بسم الله الرحمن الرحيم في السلك b_silik@hotmail.com *الجمهور هو ملح المباريات *ولكن التواجد داخل الاستاد ليس للفرجه *وانما للمسانده وحماية الفريق *لاعلان ان هذا الاسد من خلفه اسد قادره علي الفتك باي خيانات *لتقول بالصوت العالي للحكم عندما يميل *عملتك ما جميله وحرتك جبانه *الجمهور الشرس الواعي *هو الذي يدير المباراه من المدرجات *هو الذي يحتسب الحاله قبل الحكم *ليجبر الحكم علي احتسابها *هو الذي يزأر مستنكرا المنكرات التي اصابتنا بتخمه *وهو الذي يهتف في وجه الظلم والفساد *وهو الذي يجبر الحكام علي عدم الظلم *وعدم الخطأ (الشماعه ) التي يوارون خلفها الظلم *الظلم ظلمات *وزمان لما كنا صغار *كنا بنقول عن الحكم السئ *حكم خاين *ولما كبرنا لقينا الفيلم كلو خيانه *حكم بطل ماقابلنا لي الليله *وتستمر الخيانه لاننا نستنكر سرا ما يقع من الحكام *كان بالغنا نردد *هيااااااااا *ده شنو يا حكم *والله بالغت *دي عبارات لا تؤدب ولا تهذب ولا ترتفع لمستوي ندين ونشجب *القصه يا شفوت اكبر من كده *لا مجلس يستطيع ان يحمي الفريق *ولا لاعب يستطيع ان يجبر الحكم *انتم فقط من يستطيع ان يقوم العود المايل *نقومه ولو ينكسر *انكسارنا مؤلم *ويؤلم اكثر من انكسار العود *نقوم العود ولو يتكسر حته حته *ايها الناس *حكم في استادنا يسكت عن ضربة جزاء وحالة طرد في الشوط الاول *وعن ضربة جزاء في الشوط التاني *وعن ضربتي جزاء يوم مباراتنا ضد اهلي الخرطوم نفسه ايام البدري في ختام الدوره الاولي *وعن خنق وعفيص تسخاني (ايفياني ) يوم مباراة الدورة التنشيطيه ضد الهلال *وعن اشياء كثيره *ويتجرأ ليحكم لنا مبارياتنا في الدوري ؟؟؟ *دي حقاره اسمحوا لي *اذا كانت لجنة التحكيم مافاهمه الحته دي *واذا كان المجلس يزوغ من الحته بالبيانات وندين ونشجب *يبقي مافي حل غير يحل الموضوع الجمهور *لان الفريق حق الجمهور *لاحق المجلس ولا بتاع لجنة التحكيم *وحلول الجماهير واضحه وصريحه وناجعه *بل وناجحه جدا *ايها الناس *خلونا من قصة هيااااااا وبالغت يا حكم دي *وشوفوا ليكم حل تاني *ايها الناس *انا شخصيا لو كنت بلعب في المريخ *عندما يتقاضي الحكم عن ضربة جزاء *بندموا علي اليوم الجابو يحكم مباراه طرفها المريخ *ومابقدر يتصرف معاي *لاني بكون قبضتو بالثابته امام الناس كلها *ببقي ليهو في روحو *طبعا ما برجع ويحتسب الضربه الصهين عنها *لكن علي الاقل باقي المباراه بكون مجبور يدينا حقنا فيها *اين كان الكابتن بله من صهينة الحكم عن البلنتيين ؟؟؟ *اين كان باقي اللاعبيون ؟؟؟ *اين علاء الشفت ؟؟؟ *المهم *تعادلنا امام الاهلي في مباراة نستحق ان نفوز فيها بالتمنيه *لكن اهدار الفرص السهله كان مشكله ملازمه *السبب الاستهتار *ويمكن الثقه الزائده برضو اثرت *والعتره بتصلح المشي *ايها الناس *حاول اعلام الهلال ان ينقص من قدر بكري المدينه *بكري ادي مباراه كبيره *وصنع الهدف الاول *بل وصنع اهداف غيره ضاعت *ورحم الله امرئ عرف قدر نفسه *بكري عارف قدر نفسه كويس *ايها الناس *غارزيتو بسأل عن قروش الثريا *لسه ما وصلت ؟؟؟ *داير حقو عمك *ولو زان ليها ودان *بمناسبة لوزان *الحصل شنو ؟؟؟ *قالوا بكري يقيف ولا يجري في ريسينكم دي *المهم *جارنا هلالابي قدييييييييييييييييم *صديق خلاص *اي شئ بصدقو *جاب ليهو مهندس ديقيتلات *المهندس اسبوع قاعد عندو *بفتش ليهو عن قناة الهلال *المهندس اتصل بي صاحبو *صاحبو في مدينة الفجيره الاعلاميه *قال ليهو قلنا ندي الناس ديل حاجه كده زي صفحة الفيس *عمقوها قناة *الشيخ مدير مدينة الفجيره قال لينا *الجماعه ديل فوفاجين ومن الصفحه عملوا قناة *ما تدوهم *قام مهندس هنا قال ليهو اجدع لينا الترددات بتاعتها *مهندس الفجيره قال ليهو *ترددات شنو ؟؟؟ *دي يوزر نيم وباس ويرد ماعندها *ايها الشفوت *كلامي واضح افتكر *الجمهور هو من يراقب الفساد ويقتلعه من جذوره *رسالة *بالغت يا الجقر *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *الليله شماراتنا نكات ساااااااي يمكن تخفف علينا *قال ليك يا والينا *بتاع بحر ماشي في قلب المدينه *قابلوهوا ناس اذاعه من المنتشرات فينا *قالوا ليهو رأيك شنو في الكباري يا اخينا ؟؟؟ *قال ليهم الكباري الاتعملت لينا *ولا الكباري المعموله فينا *قالوا ليهو الاتنين افتينا *قال ليهم من ناحية المعموله فينا *كباري قوية ومتينه *والله يهديهم ويهدينا *اما الاتعملت لينا *حقوا الحكومه لما تجي تعمل كوبري لينا *تخلط الخرسانه بي سم الفار حماية لينا *وكان شفت يا والينا *بتاع بحر قالوا ليهو *والي كضب علينا *فكوهوا بالشبشب امام ناظرينا *قال ليهم منو الفكاهو بالشبشب لينا *قالوا ليهو معلمه يا اخينا *قل ليهم معلمه لكن سلك كهربا ننساك كيف ولو كلو زول بكضب ياخد شبشب كان كملت الشباشب علينا والي لقاء سلك ///////////
