In the name of God, mercy.
في السلك
الحوثيون 1/1000
b_silik@hotmail.com
*موضوع الساعه فرض نفسه علينا
*تحالف العرب وحرب الحوثيين
*او قل تحالف المسلمون في حربهم ضد الحوثيين
*او قل حرب المسلمين ضد المسلمين
*كلنا مسلمين
*حتي باختلاف المذاهب والانتماءات كلنا مسلمين
*وفي مثل هكذا مواقف
*ربنا سبحانه وتعالي ورانا الحل
*قال لينا لو في طائفتين من المسلمين اقتتلوا
*نصلح بينهما
*فان بغت احداهما علي الاخري
*نقاتل التي تبغي حتي تعود الي امر الله
*واظن ان الاخوه الحوثيين قد غرتهم الانتصارات
*وابوا الصلح
*والمابي الصلح ندمان
*لكن حقيقة ما يقطع القلب بعض التعليقات في الشبكه العنكبوتيه
*واكتر حاجه المتني
*صورة لاوباما وهو يضحك تحت تحت قائلا
*العرب لما اتفقوا ضربوا اليمن
*ومما المني كثيرا
*القوة العسكريه الهائله المستخدمه في الحرب
*والاسلحه المباده بعد بداية الضربات
*كلو سلاح عربي
*الضارب والمضروب عربي
*شتتنا قوتنا بيناتنا والغرب يتفرج
*ولو جمعنا ما استخدامناهو في الحرب وما ابدناهو للحوثيين
*لضمنا حماية امتنا مية سنه لي قدام
*ولكنها قوة الراس
*اللهم بعد ده ادي الناس راسها
*ووحد بين قلوبنا
*وعلمنا الاسلام علي حقيقته
*دينا لاي زمان واي مكان
*يتعايش مع الجميع بدون خنوع ولا خضوع ولا يحقر بالآخرين
*ايها الناس
*اعجبني قرارنا الاستراتيجي بالانضمام للتحالف العربي
*واعجبتني تغريدات الاعجاب في حق جنودنا وفي حق موقفنا من ذلك التحالف
*ويا اخواني قالوا الحاره جات
*واصلو نحنا بنتعرف يوم الحاره تجي
*اللهم سلم اولادنا وانصرهم ووفقهم لرفعة راسنا فوق شديد
*جنا عزرائيل واخوانو ما بقصروا
*المهم
*قالوا الكسير بدأ في نادي الهلال
*ما كسير التلج
*ده موجود من بدري
*كسير الحيط
*ووقتها تذكرت حيط استاد المورده
*مكسره لي اسي
*سبعه سنين مكسره
*مكسره في منو ماعارف
*الهدم هين
*صعب البناء
*والتكسير بدأ بالنادي
*يعني فصيل استاذ ماجد يتخارج
*يقعد جمب نوش لما مدة المجلس تنتهي
*معقوله بس
*الشغل حسب المجسم من الناحيه الشرقيه والناحيه الغربيه
*وفي دكاكين مستاجرات
*الدكاكين شغاله
*كان مخازن كان دكاكين
*والشغل يمشي كيف ؟؟؟
*لو المهندسين صينيين
*الهلالاب ديل هنود ؟؟؟؟
*ايها الناس
*عند وضع حجر الاساس
*اسلام قالت لي الخوف يبقي ده الشاهد الاول في مقبرة الهلال
*فضل الشاهد التاني
*وبالواسوق يا عابدين
*قلت ليها بعد الشر
*ابو الهل صغير وجاهل
*لي اسي ما عمل شئ
*لاجاب كاس من بره
*لاطلع من زيرو كبير
*ولا اتسجل في لوح الشرف الافريقي
*المهم
*شركة مستلزمات الاطفال الدايره تبني قلعة الهلال ما غريبه علي
*دحين عمارة البرير موش مركز لعب الاطفال المستورده من الصين ؟؟؟
*يبقي الشركه بتعرف الهلال من زمن البرير والهلال بعرف الشركه من زمان
*المورداب صبروا
*الهلالاب بصبروا ؟؟؟
*محمد عبدالماجد
*بعد التكسير ده الشمس بتسخن معاكم
*تعالوا اقعدوا في ضلنا
*ضلنا بتاع الطابق التاني
*علي بال ما تلقوا ليكم صرفه
*ضل في اليد ولا جوهره في الخيال
*يا بتوع الكاردينيال
*ولا مامكتوب كده في الشاهد
*اقصد في حجر الاساس ؟؟؟؟
*المهم
*اليوم نلتقي هلال كادوقلي
*بالقلعه الحمراء موش في حجر الاساس
*وهي تجربة جاده لمباراة التأهل
*نتمني ان يؤديها اولادنا بجديه كبيره
*حتي نطمئن عليهم في انجولا
*وعلي الجماهير ان تأتي مسانده
*بكثره وبشده
*نشحن اولادنا تمام
*ونوديهم انجولا وفي نفوسهم اصرار
*علي الاقل من اجل الجمهور والكيان والتاريخ
*نعمل العلينا
*وفي انجولا الاولاد ما بقصروا
*وقلبي يحدثني بتاهل من قدم المدينه
*كبسور بموت
*ايها الناس
*اتمني ان يؤدي هلال كادوقلي مباراه قويه
*بس بعيد عن تعمد اصابة اولادنا
*ونحنا بنفرز
*ضربة التعمد من الصدفه
*وعلي التحكيم ان يعطي كل زول حقو
*وان يحمي المواهب بالصرامه
*المهم
*ماذا فعل الاتحاد في استئناف المريخ المتعلق بعقوبة بكري المدينه ؟؟؟
*وهل ذبح المدينه هو ارضاء لجهات بعينها ام عقوبة يستحقها المدينه ؟؟؟
*وهل لو كان المدينه قد اعاد قيده بناديه القديم
*واتي نفس الفعل (ان اتي اساسا بفعل )
*هل كانت ستكون هذه هي العقوبه ؟؟
*وهل من اساسو كان بكون في تقرير فيهو ادانه لبكري ؟؟؟؟
*وكيف تسرب التقرير ؟؟؟؟
*واين ذهب تقرير الحكم اليوغندي الذي كان يوضح فيه انذاره لعمر بخيت ؟؟؟
*لسه في يوغندا ولا رسلو ؟؟؟
*لو كان هناك نرسل جمال سالم يجيبو ويجي
*باقي ده تقرير مهم شديد
*ولا شنو يا مجدي ؟؟؟؟؟؟؟
*المهم
*كلنا من عصرا بدري لموقعة كادوقلي
*ايها الناس
*علمتني امي
*وقالت لي
*المابار بي امو بلي بخمو لما يعرف حاجه
*لو قدامو سنكيت ما بمشي بعيد
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*وكان شفت يا والينا
*وكان شفت يا والينا
*تحالف العرب عاجبنا يا الينا
*واريتو يبقي تحالف للعرب يقوينا
*لكل العرب يجمع بينا
*نرفع راسنا فوق يخلينا
*ما يبقي تحالف مهمه ويعود الحال القديم لينا
سلك كهربا
ننساك كيف والطيارة الضاربه والقاعده المضروبه كلهن عربيات
والي لقاء
سلك