In the name of God, mercy.
في السلك
• بدأ الدوري
• ياسلام
• دوري سوداني الممتاز قال
• لما بدأ الاعداد والناس سألت لماذا لم يبدأ اعداد الجماعه ؟ قلنا ليكم اعداد الجماعه بدأ بدري
• تمارين الحكام ماشه تمام التمام
• شفتوا كيف كان الحكم نجما للمباراه في كورتنا ضد كادوقلي !
• تعالوا وقارنوا اداء الحكم في كورتنا امس واداء نفس الحكم في الموسم الماضي في كورة الجماعه
• طريق واضح وتقدم ملحوظ وتطور في طريق الوصول للهدف
• جمال الوالي في مدني لتدشين حملته الانتخابيه
• جمال الوالي ما مشي كادوقلي
• الحمد لله انو مامشي كادوقلي
• كان طردوهو برضو
• موش كانت مباراة طرد النجوم
• لكن لن نتخارج من وطن النجوم
• يانجومي
• نجومي دي طبعا جمع نجوم منسوبه لي
• يعني النجوم حقاتي
• عرفتوا لما اقول يانجومي بقصد شنو !
• الزول المسك الكوره بايدو لايستحق الطرد لان الكوره لصقت في ايدو
• عشان كده يستحق الطرد ايدو
• يبقي طرد ايداهو صحيح
• والحارس البمسك الكوره بره الخط بايدو وخط طمنطاشر يفارقو لايستحق الطرد
• ولكن يستحق الطرد وارقو
• الزول الذي اصاب الابداع في قدم النفطي لايستحق الطرد ولكن يستحق الطرد النفطي لو واصل بعد الاصابه
• اكتب الآن ولا اعرف ماذا سيفعل حكم مباراة المساء
• اتمني ان يكن قد تدرب جيدا
• يعني نسيب الكوره دي ولا شنو ؟
• اقول ليكم شيلوا كاس الممتاز ودوهوا بن ياس وخلونا نلعب موسم نضيف ونزيه
• امس اول يوم اعرف انو كاس بن ياس كان احتفالا بالمولد النبوي الشريف
• كنت قايلو احتفالا بعيد الحب
• لان التاريخ يقول ذلك
• ويوم المباراه النهائيه كان ليلة ذكري اعدام عمك فلنتاين
• الف صلاه عليك يا حبيب الله
• الدعيع كنت قايلك قبااااااااض
• اتاريك لي اسي ماقبضت !
• وقبضت الريح
• عندنا ليك يا دعيع قطعة ارض سيدا يهودي مرق من السودان بدري
• قطعه شركه جديده لنج
• استعمال خفيف
• بس ماتسأل عن الورق
• مافي زول بسألك
• ناصيه من ناحيه و(سنجل ) من باقي النواحي
• فاتحه اربعه شوارع وبتجيب الهواء
• نسلمك يا ديعو ولا تلعب ساااااااي !
• اذا كان مستوي التحكيم كمستواه في كل المواسم
• يبقي الانسحاب وخلوها للارباب
• كيف تتطور الكره والتسجيل بالموبايل والاعاره دون علم المعار ودون علم المعار اليه , وعودة المعار دون اشعار وشطب المستعار بالموبايل لخلل في قدمه طارئ وعضال
• سوف نشاهد شريط المباراه
• حامد بدوي يقترح ان نسير في مسيره كبيره لتصحيح الاوضاع
• طبعا مسيره قانونيه
• لرد الحقوق لاصحابها
• مريخاب مدني يساندون الفكره
• لو المجلس صهين فان الصفوه قادره علي رد الحقوق لاصحابها
• وجميعم يسألون ماهو دور الرابطه المركزيه يا كرنديس ؟
• ماهو دور المجلس في مشاركة بكري المدينه بالخليج ؟ واين عقوبة التعاون ( اعتداء علي سفاري ) وفييرا ( اعتداء بالبونيه علي مصعب ) التي ثبتت في شريط المباراه في حالة الاعتداء بدون كره ؟
• تقول لي كلتشي يصحح وضعو ؟
• ايها الصفوه لا ينقص من وصف الصفوه شئ اذا انتزعتم حقوقكم حال فشل الطرق السلميه
• الحقوق تنتزع عنوة ولا يطالب بها في ظل اتحاد لايعرف قيمة للاساليب الصفويه المتحضره
• سنقوم بتسجيل جميع مباريات الممتاز الما ممتاز
• لنقدم الادله والبراهين ونفضح امر كل من يتآمر
• ليس علي الزعيم فحسب
• ولكن علي الجميع
• البلد دخلت مرحله هامه يجب ان نرتقي لتلك المرحله
• لاخيار ولا فقوس
• لاللظلم
• لا للبطولات التي تأتي عن طريق الخيار والفقوس والشمارات والتوصيات والتحريشات
• الله لايحب الظلم وحرمه علي نفسه
• ونحن كذلك لانحب الظلم
• ولكن لن تنقشع الظلمات بالتمنيات ولا بالشجب والادانه
• ولكل مقام مقال
• ولو كان الاتحاد ينشد موسما مستقرا ونزيها عليه ان يعمل علي ذلك والا 00000
• سنقوم الموسم بطريقتنا
• الحكم اخرج كروته كما قالوا لان ايداهو ووارقو احتجا علي قراره
• قرار صاااااح يا حكم ويا لجنة التحكيم
• لكن من الليله الزول البتكلم مع الحكام كما يحلو له بل و( يقبقبهم ) ويخنقهم علي مرأي من الناظرين دايرين نشوف تطبيق القانون عليهو او تطبيق القانون علي من رفض تطبيق القانون عليه 0
• يعني العجب لو سخن ساااااي كان اخد كرت
سلك كهربا
يقول تعالي في الحديث القدسي ( وعزتي وجلالي لا اظلمن عبدا لعبد )
والي لقاء
سلك