بسم الله الرحمن الرحيم
في السلك
• انتوا وين يوسف هووت
• طولنا ما سمعنا بيهو
• الجرح ده طول شدييييييييد
• اوعه يكون السكري !
• هو هوووووووت زاتو مسجل في الكشف ولا لأ ؟
• يوسف زاتو ماعارف
• آخر خبر سمعناهو ابدي الرغبه بالموبايل
• ووقع في رساله
• وعمل طلب المجامله
• وراجي تحويل الرصيد
• الله يشفي
• لعب سادومبا ضد ساحل العاج بيوضح انو الحاجه لسه حاسه
• وامادو قعدتو بره دي تؤكد انو ام امادو لسه مابلغت الصحه
• الغريبه في التلفزيون شفنا الرائع شجرابي صاري وشو والكوره تلاته
• قلت ياربي تستر , مرض ام سادومبا معدي
• لكن بصراحه اجمل منظر شاهدناهوا في كورة الهلال هو رفرفة علم الزعيم باللونين الاحمر والاصفر وسط الاهله في المساطب الشعبيه
• ان يرفرف علم الزعيم هناك حدث عظيم
• ان تحتضن اعلام الهلال علم المريخ هناك حدث عظيم
• ان نقتنع خارجيا بمقولة انا وابن عمي علي الغريب حدث اعظم
• بعد الطيران ممكن نتهاظر
• حتانه
• سبلوقه
• واق الواق
• المهم ان نتحد اثناء المعركه
• الجماعه فرحانين بالترجي
• وماعارفين اننا فرحانين بالترجي اكتر منهم
• المريخ لا يخاف الترجي
• ولكن علي الترجي ان يخاف المريخ
• اي مقابله مع فريق من شمال افريقيا ضدنا وتكون الاولي هناك والتانيه هنا نتخطي ذلك الفريق
• الشلف , الاتحاد الليبي و والنجم الساحلي ( خلال المجموعات ) خريبكه وغيرهم
• الآن الاولي هناك
• الحاسمه هنا
• شوفوا ليكم زول تاني معانا في المجموعات خافوا علينا منو
• نحنا ماشين تونس
• ماعطشانين
• مافي زول بمشي يشرب مويه
• المويه بتغرق
• والغرق بمرق الجنازه في الحتانه
• رويانين نحمد الله
• السودان بلد كريم ومضياف
• سمعت تحت تحت قالوا الحكم الاريتري الحكم كورة حمار الوادي قاعد في البلد دي من الاسبوع الماضي
• ياربي جاي للانتخابات ولا شنو ؟
• حكم نزيه
• نزيه بتاع الكراكتير !
• نزيه بالنا !
• ياربي ساكن الديم كان ولا نازل وين ؟
• قبل لقاء النجم الساحلي فرحوا
• وبعد ان هزمناهوا قالوا ده ما النجم البنعرفوا
• قبل لقاء الاتحاد الليبي فرحوا
• وبعد ان هزمناهوا قالوا ده ما الاتحاد البنعرفوا
• اقول ليكم القادم برضو ما الترجي البتعرفوهوا
• الترجي البغلب السودانيين خمسه وسته وسته وبلعب ضدهم الساعه اطناشر الضهر
• صلاة الضهر بين الشوطين ؟
• بالغتوا
• الترجي في مباراه الرد يا يمشي فداسي يا يمشي الحتانه يا يمشي الكونفدراليه
• وفي التلاته حالات الزعيم يتأهل
• راس مجموعه
• بتعرفوا طعم راس المجموعه !
• زي طعم الرمان باليورو وتكب عليهو حبة دولار
• طبعا الجماعه بسألوا رمان يعني شنو ؟ يورو يعني شنو ؟ دولار ياتو ؟
• نجيب ليكم معنا زيتون من تونس ولا نجيب ليكم موية ترباس !
• تشربوا ما تروا
• للامانه منير كادوقلي كان رائعا يوم العاج
• يا جماعه
• ود الحله اتشطب متين وكيف ؟
• ويوسف هوووووت موقفه شنو ؟
• لاعب بالهلال !
• ولا مشروع لاعب بالهلال !
• ولا صرف النظر عن الهلال !
• ولا صرف عنو النظر الهلال !
• ولا موبايل ساااااااااااااااااااااي
• حقو نسميهو يوسف مس كول
• يا هوووووت 000 ماتضيع زمنك وتمرض امك فوووووووووووووت
• بعد كورة كادوقلي المعارضه قامت
• بعد كورة حمار العاج المعارضه نامت
• عفيت منك يا ارباب
• تدورها وكت داير
• وتبطلها وكت داير
• يا روشا بعت ولا لسه !
• حبيب بالاحمر والبلد بالاصفر
• قطركم صفر
• اخير تستعجل
• بييييييييييييييع يا فرجاني
سلك كهربا
ايداهوووووووووووووووووووو لن ننساك
والي لقاء
سلك
babikir maki [b_silik@hotmail.com]