الفشنكات الملاويه .. بقلم: بابكر سلك

بسم الله الرحمن الرحيم
في السلك
*الحديث عن جماهير المريخ لا ينتهي
*كل يوم يثبت لنا شفت ان زلزال الملاعب مرعب ومبدع وخلاق
*لن ينسي التاريخ مايقوم به بخيت ود الدمازين
*هذا الشفت وبتكليف من لجنة التعبئه قاد بصا كاملا من شفوت الدمازين للاستاد
*ابلوا بلاءا حسنا
*قادوا التشجيع بجنون واعي 
*شرفوا المدرجات بهتافاتهم ومعينات التشجيع التي اجبروها ان تتحدث
*فكانت النوبة تئن والوازا تجن والصفقه تحن والمدرجات ترجحن 
*تحيه خاصه لذلك الشفت المجنون الواعي
*وتحيه عبره لشفوت الدمازين فرسان الحوبه 
*والتحيه عبرهم لامة الشفوت قاطبه
*المهم
*اول امس حمام جديد شرف البلد
*الفشنكات الملاويه
*بعثه قوامها سطاشر لاعب حارس احتياطي مافيهم
*تذاكر الجيه بالدين
*والغريب ان الكورة لم تبث كتسجيل بعد المباراه
*لان الامر يحتاج لمونتاج
*تقطيع وحذف ومؤثرات صوتيه وخدع سينمائيه
*لا لشئ سوي صنع صورة خلابه تعجب المشاهد
*والمشاهد عارف
*عارف او الحكم هو نفسه الحكم الذي ادار الاولمبي السوداني والحبشي بالابيض
*فهل كان قاعد الاسبوع ده كلو معاهم 
*اقصد معنا 
*ولا مشي وجا ؟؟؟؟
*المهم بعد المونتاج وبث المباراه
*امسكوا الزمن
*وتذكروا ان المباراه تسعين دقيقه
*يعني ما اربعين او خمسين دقيقه
*ولا اظن ان الذين غيروا اتنين بي اطناشر في تقرير الحكم الافريقي
*بتفوت عليهم ضرورة عرض الاهداف فقط
*ويمنتجوا الباقي كلو
*عرض المباراه كاملا مستحيلا
*اتحداكم اعرضوها من طقطق للسلام عليكم
*ايها الناس
*كورة الهلال ضد كي ام كي
*الهلال باعها لي شركه
*الشركه كتر خيرها باعتها للتلفزيون
*وطوالي جابوها لينا بالليل بعد الكورة
*المره دي الحصل شنو ؟؟
*الهلال ماباع للشركه
*ولا الشركه انتقلت لشراء حقوق فحص التربه ؟؟؟
*طبعا شغل فحص التربه عائداته اكبر بكتير من عائد بيع تسجيل مباراه
*وكردنه حر يودي قروشو وين
*لكن قروش الهلال
*يجب ان يعلم الاهله الشرفاء اين تذهب
*من حقهم
*الشركه دي بالطريقه دي يوم بتبيع المقصورة والاهله لا يعلمون
*ايها الناس
*الطشاش في بلد العمي شوف
*فرحة الغلابه التي يعيشونها عشان غلبوا الفشنكات الملاويه
*فرحه مصنوعه
*لان الفريق ضعيف ماديا وفنيا وتكتيكيا واداريا
*ويعيش مشاكل لاحد لها
*وزيو في ميدان عقرب في كتيييييييييير
*لكن ياخالد عزالدين
*علي القسم
*الفريق الانجولي القابلناهو
*لو قابل الهلال في مباراة
*لخرج الهلال وهلال كادوقلي وهلال الابيض وهلال ام صفقا عراض مغلوبين
*والبقابل الاسد اخير من البقابل الضبعه
*والغريبه لو البقابل الضباع
*يوم اكلتو ضبعه
*دي قرعة بالكموبيوتر خلي بالك
*كي ام كي
*وبعدو فشنكات ملاوي
*ده درب جابتو القرعه ؟؟؟
*عشان كده لقينا اجابه لي سؤالنا
*لماذا سكت الهلال عن الاحتجاج علي التمهيدي فجأه ؟؟؟
*ولماذا لم يصعد الموضوع
*الدرب سالك
*لكن في السلم والثعبان
*لا تغريك السلالم التي تقابلك منذ البدايه
*هناك دبيب طويييييييييييييييل
*بجيبك من المربع 98 الي المربع صفر
*تبدأ من الاول ياخالد عزالدين
*ايها الناس
*اي حمامه طايره تنزل في استاد الهلال
*انتوا بتجيبوا الحمام ده من وين ؟؟؟
*حيرتونا
*بدل الجوهره الزرقاء
*سموهوا البرج الكبير
*ايها الناس
*استمعت للقاء يوسف السماني وكردنه
*عفوا دكتور يوسف السماني ودكتور اشرف سيد احمد
*لغة الحوار لا تشبه الالقاب التي تسبق اسميهما
*ثم حضرت ترويج للقاء بالرياضيه يقدمه يوسف السماني
*موضوعه حقيقة قصة بكري المدينه
*وكيف سيواجه الاتحاد انسحاب الهلال
*وهل فعلا هناك اتفاق ولائي لسحب الثقه عن الاتحاد العام ؟؟؟
*الموضوع واضح جدا التهديد الفيهو
*ومحاولة تجريم تسجيل بكري
*لذا اتعجب جدا عندما يقول صديقي امير سيداحمد
*ان الرياضيه دائما تقدم خدماتها للمريخ
*يا دكتور يوسف
*قانون الجنسيه السودانيه يمنع اعادتها   ونحها لمن تنازل منها طوعا
*وجمعه تنازل عنها
*بل جميع الجنوبيون تنازلوا عنها طواعيه بعد الانفصال
*وبالتالي لايمكن لجنوبي ان يتجنس
*لماذا لا تدير لنا حلقه حول قانونية تجنيس جمعه جينارو ؟؟؟؟؟
*بعد ده
*اتمني من الرياضيه المحايده حسب ادعاء مالكها
*اتمني منها ان تخصص حلقه عن قانونية تجنيس جمعه جينارو
*وعن موقف احمد بيتر 
*ولا الموضوع يبقي ما ليهو علاقه بالحياد
*حياد بالحا يا امير سيد احمد ؟؟؟
*المهم
*هرطق السماني وبطرم كردنه كعادته
*ولما انتهي اللقاء
*كررت كلام سعيد صالح لي يونس شلبي
*انا عاوز جمله مفيده يا بني آدم
*المهم
*دكترة السماني وكردنه الفخريه ماكانت قدر اللغه التي تحاورا بها
*بالمناسبه
*بتي قربت تتخرج من جامعة الاحفاد للبنات
*قلت ليها لازم تعملي دراسات عليا
*الاحفاد جامعه عريقه وممتازه
*وعشان تستفيدي
*جيبي رسالة  الدكتوراه بتاعت عمك كردنه استفيدي منها
*قالت لي كردنه دكتوراتو من عندنا ؟؟؟
قلت ليها امال من اديس ولا من الثريا ؟؟؟؟
*ايها الناس
*في مباراة الاياب بتاعتنا
*ما بالضرورة يكون الحكم من رواندا
*لكن بالضرورة ان يكون من الحكام البخجلوا شويه
*واختيار الحكم (المعروف ) جاكسون بافازا لا اظن ان القرعه هي مافرضته علينا
*ليدير مباراتنا في انجولا
*لا نطالب مجدي باختيار حكام مبارياتنا
*بقدر مانطالبه ان يطلع منها
*المهم
*سمعنا بالشيخ المودنو لندن
*ده منافس  جديد وخطير لخط الدفاع الاول
*روشا
*بعد ده الشغل ضب ( اهوص)
*سهليه (ازبا )
*مرفئين مبقرط
*وبخرات هااااااره
*الزول ده زحلقوهوا سريع
*القصه بقي فيها (خدام ) بضم الخاء
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*بنخجل لما الشافع يقيف قدامنا ويقول ادينا
*نتقطع حتت ونديهو كل الفينا
*وقبل ما يبعد خطوتين راجع يجينا
*ويقول نسيت 
*تاني ادينا 
*في المدرسه قالوا لينا وقالوا لينا
*بقينا نخاف يا والينا
*لو نسوانا بشرونا وقالن لينا
*ولي عهد جديد بفرفر وقادم لينا
*ننطط عيونا يا والينا
*نقرب ننط الحيطه ونرجع
*نجري الشارع ونرجع
*نطلع راس البيت نخاف نوقع
*ندخل تحت السرير نقوم ونقع
*نفكر نهرب او ننتحر او حتت نتقطع
*ونرجع نعاين لي نسواننا هن يرجفن ونحنا نرجف ونتأتأ
*يمكن نفاخ
*يمكن ملاريا حبشيه
*يمكن قبضه ابت طلع
*نرجف كلنا يا والينا
*تقول مصاحبنهن ما حلالا لينا
سلك كهربا
ننساك كيف و عشان بنخاف من قولة ادينا اتمنينا نعقر يا والينا
والي لقاء
سلك
b_silik@hotmail.com