بسم الله الرحمن الرحيم في السلك • ربك رب الخير اراد تتطلع تعادل مع الفارق الكبير في اي شئ • معقوله ! • زول معسكر في برج الفاتح يتعادل مع زول آخر مرة شاف برج الفاتح لما برج الفاتح كان اسمو جنينة الحيوانات ؟ • ضعف سيكافا وضح • فرق كبير في اللياقه البدنيه والذهنيه • ناس الوسط كلهم قطعوا من الشوط الاول • واحدين لعامل السن وكانت عيونهم بتقول لكامبوس راعي احساسي واخشي عامل السن • غيرني • كامبوس زاتو طلع اوكامبوس • لاشفنا الفريق الجديد • ولا شفنا طريقة لعب حديثه غير بونية كلتشي • وواحدين قطعوا لعدم الاعداد • وواحدين قطعوا من الحوامه • قال ليك لافين مصر كلها مع الجونه كايسين ميدان لما الفيهم كملت • وسادومبا طلع بمبه • سادومبا يبدع ويودع • يا حليلك يا امولادي • ماعملوا اي شئ • فسروا الماء بالماء • كابوندي قال • ود الحله طلع ود حله حقيقي • لكن عرفها بدري وزاغ • لعب عشره دقائق بمكانو كانت تلاته ركنيات وتلاته عكسيات • مسك دماغو ورقد • ولما قام مسك كراعو يعتب • ماعارف يقول معوق وين • المهم عرفها واتخارج بدري بدري • قالوا المعز نجم الهلال في المباراه • يعني الكوره كلها كانت وين ؟ • مادايرين نتكلم عن ضربة الجزاء في عرقلة كلتشي الشوط التاني لما ادخل الكره بين اقدام 00 • اقدام منو ؟ • البعرف ليهو هديه • عصر شديد • الجماعه عرقانين في المطره • وجات للشغيل • قبال يهدف وقعوا سته • قال لي كورة الرد عندنا • قلت ليهو صاح لكن عندكم وين ؟ • قال لي كيف يعني ؟ • قلت ليهو في ياتو ميدان ؟ • انتوا بديتوا الصيانه من يوم شردتوا من كورة الرد ضد الفريق الجزائري • الوكت داك كبري توتي ما بدأ العمل فيهو • اسي كبري توتي شغالين فيهو الصيانه السنويه • قال لي نحنا قربنا ننتهي • قلت ليهو انتوا منتهين من بدري • امس مشيت المنطقه الصناعيه داير عربية صرف صحي • جينا غرب الزريبه • اسلام قالت لي المردوم جوه السور ده موش بلاط المحليه ؟ • قلت ليها صاح • قالت لي ليه ؟ • قلت ليها بلدا مافيها والي بتصلحها المحليه • لما المطره صبت قلت لوليد البشري الهلالابي المطره دي بتأثر في الكوره • قال لي مع التركتر بتاعكم ده ما بتأثر • قلت ليهو تركتر منو ؟ • قال لي وارقو ده نسيت يوم دور لينا في المطره في نيجيريا • تعالوا نسمي وارقو التركتر عشان ما ننسي اهدافو في نيجيريا • مسرحية المقاولين العرب انتهت • نهي لياقه • دي المسرحيه الجديده • قال لي عندنا تلاته كور في ارضنا • قلت ليهو انتوا ارضكم وين ؟ • سكت • قلت ليهو وووووين اراضيكم ؟ • انتوا اي كوره حقتكم خارج الارض • الاتحاد الافريقي زاتو كان يراعي للحته دي • يا مزمل والله ماعندنا وكت ندخل النت • شوف موضوع الشكوي في الاتحاد النيجيري مع حوووصه الهوساوي • حوووصه المصري في الاتحاد الافريقي خليهو علي انا • مكجره 000 مدقره 000 مدنكله • المهم ربك اراد سلك كهربا كنا في الاستاد 00 لما المطره صبت كوركنا المووويه جات المويه جات والي لقاء سلك
