باستخدامك هذا الموقع، فإنك توافق على سياسة الخصوصية وشروط الاستخدام.
موافق
الثلاثاء, 17 نوفمبر 2026
  • اختياراتنا لك
  • اهتماماتك
  • قائمة القراءة
  • سجلاتك
  • عن سودانايل
  • اتصل بنا
سودانايل
أول صحيفة سودانية تصدر من الخرطوم عبر الانترنت
رئيس التحرير: طارق الجزولي
  • الرئيسية
  • الأخبار
  • منبر الرأي
  • الرياضة
  • أعمدة
  • الثقافية
  • بيانات
  • تقارير
  • المزيد
    • دراسات وبحوث
    • وثائق
    • نصوص اتفاقيات
    • كاريكاتير
    • حوارات
    • الثقافية
    • اجتماعيات
    • عن سودانايل
    • اتصل بنا
Font ResizerAa
سودانايلسودانايل
  • الرئيسية
  • الأخبار
  • منبر الرأي
  • بيانات
  • الرياضة
  • أعمدة
  • اجتماعيات
  • الثقافية
  • الرياضة
  • الملف الثقافي
  • بيانات
  • تقارير
  • حوارات
  • دراسات وبحوث
  • سياسة
  • فيديو
  • كاريكاتير
  • نصوص اتفاقيات
  • وثائق
البحث
  • قائمة القراءة
  • اهتماماتك
  • اختياراتنا لك
  • سجلاتك
  • عن سودانايل
  • اتصل بنا
تابعنا
© 2026 جميع حقوق الطبع محفوظة، سودانايل
منبر الرأي
امين الجاك عامر
امين الجاك عامر عرض كل المقالات

التعريفة بقت خمسة ألف!

اخر تحديث: 3 أكتوبر, 2026 10:22 مساءً
شارك

بقلم امين محمد الجاك عامر – المحامي

في جلستنا الصباحية في الشارع، بعد رجوعنا للبلد وزوال همّ الإقامة وتجديدها، حضر واحد من الأصحاب. بعد السلام والتحية وفنجان القهوة، قال لينا:

«يا جماعة كملوا جميلكم وادونا سَفّة تمباك، أوصل بيها السوق كداري!»

قام واحد من الظرفاء واتريق عليهو وقال:

«إنت ما سمعت الخبر؟ كيس التمباك من أمبارح بقى بخمسة ألف جنيه!»

رد عليهو:

«الدعامة قفلوا الدرب! يعني مرة تسُف ومرة تشم! ولمن تجي تسُف أمشَ بعيد من الناس وطلّع الكيس براااك! إنت حدّك معانا فنجان القهوة، وربنا يسهل ليك دربك، والتمباك أعتمد فيهو على نفسك!»

الراجل رد عليهو سريع زي الصاعقة:

«ياخي خلّونا من الشعارات والفلسفة وكلام الاقتصاديين ده! الحصل شنو يعني؟ الدنيا من زمان صعبة ومعصلجة معانا! أنا ذاتي أول ما بديت أسُف كان كيس التمباك بتعريفة! إنت ما سمعت المثل القديم؟ الواحد زمان يقول ليك: والله أنا عدمان التعريفة!»

وقام يواصل كلامو:

«أصلو ما في حاجة حصلت! التعريفة بقت خمسة ألف، والقرش بقى عشرة ألف! زمان كان التعامل بالقروش الحديد: تعريفة، وقرش، وقرشين، وشلن، وريال… والعندو ريال كان ملك زمانو! لكن الظاهر الناس المروّقين كانوا كتار، ورجعوا لينا تاني!»

وبعدين التفت لينا وقال:

«إنتو ما سمعتوا كلام الزمن الجميل والآية الكريمة: ﴿وتلك الأيام نداولها بين الناس﴾؟ أها يا زول، طلع كيسك خلينا نسُف، وما تعكّر لينا مزاجنا وتخرب لينا الونسة! أصلو نحن أمة متراحمة!»

وانفجرت القعدة بالضحك، وواصلنا الونسة في حكايات الزمن الجميل؛ التعريفة والقرش والشلن والريال، والعندو ريال كان ملك زمانو.

وفي النهاية، لا عرفنا التمباك ح يصل لي وين، ولا طلعنا بحل للغلاء… لكن القهوة خلصت، والونسة واصلت، وصاحبنا لسه مصرّ على السَفّة!

وتلك الأيام نداولها بين الناس… أها طلع كيسك يا زول، خلينا نسُف!

aminoo.1961@gmail.com

Author
امين الجاك عامر

امين الجاك عامر

شارك هذا المقال
Email Copy Link Print

مصدرُك الموثوق للأخبار والتحليلات والآراء الدقيقة!

نقدّم تغطية دقيقة ومتوازنة، إلى جانب تحليلات معمّقة وآراء متنوعة تساعدك على فهم ما وراء الخبر. تابع آخر المستجدات والرؤى أولًا بأول.
3.5KLike
140Follow
5.5KFollow

يتصفح زوارنا الآن

محمد أحمد محجوب: مفكراً وناقداً أدبياً وشاعراً  .. بقلم: عبد المنعم عجب الفَيا 
منبر الرأي
لماذا استعصت كردفان على التحرير؟
رَقْصةُ العُشْبِ والحِجارة !
منبر الرأي
مولانا عبد الباسط سبدرات: عهد غرفة داخلية كسلا القصية .. بقلم: د. عبد الله علي إبراهيم
الرياضة
بعثة المريخ تعود إلى كيجالي قادمة من كوناكري

مقالات ذات صلة

منبر الرأي

حالة إنكار سودانية مستمرة .. بقلم: د. عبدالوهاب الأفندي

د. عبد الوهاب الأفندي
منبر الرأي

عبد العظيم سرور يقدم شهادته: حركة 19 يوليو 1971 .. بقلم: عمرو محمد عباس محجوب

د. عمرو محمد عباس محجوب
منبر الرأي

الردة في الجريف واللوبيا: تاني .. بقلم: د. عبد الله علي إبراهيم

د.عبد الله علي ابراهيم
منبر الرأي

هل اعتقال أحمد منصور هو بداية نهاية الجزيرة ؟ .. بقلم: أكرم محمد زكي

طارق الجزولي
مساحة اعلانية
سودانايل
© 2026 جميع حقوق الطبع محفوظة، سودانايل
تصميم وتطوير JEDAR
Facebook Rss