البقعد مع الوالي

 

بسم الله الرحمن الرحيم

 

في السلك

 

 

 

•       اكتب قبل كورتنا ضد العرب

•       زماااااان قلنا

•       وكتييييييييير قلنا

•       قلنا البقعد مع الوالي ما بقوم

•       لو لغم ما بقوم

•       اها

•       واحد شاف الدعيع في القون التاني قاعد وما قام

•       قال لي الدعيع ده ماداير يقوم قاعد مع الوالي ولا شنو ؟

•       قلت ليهو خليهو الدعيع

•       كاربوني ده من قعد مع الوالي لقيتو  قام من دكة البدلاء ؟

•       خليهو كاربوني

•       انا يوم نايم حلمان قعدت مع الوالي

•       من النوم ماقمت

•       البقعد ما بقوم

•       اشرقت شمس الرائع قسم خالد من جديد بصدي الكلمه الحلوه

•       جيدا جيت يا عظمه

•       مرض ام سادومبا اليويمن دي منتشر

•       الله يستر

•       قليل من التروي وكتير من الكاش تتحلحل مشاكل الهلال

•       جيبوا العندكم واقعدوا في الواطه دي

•       كان ماعندكم تعالوا بالنوايا الطيبه

•       واجمعوا مشاكلكم كم

•       لقطوها من الاقراب

•       والاحباب

•       العندو جارو مرتاح يتدين منو

•       العندو ( خطه ) وصرفتو لسه بعيده يشرح الظروف لي ناس الصندوق ويشيل الاولي

•       العندو باقي كرور يبيعو من اجل عيون وديون النادي

•       العندو صاحبو موفر حبة قريشات يشيل منو

•       العندو عديلو مغندل يتدين منو

•       ما يخجل

•       يعني عديلك بكتبك شيك !

•       ولا بجيب ليك البوليس

•       شيل ساااااااي

•       كان مارجعتها ما بسألك

•       معقوله زول يزنق ابو اولاد خالة اولادو ؟

•       خطة خندوقلي ما نفعت في كادوقلي

•       رساله رائعه وصلتي من زول صفوه

•       بتقول كأس العالم للانديه السنه دي حايكون في الحتانه

•       الي الآن طبعا ياصاحب الرساله الفريق الوحيد الاقرب للحتانه هو ابو الهل

•       والناس في انتظار برشلونه والفريق الارجنتيني وممثل آسيا

•       لكن ممثل افريقيا اتعرف

•       منير كان يبحث عن تأشيره ايطاليا

•       ماكان قاعد يتحاور

•       بالمناسبه

•       عشان تتحلحل مشاكل ابو الهل يعملوا انتخابات

•       لكن المشكله الشكله بتقوم في البشيل رمز الشجره منو ؟

•       والبشيل شعار الاصلي منو ؟

•       والتايواني منو ؟

•       كا كا كا 000 كاكي

•       قايلنها شنو ؟

•       قالوا اكتشفوا سبب الهزيمه

•       Its بن لادن

•       قال لي الارباب مشي وين ؟

•       قلت ليهو مشي السعوديه

•       قال لي متأكد !

•       قلت ليهو متأكد

•       قال لي كان اخير يمشي الدهب

•       والله لي اسي بضحك في كورة الجرس

•       الله يخت محنك يا بدور

•       والله فعلا كورة جرس

•       شفت الجرس الدقوهوا من بعد الكوره ولي اسي !

•       اكتب قبل مباراة العرب زي ما قلت ليكم

•       اتمني ان اري صورة ايداهوووووووووووو

•       وان اسمع الصفوه تزأر

•       ايدااااااااااااااااااقووووووووووووووووووووون

•       كاربوني محظوظ

•       انا سلك ابو صلعه ده لو لقيت لاعبين زي ديل بشيل كاس العالم

•       اي زول تختوا في اي حته

•       الكوره الجايه دايرن عبدالحميد السعودي مساك والنفطي طرف شمال , محمد كمال واكرم ريسين حربه موسي الزومه صانع لعب بله جابر في المرمي

•       شكل يا كوتش

•       ماتبقي روتيني

•       معز ديمبا سامي برنس علاء عمر وباقي الرصه

•       تشكيله زي العلم خانة زول ما بتتغير

•       تشكيله قاعد في محلها تقول قاعده مع الوالي

•       سلك كهربا

 

لن ننسااااااااااااااااااااااااااااااااااااااااااااك

والي لقاء

سلك

babikir maki [b_silik@hotmail.com]