قال ليك الزوج السوداني المغترب قال لى مرتو السودانية: والله يا ام محمد انا قررت اقدم استقالتي من الشغل ونرجع السودان نهائياً! الزوجة بدهشة مركبة: سجمي يا راجل انتا جنيت ولا شنو؟! الحاصل شنو؟! الزوج: ابدا والله ما جنيت ولا حاجة ، بس في موظفة معانا في الشغل مصرة تعمل معاي علاقة وكده! عشان كده قتا اخلي ليها الشغل ده مرة واحدة واخلي ليها البلد دي كلوكلو! الزوجة بعد صمت وتفكير: مافي مشكلة ، انتا جاريها ، بس ما تتجاوز حدودك! وبعد كم شهر …. الزوج: الظاهر مافي فايدة يا ام محمد ، انا لازم استقيل ونرجع السودان نهائياً! الزوجة: تاني قمتا على جنك، يا راجل مالك ، كدى قول بسم الله؟! الزوج: والله الولية القتا ليك عليها مصرة اتزوجا عشان كده انا قتا مافي حل إلا اخلى ليها الشغل دا واخلي ليها البلد دي ونرجع السودان نهائياً! الزوجة: وبعد صمت طوييييل، اقول ليك حاجة اتوكل عرسا …. نار الضرة ولا جحيم السودان!
الزوج بارتياح شدييييد: والله انا ذاتي قتا كده من زمان وعشان كده قمتا عرستها قبال سنة وهسه جابتلي ولد … يلا باركي لي دبل!!
فيصل الدابي/المحامي
menfaszo1@gmail.com
