بسم الله الرحمن الرحيم
في السلك
*جقر المنشيه الاكل الكبري كتر خيرو
*لفت نظرنا للجقور البقت قدر المواطنين عشرة مرات
*في اسواق الخضار تلقاها حايمه اسمن من اولاد الدرداقات
*وفي الجزارات لافه اكتر من البهايم المعلقات
*وفي بيوتنا بقت اساسيه
*استأنستنا
*بقينا في نظرها حيوانات اليفه
*يمكن تتضايق مننا احيانا
*واحيانا كثيره ترأف علينا
*تقوم تخلي لينا باقي الرغيف
*حياة ناشونال جوقرافيك
*باعوضه وجقور وامات سيسي وحشرات اشكال والوان
*وقبلهن كانت القعونجه ام بروتين
*ومعاهن كلهن
*انسان
*كلهن عايشات مع بعض
*تعايش حميم بينهن جميعا
*وهذا ان دل
*انما يدل علي التعايش السلمي الذي ترتع فيه هذه البلاد
*ناس تعيش في سلم مع الجقور والضبوب والحشرات
*نفتقد الباعوض اذا تأخر من موعده
*المغرب يأذن بي جاي
*الباعوض يجينا بي جاي
*تقول بصلي بينا
*المهم
*قال ليك اتنين من جقور المنشيه السمان
*الجقور ابان فقر كبيره
*فقر كريهه زي سنكيت التور
*سنكيت التور ده طبعا لما كنا صغار بنسميهوا الجاعوره
*ولما نشوف تور بنكورك ليهو
*التور اب جاعوره شم الدم وقال حرم
*في ناس كانوا قايلين جاعوره دي جايه من جوعار التور
*لكن الصحيح انها جايه من سنكيتو الكريه القبيح الملبدبو في ضهرو ده
*وطبعا الجقور اشكال والوان
*اعتاها الجقر اب شنب
*النسوان يوقلن ليك والله جانا جقر في مطبخنا ليهو شنب
*زحه انبوبة الغاز بي جمبه ومشي
*وفي نوع عندو ازيد من الشنب
*وده النوع الصعب
*ده النوع المجننا زااااااااتو
*المهم
*اتنين من جقور المنشيه من النوع الصعب داك بتونسو
*الاول قال للتاني
*شفت اليومين دي سيرتنا عند الناس كيف
*التاني : يازول الاطرش سمع بينا
*الاول : ياخ جقور امدرمان قطعوا فينا نشيد وقالوا
*الجقر قرض البلاد ****الجقر قرض البلااااااااد ****من سواكن للمجلد أو …ووو …وووو
*وقطعوا فينا شعر قالوا
*جقر المنشيه اب عينا قويه
*عمل فيلا وعماره وعربيه
*هيييييييييييييييييييييييييييييع
*التاني : قال وفي ناس في الواتس بتاعين اشاعات قالوا
*خط هيثرو باعو الجقر ومشروع الجزيرة قرضو الجقر وسودانير اكيد ده الجقر
*اي شئ عملوها في الجقر
*هيييييييييييييييييييييع
*الاول قال ليهو سمعت الكبري قال فينا شعر كيف ؟؟
*التاني قال ليهو الكبري قال شنو ؟؟
*الاول : الكبري قال
*اسوق خرسانتي من جقرا لقي العلبه
*اهيم ليل واساهر ليل اتوه من جمبه لي جمبه
*كباري تميل بعد ميلك عشان طعم الجسور حلبه
*الجقر التاني ضحك
*وقال
*طعم الجسور حلبه دي عجبتني
*تتذكر اول امس لما كنا بناكل في كبري المنشيه موش كانت بتجيك حصحاصات حلبه حلبه ؟؟
*المهم
*قالوا في جقره من جقرات المنشيه ليها فقره
*جقرات امدرمان قابلنها في بيت ظار
*باقي جقرات المنشيه بحبن الظار
*دايرات يعرف خيط جقورهن شنو
*وخايفات جقورهن يلعبوا بي ديولهم
*باقي الجقر كان شبع بنسي العشره
*وعارفات جقورن شبعوا شديد
*المهم جقرات امدرمان المحكحكات ومتجوهلات
*قالن ليها ويييييييييييييين يا بتاعت الكباري يا البتاكلي علنا وما بتتضاري
*اتذكري ناس الضهاري وجدعي لينا ان شاء الله علبة كبري من الكباري
*جقرة المنشيه اتنفضت فيهن
*وسمعتهن صفقه
*منو دي ؟ انا دي ؟ بري بري بري
*شوفوا الجقر الاكل كبريكم وما تسلبطنها فيني
*المهم الجقر الاول قال للتاني
*تخيل في ناس غريبين خلاص
*قالوا طالما الجقر اكل كبري
*يبقي مؤهل للترشح ودخول البرلمان
*التاني قال ليهو والله فكره
*لكن باقي ليك ناس البرلمان بخلونا ناكل برانا ؟؟؟
*وضحك الجقران حتي بانت
*ومنها تواصلت الضحكات للثوره بالنص
*الشارع كلو يضحكو
*لما الشارع زاتو ضحكم معاهم
*الشارع يضحك والجقور تضحك
*الشارع يضحك لما الضحك شرطو
*قابلهم جقر بدوبي
*الليل الليل الليل
*الجقر شال نصيبوا من الكباري الاتعملت فينا
*بحت وحفر لاقابلتوا خرسانه باينه لا دفيييييييييييييينه
*اهممممممممم
*الليل الليل الليل جقرا كرشو لازه …. سمنتو من جسمو نازه
*ما بسلوب المسكين وما بياكل الا السميييييييييييييييييييييييييينه
*هييييييييييييييييييييييييييييييييع
*قام الجقر التاني قال للاول
*والله القي لي شاي لبن كاااارب اقرمش ليك كبري تتي ده معاهو زي البسكويت
*الاول قال ليهو صاح والله كبري توتي زاتو شكلو كده زي بسكويت ويفر بكون هش
*التاني قال ليهو لكن كبري المك نمر ما بتتاكل ساي
*داير ليهو محدقات
*التاني قال ليهو تعرف كبري امدرمان الجديد ده الا نفتوا
*خرسانتو ما بتتحشي
*الاول قال ليهو انت وييييييييين كبري الدباسين
*التاني قال ليهو اوعك تاكلو بهاراتو كتيره وانت عندك المصران
*خليك مع كبري توتي والشاي بي لبن ده
*المهم
*الجقر الكبير قام
*ولبس ملفحتوا
*ركب اللاندكروزر المظلل وقال للسواق
*الليله بطني دي ماياها
*مابقدر اتعشي
*وديني احشي كبري جامعة السودان الطائر في فطائر وانوم خفيف
*جقور آخر زمن
*المهم
*اليوم نقابل اهلي الخرطوم
*كلنا همه وما بوصونا
*النقاط اولا
*الثبات ثانيا
*المدينه يبصر لينا
*ايها الناس
*ان تنصروا الله ينصركم
*ويبيد جقركم
*ويحفظ كبريكم
*اها
*نجي لي شمارات والي الخرتوم
*كان شفت يا والينا
*المغني غني لينا
*الجقور صاحيه وانت نايم
*وشفعنا كانوا بلعبوا يا والينا
*جقري وجقرك اكلوا الخرسانه
*يقدر جقرك يجقر جقري زيما جقري جقر جقرك,
سلك كهربا
ننساك كيف والجقر بياكل كبري كاااامل …..جقر كتر بيلر يا والينا
والي لقاء
سلك
b_silik@hotmail.com
/////////////