بسم الله الرحمن الرحيم في السلك b_silik@hotmail.com *فعلا شر البليه ما يضحك *لذا نضحك كثيرا وطويلا *بل ونقرقر في ضحكاتنا *ثم نستغفر الله *فالافراط في الضحك اثم *ولكن ما يجبرنا علي الضحك *اعلام الهلال *اعلام الهلال يقول بان الاتحاد يستدهف الهلال *وان الاتحاد يخدم جهات اخري علي حساب الهلال *وان الاتحاد يتبص بالهلال *وهم يعلمون قبلنا *بانه لولا الخدمات التي يقدمها الاتحاد ولجانه للهلال *لعادوا للعب بسوق القش *وفي بدايتها الحكام *هل يوجد فريق في هذا السودان استفاد مما يسميه الحكام اخطاء ؟؟؟ *اي موسم خلوهوا *الموسم ده *الموسم البدأ يا دوبو ده *بلنتيين في كورة النسور وحالة طرد من بدايه المباراه *استفاد منها الهلال وتضرر النسور *كورة الميرغني بلنت في بداية المباراه عملها بوتاكو *هيلاسولاس لو كان الحكم كان حسبها بلنت *اخطأ الحكم في حق الميرغني ولم يظلمه كما يقول الحكام *واستفاد الهلال *طواااااالي يخطئ الحكام لصالح الهلال *وصلاح احمد محمد صالح يدافع *يدافع عن ماذا *الله ورسوله اعلم *وحتي صلاح احمد محمد صالح *تقاضي عن احتساب ضربة جزاء للمريخ اوضح من الشمس *ارتكبها احمد النور مع عبدالمجيد جعفر *ليظهر تاني يوم ويبررها بقوله *ماكنت عارفها بلنت *لكن لما شفتها تاني يوم في الاعاده عرفت انها بلنت *لاياخ *صدقناك *اخطأت ساي *لوجه الله *ورينا ياصلاح طيلة فترة عملك كحكم انك اخطأـ في حق الهلال متين ؟؟؟؟ *لن تجد يا حبيبنا ولا واقعه واحده تثبت انك اخطأت في حق الهلال *ولكنك كنت تخطئ عادي في حقوق الغير *صلاح خلوهوا *يا النجومي *منو الحكم (القبقبوا) هيثم مصطفي والثعلب باستاد الخرطوم يوم مبارة الهلال والاهلي ؟؟؟ *وهل كتب تلك القبقبه في تقريره *لو ما كتبها ليه ؟؟ *ولو كتبها اين كانت اللجنه التي ذبحت بكري اول امس ؟؟؟؟ *ايها الناس *نرجع لمواقف الاتحادات كلها *متين طبقوا لوائحهم علي الهلال ؟؟؟؟ *موش الهلال ده هو النادي الذي رفض لاعبوهوا الطلوع للمقصوره ؟؟؟ *موش الهلال ده هو النادي الذي انسحب لاعبوهو من المنتخب ؟؟؟ *موش الهلال ده كان فيهو مهند الطاهر الجدع الشعار بتاع المنتخب في الارض في مصر يوم مباراة تشاد يا الطريفي ؟؟؟ *اين كنتم ؟؟؟ *بل الاصح من اين اتيتم ؟؟؟ *وهل نال نادي كأسا من المكاتب غير الهلال ؟؟؟ *كل تلك الالاعيب والمؤامرات هي السبب الرئيسي في الابقاء علي الصفر الدولي مابقيت الحياه *الشافع الملدلع عمرو ما ينفع *دلعوهوا لسه *وكبروا الصفر لما يبقي حفره تاخدكم جميعا وتريحنا *ايهاالناس *جماهير المريخ قالت كلمتها *اي شنكبه تلقوا عنكبه لما تعرفوا حاجه *ومن الليله خلي لاعب من الهلال بالتحديد يفتح خشمو مع حكم ولا يضمن الحكم ذلك في تقريره *المهم *رسالة الاهله من موضوع بكري اساها هي تهديد اي لاعب منهم ينتقل للمريخ *واذا لم ننتصر لبكري يبقي حققنا لهم هد\فهم *-سننتصر لبكري وسينصرنا بكري عليهم *ولكن السؤال *لماذا يحاربون بكري لهذه الدرجه ؟؟؟ *الاجابه في السؤال التالي *منو من لاعبيهم مشي منهم وقالوا ليهو كتر خيرك *ماطوااالي بنكروهم وبرموهم في الشوارع زي الماحصل شئ *والبفتح خشمو يلقي اساءه علي طول *اكتر من زول في قامة كسلا يلاقي اساءه *منو تاني البلقي احترام *هيثم مشي باساءه *والمعز وعمر ومهند *وبلهم مصطفي النقر *نادي غريب *ينكرك طوالي يا الحبيب *المهم *صباحية يوم عقاب بكري *من الصباح الاهله كانوا بباركوا لي بعض *حسد *وروح انتقام *وتشفي *وكلو ما بنفع *بكري بغلبكم براهو صدقوني *المهم *امامنا استحقاق افريقي *نتفرغ ليهو اليومين دي *ونعيد لوحة عزام وحلفائه الحمام *ولي قدام *بنفس الروح *نعلت تأهلنا من هنا ان شاء الله *وبعدها نتفرغ للمؤامرات والسقطات الاداريه والتحكيميه *وسيعود المدينه وتحرق المدينه *والماعاجبو يشوف ليهو مدينه *ولو عمل الاهله باجتهاد لاصلاح حال فريقهم *باجتهاد قدر الاجتهاد البجتهدوهوا في عرقلة المريخ *لخرجوا من صفرهم الدائم وبقوا زي الناس *موش قاعدين في صفرهم طول عمرهم ويمارسوا الحسد *المهم *تعازينا لآل بكراوي في فقدهم الجلل *زوجة القطب حاتم بكرواي ووالدة الاخ ايمن بكراوي *والعزاء موصول للاخ حاتم عبدالغفار *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *قصة التربيزه ام تسعمائه وخمسين مليون ماصدقوها ناس فينا *المسئول الجابها يا والينا *يرجع البيعه ولا نكلم الناس الحولينا ؟؟؟ سلك كهربا ننساك كيف والجقر بقي يشتري ترابيز كمان والي لقاء سلك
