هلالاب احبكم ولا يهمكم

بسم الله الرحمن الرحيم

 

في السلك

 

 

 

 

•       كل عام وكلنا طايرين اقصد طيبين

•       كل سنه انت وانا يا بختنا

•       العيد كان جميل جدا

•       برغم ان الناس كانت مسخنه والجو مسخن لكن برضو عيد وفرحه

•       اعجبني مانشيت كبير صبيحة هزيمة الجماعه من زيسكو

•       بقول الهلال يختار المركز الثاني

•       شوف يختار دي حلوه كيف

•       لكن الحق يقال

•       الاهله اثبتوا انهم ناس وطنيين للحد البعيد

•       في قون رتشارد في كانو شاهدت الاهله فرحانين اكتر مننا

•       منتهي الحب

•       ولما كانو تعادل شاهدتهم حزنانين

•       ماداير اقول اكتر مننا

•       ما داير اقول حزنانين براهم

•       منتهي الوطنيه

•       وحب الآخرين

•       تخيل هلالابي يحزن والكره تتهادي في شباك المريخ

•       يا ولد يا حساس انت

•       عشان شعوركم ده نحنا بنحبكم

•       ولما مازيمبي يجيب قون بنزعل اكتر منكم

•       ونقول ليكم هاردلكم وما يهمكم

•       اصلوا الكاس همكم

•       وعمرو ما كان عندكم

•       اصلنا بنريدكم

•       ولو حتي نبدا من الصفر الريده لازم تستمر

•       اجبرناكم تشجعوا الزعيم

•       قلنا ليكم برانا ما بتبقوا

•       المهم

•       الناس اثنان

•       عالم ومتعلم

•       ومادونهما رعاع

•       عالم لامور الدين ومتعلم لامور الدين

•       والناس في المجموعات برضو اثنان

•       راس مجموعه وبطل مجموعه

•       وما دونهما تمومة عدد ساي

•       دقسة حكم جابتهم

•       انتوا زعلانين عشان كانو تعادل ولا عشان ماجيتوا بطل مجموعه ولا عشان الكوره التانيه برررره

•       طيب دايرين الكوره التانيه جوه لييييه ؟

•       لما كانو جاب التعادل اسامه محجوب الصفوه رسل لس رساله قال فيها

•       الجنازه ماشه كويس وصلت مدينة النيل

•       معايدة الصفوه كانت بالاستاد جميله وجينا كلنا من الوالي ومرورا بكل الناس وحتي آخر زول

•       بعد كورة كانو لاقوني جماعه بغنوا

•       اللييييييله مازمبي

•       قلت ليهم الاغنيه دي ده ما وكتها

•       قالوا لي دي بروفات سااااي

•       قناة النيل الازرق ابدعت كعادتها ايام العيد

•       جابوا سهره اسمها الدلوكه

•       بعد اتفرجت فيها قلت مفروض يسموها الباروكه

•       ياسلام علي مجلس المريخ وهو يتقبل النقد بصدر رحب ويعمل بجد للاستفاده من الاخطاء السابقه ويعدنا بمريخ قوي يعتلي منصات التتويج بي حقو

•       شوف بي حقو دي

•       نحن من جانبنا ما دايرين غير مريخ عينو حمراء وفنيلتو حمراء

•       ادفع نص عمري واشوف الكاردينال رئيسا للهلال

•       وديمقراطيه 0000 ديمقراطيه

•       من حقو وبي حقو ولو كان بالاقساط

•       يا ربي قرن شطه عارف الكوره الجايه مع مازيمبي ؟

•       مسؤلين من الخير

•       كواريزما ياربي مضرب مع ناس بوليفيا ولا لأ ؟

•       قال ليك الاسبوع الفات كواريزما جاب قون في رابطة نيجيريا شرق في المقص

•       قالوا رئيس الرابطه قال الولد ده لعاب جبتوا من وين ؟

•       ناس فريق كوارييزما بتاع الرابطه قال ليهو جبناهو من الهلال

•       في معايدة الزعيم نوالي زاتو جا

•       مبسوط ومعيد

•       من حقو يجي نوالي برضو مننا

•       صفوه

•       مع انحسار النيل المفاجئ ده جنازة البحر بتمرق بدري بدري

•       يا ناس الحتانه فتحوا عيونكم كويس

•       ابو تميمه قال دي فرصتهم في الكاس

•       وقال دي فرصه ما بتتكرر

•       كلمك منو يا ابو تميمه ؟

•       التميمه ولا الكتب التميمه ؟

•       عودة كروجر وحسن يوسف وعادل محمد عثمان واجبه

•       اول خطوه في طريق تصحيح الحاصل

 

سلك كهربا

                الناس الفرحانه 000 راجينكم في الحتانه

                                      والي لقاء

                                            سلك