الليله البطان .. بقلم: بابكر سلك
25 سبتمبر, 2014
منشورات غير مصنفة
46 زيارة
بسم الله الرحمنم الرحيم
في السلك
b_silik@hotmail.com
*شفوت النيل الابيض علي قدر المسؤليه
*ولا خوف علي المريخ وهو في احضان شفوت كوستي وربك وكنانه والكوه والدويم
*شفوت عسلايه والطويله وكل الجيران حتي العليقه
*وشفوت تندلتي اولاد قلبا قاعدين
*اولاد القبطان
*ديل مابوصوهم علي مريخهم
*القياده العامه توجهت صباحا لكوستي
*وتجمع الروابط المرابط
*بايتين في النادي
*مع النباه الاول قاموا متوكلين علي كوستي
*والتراس باسمائه المختلفه
*ناس لن ندعك تسير وحيدا
*ده غير ناس حسن وارغو
*جايين من ابوفروع من بره كوستي
*والتحريش والتحريض علي قفا من يشيل
*مهما كانت درجة التحريش
*ومهما احيكت المؤامرات
*لاخوف علي المريخ بكوستي
*الخوف هناك
*محل البطان
*عند الارباب
*دلوكتها بره وشتمها ينتح ساااااااي
*سيطانها في السما
*اركزوا يا روشا ومحمد عبدالماجد
*اركزوا فطومه اختي وراكم
*الليله البطان
*جنس تبطن هو
*غايتو يا فطومه يا اختي لو بتخافي
*خليهم براهم ما تقيفي وراهم
*طرف السوط ان وصلك صعب
*بالذات انتي هندستي الصوت
*الصوت الجاب كردنه رئيس
*وده الصوت البجيب ليكم الليله السوط
*بطان سااااااكت
*هييييييييييييييييييييييع
*البطان في شندي قديم شديد ومهم
*مزمل قال لي مره الناس بتباطنوا
*واحد شحط التاني
*السوط قسم الزول نصين
*والزول المشحوط لسه واقف بهز
*سوط زي الموس
*والبجلد حريف
*بجلد بي ميله كده
*وشببببببطك
*ابشر
*الليله كتروا لينا من ابو نصين ده يا ميزو
*اخونا جحا
*الليله حايستمتع
*باقي هو زول بطان
*قولة شوووووووو
*-وبعده شبطك شبطك
*جحا يهز ويكورك
*ابشر بالخير
*عمك شنكولا
*بحب البطان
*باقي جعلي قديييييييييييم
*زول هرم ومريخابي
*ولما علق علم المريخ في شندي
*الجماعه كانوا قايلنوا علم مصر
*بدري الكلام ده
*شبطك
*ابشر ياعمك شنكولا
*بطان من امو
*بطان اصلي ماهو صيني
*وشبطك
*زغروده يا بنيه
*باقي البطان حار عليا
*المهم
*الامور لازم تسير في اتجاه النمور
*لانهم فريق قوي
*وفريق غلبك في بلدك بين اهلك اتنين
*يبقي مفروض يديك تلاته في بلدو
*شبطك شبطك شبطك
*والدلوكه فوق
*الكورة في ملعب الارباب
*نرجع لي كوستي
*ونبدأ الغنا من الاسكلا
*من الاسكلا وحله
*ونمشي لمن نفوت الجبل و القطينه والكوه
*كوستي معقل الشفوت
*ولابد من القضاء علي اي تمرد في مدينة المريخ كوستي
*كوستي وهبتنا زيكو الكبير وقبله الجيلي عبدالخير ودحدوح وكمال شناق
*يبقي كوستي ستهدينا تلاته نقاط نستحقها
*نرجع شندي
*الارابيب
*بعد الكورة لازم بوري بيب بيب
*بس بطان بعد الكورة مامعانا
*بعد الكورة سخنوا الزيت
*باقي جروح البطان بتحتاج تضميد
*واتضمدي
*كان زول قال آآآآآآآآآخ
*قولوا ليهو اصبر
*ده الزيت
*زيتوهم باقي اكرام الضيف مو غريب علي الارابيب
*شنكولا وجحا وجميع شفوت شندي وكل ولاية نهر النيل
*بختكم
*مولد وفاتنا
*بس اتفرجوا لينا معاكم
*لكن بوصيكم
*البطان براحه شويه
*الجماعه ديل مغرمهم امس الكاف عشرة الف دولار
*وخمسه علي مدربهم
*عشان سكه الحكم يوم فيتا
*يا ربي المدرب ده موش دحين سكه الحكم بعد الحكم اتسكه اساسا ؟؟
*يبقي وين عقوبة السك بتاعت الست المكون من سته لاعبين ؟؟؟
*يكون الكاف بضرب فيها لي اسي ؟؟
*باطنوهم براحه يا جحا
*تبقي عليهم عاد عقوبه وقوبه ؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*مافي يوم حاتلقانا اشتكينا
*ولا نزلت مننا دمعه ولا بكينا
*ولا املنا يوم ورجينا
*قرروا زي ما تقرروا لينا
*سادين دي بي طينه ودي بي عجينه
*بس مقنعين بانو البتعمل فينا
*مكتوب في الجبين الفينا
*كاتبوا ربا رحيم لابظلمكم ولا بظلم واحد فينا
سلك كهربا
ننساك كيف والشكيه لغير الله ما كويسه
والي لقاء
سلك
سودانايل أول صحيفة سودانية رقمية تصدر من الخرطوم
