إيقاف المدينة ورفع معاناة الجماهير .. بقلم: بابكر سلك
8 يناير, 2015
منشورات غير مصنفة
19 زيارة
بسم الله الرحمن الرحيم
في السلك
*تتذكروا عبارة رفع المعاناه عن كاهل الجماهير ؟؟
*عبارة اشتغلت سنين طويله
*ولا اترفعت المعاناه عن كاهل الجماهير
*ولا كاهل الجماهير قادر علي المعاناه
*اها
*جماهير الهلال واعلامه بعانوا معاناه شديده خلاص
*اكتر من معاناة الجماهير الشايله علي عاتقها بلاوي
*علي كاهلهم يقبع تسجيل بكري في المريخ
*ايها الناس
*لا بتترفع المعاناه عن كاهل الجماهير
*ولا كاهل الجماهير حايقدر ينزل المعاناه
*و بكري بقيف لكن علي كاهل جماهير الهلال
*وتتجدد المعاناه علي عاتق الاهله جبالا وتتجسد
*مورم فشافيشهم
*ومطفش خفافيشم
*وكاسر ضهورهم
*دايرنو يقيف
*وبكري حالف ما يقيف
*ويوم كورة الجماعه بكتر الجري
*كان الحكم صفر ما بقيف
*خلوا نفسكم طويل وسكوا بكري
*وخلوا صدركم واسع واتحملوا الخسارة من بكري
*ومن بدري كمان
*باقي المدينه ماداير يخليكم زمن طويل مدرنين
*ايها الناس
*تناقض هلالي كبير
*يوضح الهضربه الهلاليه بسبب بكري
*كردنه قال ما بدقها
*وصالح خليل قال ما بتم الكورة
*يعني بدقها
*اها
*مع انو صالح خليل غلف كلام خطير جدا
*برغم اننا نبادر بخلق اجواء صحيه وسط المشجعين
*الا ان الاهله اظنهم اقتنعوا بي ضعفهم وكايسين لي حاجه تبشتن الموسم
*المهم صالح خليل
*قال بكري لن يصمت امام هتافات جماهير الهلال
*انت يا صالح قايل بكري ده بلعب في الحله ولا شنو ؟؟؟
*بكري ليهو جماهيرو الشفته جدا
*وكلمة واحده بتعرف تردها كم كلمة
*واثرها قدر شنو
*بدءا من مصانع المويه وانت ماشي
*موية الصحه
*كمان قايل شفوتنا هينين ولا لينين وين ايقاف ومن وين بلعب ومابكمل الكورة
*المهم
*تحدث الاخ فاضلابي عن افتعال الاذاعة الطبيه للمشاكل في المريخ
*قبل كل شئ يا فاضلابي
*الذين يشاركون عثمان حسن مكي ذلك الاستهداف نقول عليهم شنو ؟؟؟
*وسأل فاضلابي عن اين الاذاعه الطبيه من مشاكل الهلال ؟؟؟
*انها يا اخي تغطي علي مشاكل الهلال بعرض مشاكل المريخ
*ودي مادايره ليها درس عصر
*وليست الطبيه وحدها يا فاضلابي
*كل اذاعات الاف ام تنتهج نفس النهج
*اين هم يا فاضلابي من طعن صلاح ادريس في الكاردينال
*مع علمنا وفهمنا المتواضع ان صلاح علي حق في طعنه
*وان الادانه التي ارفقها مع الطعن تؤكد بطلان ترشيح وانتخاب كردنه
*وكانت حسب علمنا ادانه بحكم بات
*ولا نقول حكم نهائي
*لان الحكم النهائي يقبل الطعن والاستئناف
*يعني هو ما تبقت له مراحل تقاضي او مرحله اخري
*ولكن الحكم البات هو ذلك الحكم الذي استنفذ جميع مراحل التقاضي
*وتاني لا يقبل الطعن ولا الاستئناف
*وادانة كردنه التي اعتمد علهيعا الارباب كان الحكم فيها باتا
*اين عثمان حسن مكي من مناقشة هذه الشكوي وتلك الادانه ؟؟؟؟
*واين الاذاعه الرياضيه
*واين برنامج الاخ حسن فاروق
*واين قناة قون
*واين واين واين يا فاضلابي
*اين عثمان حسن مكي من حرمان مجلس الهلال الحالي والسابق من يواليه من دخول النادي
*واين عثمان حسن مكي من شعار عصمت وضياع هوية النادي
*وزي ماقال الرائع بدر الدين الفاتح
*كل الامم ليها علم الا امة الهلال
*علمها حق عصمت
*اين عثمان حسن مكي من قضية العباسيه
*قضية فريق وتاريخ فريق
*قضية احمد بيتر جنا
*اليس للعباسيه قضيه وخطيره كمان يا عثمان ؟؟؟
*ولا لأن الامر تعلق بلاعب تم تسجيله غفلة في الهلال ؟؟؟
*اصبح ماعندو مجال في مجال عثمان حسن مكي !!!
*ايها الناس
*انها الحرب
*وعلي نادينا ان يترك مثاليته التي يفهمها الناس ضعفا
*اي مباراة يلعبها جمعه جينارو
*يقدم فيه طعن ببطلان التسجيل وعيب الاجراء
*اما احمد بيتر
*فعلي القضاء ان يقول كلمته
*اما طعن الارباب حانتفرغ ليهو من الليله
*وصديقي الاستاذ كمال الدين قااااااعد
*واصل المستندات وصورها عندو
*وعندنا منها صورة
*وقصة الطعن وكيف تم عارفنها
*وتابعنا يا عثمان يا حسن يا مكي
*حنثير ليك مواضيع تستحق المناقشه من خلال برنامج الناجح جدا في زعزعت امن المريخ
*اخي عثمان ومن تبعه في نفس المجال
*الاذاعات تعتمد علي عائد الاتصالات والاعلانات
*وجماهير المريخ الواعيه تدرك ذلك جيدا
*ومن يستهدفنا نستطيع ان نقفل اذاعته بالضبه والمفتاح
*مجرد مقاطعتنا لها وسحب اعلانات منسوبينا منها
*بتقفل بتقفل
*ولو داير نديك تجربه اسبوع مقاطعه
*بس عشان تعرف حاجه
*ايها الناس
*عشان كده بننادي وننادي كل يوم
*باذاعة النجوم وقناة مانديلا
*نفيد بعائد اتصالاتنا اذاعتنا وقناتنا
*مالنا ندعم من يحفر لنا ويخلق لنا المشكلات
*ياناس
*نقاطع من الليله ولا نخليها شويه ؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*لا فينا زول بقول البغله في الابريق
*ولا فينا زول قادر يمسك الابريق
*برد شديد يا صديق
*ولا فينا زول قادر يقول دخلنا الزون
*وبي جوكرين امل نحافظ ما مضمون
*حياتنا بقت احزان وشجون
*والناس في الهجره كلهم يفكرون
سلك كهربا
ننساك كيف ودخل البرد لي كسير التلج,,,بجيكم التهاب
والي لقاء
سلك
b_silik@hotmail.com
////////
سودانايل أول صحيفة سودانية رقمية تصدر من الخرطوم
