In the name of God, mercy.
In the wire.
• ميشو نفش ريشو
• من حقو
• موش قروشو !
• كان قعد مع سانت جورج زغني ساااااي كان شبع
• فرجه سااااي في سماحة اديس دي كان استمتع
• جو جميل سااااااااااااي كان صحتو اتصلحت
• بالله من جا هنا تقول ماسكو التايفويد
• التي شيرت بالجمبه
• اللياقه واقعه لي نص الضهر
• معقوله
• لاموز
• لامقدم عقد
• لا سماحه
• وشنه كمان
• شنات استاد
• الجابرو شنو ؟
• الخواجه قال قروشي اسع ناااااااااااااااااااااااااو
• والواقع قال نووووووووووووووووووو
• ومابين ناااااو و نوووووو فروقات كبيره
• كدايس ياكافي البلا
• ناو 00 نو 000ناو تنونوا اليوم كلو
• بس (بكسر الباء )
• اها
• امس كانت الانتخابات
• اتذكرت كلام الارباب
• لما قال شداد باقي ليهو اسبوعين
• اها
• طاروا الاتنين
• البهدد بالاسبوعين
• والمهدد بالاسبوعين
• قالوا الارباب جاب عشرين صوت
• رضا يا ارباب
• احمد ربك يا راجل
• وبوس يدك قلبه وعدله
• لكن عشرين نقطه دي ما بتقعد تيم في الممتاز , بنزل
• اخير من الناس المرقوا من التنافس
• بره اللعب
• زي توتي
• توتي زماااان
• اسي الذكرني توتي منو ؟
• امس جات طياره مستعجله
• جديييييييييييده
• وصغيره
• طايره شدييييييييييييييييد
• دايره ليها مشاكل
• اسلام قالت لي دي طيارة الفيفا
• قلت ليها الفيفا تطير
• بلاتر الماسوره
• تقدر تقول مشو ميشو قبل ناس ميشو يمشو
• عشرين مره
• قدر نمرة الارباب
• تخيلوا
• افرض الارباب لم يترشح
• وشداد ترشح
• تضمن لي انو شداد كان بجيب قدر الاصوات الجابها الارباب ؟
• معقوله زول يصوت لصالح جعفر ممكن كان يسند شداد اذا نزل انتخابات ضد جعفر
• الاصوات التي ساندت جعفر في كل الاحوال كانت ستسانده
• ايا كانت دوافعها في تلك المسانده
• ياناس
• البقت بقت
• الاتحاد الجديد عليه يبدأ من حيث انتهي الماضي
• ويعمل علي تطويرنا
• شكرا دكتور شداد علي ماقدمته للكره السودانيه طيلة عقود من الزمان
• في ألاخر انت خبير وعملت واجتهدت واستطعت ان تقود كورتنا لازمان طويله
• برغم استحالة اداء مثل تلك الاعمال في حقب تواترت كثيرا
• نشكرك
• والمابي الشكر ندمان
• زي المابي الصلح
• اسي المشكله مامعتصم جعفر فاز
• معتصم يفوز مامشكله
• الارباب مايفوز مامشكله
• شداد يزعل ما مشكله
• شداد يرضي مامشكله
• الفيفا تجي مامشكله
• الفيفا تتغابي العشره وما تجي مامشكله
• ميشو يمشي اهلوا مامشكله
• يجي راجع يدرب مجانا مامشكله
• البرجع الارباب لرئاسة الهلال شنو؟ دي المشكله
• ومافي حل للمشكله
• اجمل ما قرأت في الآونه الاخيره ما كتبه الرائع مجدي محمد البشير
• قال شداد يا فيها يا للفيفا يوديها
• امل الزعيم كبير
• لكن من اسي
• النيجر فيها مطر شديد
• لا بنقبل قولة الامطار
• ولا بنقبل احذية المطر نسوها
• ولا بنقبل غير التأهل
• اسلام قالت لي من استقال عمو صلاح ميشو ما ادوهوا حقو ؟
• قلت ليها ما ادوهوا
• قالت لي كورة الهلال في زيمبابوي متين ؟
• قلت ليها قربت
• قالت لي الهلال هنا موش غلب خمسه ؟
• قلت ليها صاح
• قالت لي كان الهلال مالقي حق الطياره موش بعدوهوا مغلوب اتنبن بس !
• قلت ليها بطير بدل الطياره المالاقين حقها دي
• بيع يا روشا
• الزومه ضايقي
• الموضوع كبير ياروشا
• العمد ما بحلوهوا
• داير ليهو حكومات عدييييييييييييييييييييييييل
• بيع ياراجل
• انشاء الله بيع جزء يقعد بيهو ميشو
• انشاء الله الانتخابات يعيدوها
• يعني كان عادوها الكم واربعين ديل بزوغوا ؟
• افرض زاغوا عشره
• برضو بتكون النتيجه تلاته وتلاتين قصاد تلاتين
• سبحان الله
• زي الفرق بين المريخ والهلال في الممتاز
• تلاته نقاط
• اتنقطي
سلك كهربا
الكاف رفض قيد بديلك تقول لي ننساك
والي لقاء
سلك
babikir maki [b silik@hotmail.com]