الله يعلي قدرك وتبقي البدله قدرك .. بقلم: بابكر سلك
10 ديسمبر, 2014
منشورات غير مصنفة
29 زيارة
بسم الله الرحمن الرحيم
في السلك
*الرائع جدا والحبيب القريب الي القلب الاستاذ قسم خالد
*كتب بزاويته الرائعه الي ان نلتقي بالامس
*كتب حديثا رائعا كعادته
*وفي الختام وقبل اذهبوا وانتم الطلقاء
*ارسل رساله للبفهمها كديدن الكتابه عنده
*حيث تناول في صدر عموده مايشبه الصليب حسب تعبيره والواضح علي شعار الهلال الجديد
*فربط صدر العمود بالرسالة في عجز العمود
*قال
*احد الخبثاء التقاني بالصدفه وقال جمله واحده
*معقوله يا استاذ
* صليب وكاردينال !!!!!!
*واليوم انا اقول لاستاذي قسم
*انا زاتي لاقاني خبيث
*اخبث من الخبيث القابلك يا قسم
*خباثتو ازيد شويه من خباثة زولك القابلك
*قال لي جمله واحده
*لكن اطول شويه من الجمله القالها الخبيث القابلك
*طبعا لازم تكون جملتو اطول شويه عشان خباثتو ازيد شويه
*قال ليا
*معقوله يا استاذ
*صليب وكاردينال وبابا ؟؟؟؟؟؟
*قمت زتها ليهو شويه
*قلت ليهو
*والاسم هلال وحق عصمت الشعار
*تحيه للرائع قسم
*المهم
*قلت الليله وكت جابت ليها قرايه لاخوتنا الاهله
*نتم الناقصه
*مشيت علي محمد عبدالماجد (المنتقل لشندي )
*كتب محمد عبدالماجد
*يمكن ان يكون صلاح ادريس كاتب صحفي وملحن ورئيس نادي وشاعر لكن لا يمكن ان يكون الخصم والحكم في نفس الوقت
*ممكن يا حماده يكون الخصم والحكم في نفس الوقت
*اسي في الممتاز ده
*لما الهلال يكون لاعب
*موش بكون بالنسبه للفريق التاني
*الهلال الخصم والحكم والاتحاد كمان ؟؟؟؟
*يبقي ليست بدعه ان يكون الاستاذ صلاح ادريس خصما وحكما في نفس المباراه
*اقصد في نفس الوقت
*ومشيت علي روشا
*حبيبي يا روشا
*روشا شدت ما واجعاهو قصة المدينه
*امس مالي جريتو كلها بصور المدينه
*وقال ايه
*المدينه وصل ولابس بدلة الهلال
*ضحكتني
*الصورة المنشوره كلها والتي يرتدي فيها المدينه زي بعثة الهلال
*فيها حديده بالشمال فوق
*اظنها اشارة الي ان الفريق ده علي الحديده
*جويا علي الحديده
*استاديا علي الحديده
*وصورة استقبال بكري بدلتو مافيها حديده لانو بقي ماعلي الحديه زي ماكان زمااااااان
*وما يلبسه اعضاء البعثه الهلاليه في الصور التي نشرها روشا
*اصطلاحا نسميه بدله
*ولكنه في الحقيقه اقرب لي فنيلة السقط او السويتر
*البدله زي اللابسها بكري في صورة استقبالنا ليهو بالمطار
*زي حقاتكم ديل
*بتاعات المرحوم كان قدرك
*النوع الفيهو حديده ده
*النوع البتطلع فوق عليهو بي عشره سنتمتر لياقة القميص ده
*النوع ده ما بسموهوا بدله
*ياخ في صوركم جيب بشه بتاع البدله فوق لي كمر البنطلون
*تقول لي بدله
*ياخ مساحة القميص عند بوي اعرض من البدله واكبر من المساحه البخليها وراهو في الميدان
*ياخ الشغيل البدله بتبدأ بعد ينتهي جيب القميص
*بدله فوق القميص تلبسها
*تبدأ من تحت القميص ؟؟؟
*تقول لي بدله
*امشي يا اخوي شوف ليك اسم للهباب اللابسنوا ناسكم ده
*بعد تلقي الاسم تعال اطلب من بكري تسليم (الحاجه البتسموها بدله دي )
*ياخ بدل الاقساط ام مية وخمسين
*تدفع تلتين وتستلم البدله بس
*تسدد قسطين
* يدوك البنطلون
*وتقسط الباقي
*شكلها بدله اكتر من حاجاتكم دي
*ياخ انا لما شفت الصور امس في الاسياد
*قلت يا ربي روشا ده الليله مالي جريدتو دي جلود عتان الحاصل شنو ؟؟؟؟
*عاملين كرامه وضابحين تيوس قدر ده !!!!!
*روشا
*بكري لما تجيب ليهو قصة بدله
*جيب ليهو غنيتنا البنغنيها ليهو
*اغنية غناها طلال السادسه
*وكأنه غناها لبكري المدينه
*تقول الاغنيه
*الله يعلي قدرك ات يا المافي قدرك يا جناي دعايا ليك
*الله يعلي قدرك وتبقي البلدله قدرك يا جناي دعايا ليك
*وفطومه اختي كتبت
*ترك الهلال خانه فارغه لبكري المدينه
*كدي نعرب الكلام ده اول
*ترك فعل ماضي
*الهلال شعار عصمت
*خانه دي ما بنقدر نقول فيها شئ
*فارغه هي ما يأتي قبل مقدوده في المثل فارغه ومقدوده
*لبكري المدينه
*بكري اسم فاعل فارس الناس في جمع التكسير مجنن نون النسوه مفرق المثني بالسرعه الزائده في جريته
*فارغة شنو يا فطومه ؟؟
*قولوا يا اكتشفتوا العدد ناقص بعد قفل الباب
*يا عديتوها غلط
*تكونوا عديتوها زي ناس هبنقه
*كلو مره تلقوها عشره
*البعد ما بعد نفسو
*وغيرو يعد
*يقع في نفس الخطأ
*يعد العشره الباقين وينسي نفسو
*وقعدوا يفتشوا في الحداشر
*قالوا راح
*عليك الله يا فطومه العده ليكم منو ؟؟؟
*بس ماتقولي لي …..
*مابصدق
*هبنقه عندكم لكن يا فطومه يا اختي
*ايها الناس
*امشوا الفيفا
*تلقوا هناك كامبوس هاليفا
*حاسبوهوا اول بالتعريفه
*وبعدين افتحوا موضوع بكري
*الخوف بكري يمشي معاكم الفيفا
*يتربسكم ويجي راجع
*واتربسي
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*من اجمل الاشياء الليها قرينا
*ما كتبه خالد القاسم لينا
*قال يا والينا
*نحن لا نسخر من اوطاننا بل نسخر ممن جعلوا اوطاننا مسخرة الامم
*الراجل ده بجيب الكلام ده منين يا والينا ؟؟؟
سلك كهربا
ننساك كيف والراجل ده بجيب كلام زي الفل
والي لقاء
سلك
b_silik@hotmail.com
سودانايل أول صحيفة سودانية رقمية تصدر من الخرطوم
