عمك احمد في الانعاش

بسم الله الرحمن الرحيم

 

في السلك

 

 

 

·        عمك احمد وعدنا قبل كده انو ينوم في الخيره لما الامور تتصعب

·        وطبعا الامور اليومين دي مادايره شرح

·        قام عمك احمد اوفي بوعده ونام في الخيره

·        نام في الخيره عشان يعرف السبب الحقيقي للبحصل ده

·        بمجرد مانام دخل في غيبوبه

·        اولادوا جروا بيهو المستشفي

·        رقدوهو في الانعاش

·        الدكتور قال لاولاد عمك احمد الحصل شنو ؟

·        قالوا ليهو والله كان كويس صلي العشا ورقد في الخيره

·        الرقده الياها

·        رقد عشان يعرف الاسباب الحقيقيه للبحصل ده

·        الدكتور قال ليهم  السبب الحقيقي للبحصل ده تلاتين مليون عقل مابقدروا يستحملوهوا

·        ابوكم مسكين

·        استحمل بلاوي

·        الولد الكبير قال للدكتور والعمل

·        الدكتور قال ليهو ابوكم ده الخلل حصل ليهو في المخ

·        الجمجمه ما استحملت الاسباب التي اكتشفها المريض

·        عشان كده لازم نفرمط ابوكم وننزل ليهو ويندوس من جديد

·        الولد الكبير احتج بشده علي الفرمطه وقال اذا فرمطناهو المريخ بتمسح من ذاكرتو

·        في الوكت داك انا كنت جاي من البحر وغشيت المستشفي

·        مشيت البحر افتح خيالات شويه واشوف الموسم القادم كيف

·        جيت المستشفي عشان ازور حاج احمد

·        كلموني بحكاية الفرمطه دي

·        قلت ليهم ما تستعجلوا

·        اقلوهوا وافتحوهوا تاني بحرق تش وبجمع

·        الجماعه كلهم عاينوا لي وعاينوا لبعضهم وسكتوا

·        ربت علي رأس حاج احمد

·        فتح عيونو وعاين لي

·        الناس فرحوا

·        قلت ليهم موش قلت ليكم ري استارت بشتغل !

·        عم احمد قال لي كورتنا مع الخرطوم انتهت ؟

·        قلت ليهو في الخيره شفت شنو ؟

·        دخل في غيبوبه تاني

·        ودخلوهوا الانعاش

·        اللهم اشفي عم احمد يا كريم

·        قالوا لي بابا نويل جاب الهدايا يوم الكوره

·        بفرق شنو لو وداها بعد الكوره !

·        بسيح الآيس كريم ولا بتسخن الحاجه البارده !

·        اوعه يكون ده العصير البلف الراس

·        تهادوا تحابوا

·        يلا يا اخويا البهدي ليك رد ليهو الهديه لمن ربك يجيب الهدايا

·        الله يهدي الجميع

·        مازيمبي لاعب ضد هارتلاند

·        والجماعه ضد حي العرب

·        تقول لي ابو ظبي

·        هاك الهديه الرضيه دي

·        الجماعه قالوا المدرب اعتذر عشان عرس بتوا

·        وطبعا في البرازيل من عاداتهم انو المدرب لو عرسوا بتوا ما يدرب بره البرازيل

·        تاني رجعوا يقولوا في مفاجأه والمدرب حب الجمهور وتقديرا للحب ده احتمال يقعد في السودان

·        طيب وين عادات ناس البرازيل !

·        ياربي بتوا يكون شوكشوها !

·        ولا نسابتها اتغاتتوا وطرشقوا العرسه !

·        اقول ليكم 00

·        لو اتشوكشت ادوها هديه

·        هديه بالها ؟

·        يكون ياربي

·        معقوله بس نفقد موسم

·        وفي نفس الموسم السوبر تفقد ابو السباع ؟

·        ده كتير يازول

·        استاذي اسماعين

·        ادعوا لك من كل قلبي بالتوفيق والنجاح اينما حللت يا رائع

·        عندك عندي هديه يا ابو السباع

·        اصلوا الزمن ده زمن الهدايا

·        عمك احمد فجأه عاد ليهو الوعي

·        قعد في نص السرير

·        وقال استغفر الله

·        فرحنا

·        جينا جاريين

·        عم احمد قال اصبروا

·        قلت ليهو حتي انت يا حاج احمد !

 

سلك كهربا

                الشكيه لي اب ايدا قويه من البدي الهديه لاغراض شخصيه

والي لقاء

سلك