسة الجيران قاعده مع كديستهم تحت السرير التاني
• ودار حوار بين الكدسه
• كديستهم اسمها بسه
• وكديسة الجيران اسمها بسبوسي
• ودار حوار بين الكدسه
• قلنا ننقلوا ليكم بالنص
• بسه رفعت ايدها ولحست جمبتها وقالت
• نجونجونتي نجوة نجلك النجونجوا في النجويوا ؟
• يعني سمعتي جدعه سلك الجدعا في الجريده ؟
• بسبوسي (اتسأبت ) وقال ينجوجوني
• يعني يطرشني
• بسه: جاووووووووووو 000 جاوني 00جوجونه !
• يعني سجمي 0000 معقوله ؟
• بسبوسي نجواو نجووي ونجاجوني
• يعني وحات نظري وعافيتي
• وصاحبي مجد يعاين ويستغرب ويسمع
• بسه : نجلك جاااو نجاوين ينجونجوا الجواوه
• يعني سلك قال ناوين يدعموا الجماعه
• وواصلت : ينجونجوا منجونجوات نجونجيه
• يعني دايرين يعملوا منظمات خيريه دعميه
• بسبوسي وقف حيلو واتمغي واتمطي ونفش شعرو وقال
• نجا ونجا ونجااااااااااااااااااااااااااااااااااو
• يعني لأ 000 ولأ 0000 وابيييييييييييييييييييييت
• بسه : نجونجوة النجو بالنجونجاو نجاووووووووووو
• يعني منظمة الرفق بالانسان واجب
• بسبوسي : نجاو نجو نجو نجوووا
• يعني مابستاهلوا
• بسه : نجو نجو نياو جاو نجو
• يعني اعمل الخير وارميه البحر
• بعد نقاش طويل اقتنع بسبوسي بضرورة الدعم وكونوا جمعية الرفق بالهلال
• في اول اجتماع قررن يحومن بالليل كل ابراج الحمام ويأتوا بالصيد الثمين كدعم للجماعه
• لكن بسبوسي استدرك
• بسبوسي : نجوا 000ناو 000 ميو
• يعني لو هاجمنا اقفاص الحمام حانهاجم الجماعه المراد دعمهم لانهم حمام
• بسه : نجو ناوووووو
• يعني نهاجم الجداد كويس ؟
• بسبوسي : جو ناوووو نجو نجا نيب جييييييي
• يعني لو قبضنا جداد لب بياكلوا ني
• جار مجد الدين هلالابي
• لما جا داخل سمع ونسة الكدسه
• قال ليهن بس
• جرن بعيد يضحكن فيهو وطلعن يتمن كلامن في الحيطه
• بسبوسي اتلفت علي جار ناس مجد الدين وقال ليهو
• داووووووووووووووووووووووووووووووووووود
• كلام الكدسه كتيير حانجيبوا بالتفصيل قريبا
• ابقوا معنا
• لكن الحدث ان يدعم الحيوان اخيه الانسان الفلسان
• يا مجد الدين قول للكدسه امشن اتمشن في موقف جاكسون
• خليفه 17
• واحد مقيل في البحر
• عاين للمويه وقال ليها زمان كنت بتقطعي اسي بقيت بتمرضي
• توجعي في بطون الشعر العربي
• ملحوظه
• باب الدعم فاتح والمنظمات علي قفا من يشيل
• شايف الغراب في بورتسودان ململ كتييييييييير
• ياربي يكون كون منظمة الغربان لدعم هلال زرقان ؟
سلك كهربا
لابنسااااك ولا عايز ولا بقدر
مع تحياتنا للرائع محمد ميرغني
والي لقاء
سلك
babikir maki [b_silik@hotmail.com]
