امة الامجاد .. بقلم: بابكر سلك
11 ديسمبر, 2014
منشورات غير مصنفة
28 زيارة
بسم الله الرحمن الرحيم
في السلك
*ايها الناس
*الوعي اساس كل شئ
*والتروي مع تناول الامور بعقلانيه
*يؤدي الي خلق الاستقرار ويكشف التآمر والتخطيط الخلف الستار
*ويا ستار من التخطيط الخلف الستار
*ايها الناس
*مع اطلالة كل موسم
*يقوم بعض اخوتنا الاهله
*بخلق مشكلات ومؤامرات في الوسط المريخي
*القصد منها وضاح جدا
*وانجراف بعضنا في التغريد خلف الناس ديل
*بالتأكيد سيشوش علي سمفونية التجانس التي ننعم بها
*فتنقلب لضدها
*وندور في تلك المشكلات المصنوعه
*ونلتفت
*لنجدنا قد خرجنا بخفي حنين والموسم شارف علي الانتهاء
*ايها الناس
*راجعوا ارشيف الصحف الهلاليه حينما تعاقد الهلال مع غارزيتو
*وحينما تسلم العمل
*وعندما ابعد هيثم
*واثناء الموسم
*اشادات بالشهادات
*بالعبقريه
*بالتاريخ المشرف في تحقيق بطولة مازيمبي الافريقيه الاولي
*وكيف ان الداهية غارزيتو قد خطط وهزم الهلال بالخمسه في استاده
*راجعوا حديثهم عن انطونيو ولياقة الهلال المابتكمل
*وحب اللاعبين لانطونيو
*راجعوا اشاداتهم بشخصية الخواجه القويه
*وبعد ان تراجعوا كل ذلك
*ارجعوا لما يكتبونه اليوم
*وارجعوا لما يخططون له
*تلك الشهادات بقت مافي
*وتلك الاشادات اتنست
*وقوة الشخصيه تلاشت
*ومسح التاريخ بطولة مازيمبي التي حققها غارزيتو له
*وانكروا هزيمة ابو الهل بالخمسه من مازيمبي تحت اشراف غارزيتو
*وانطونيو طلع بتاع مشاكل
*وغارزيتو بفرضو علي المريخ
*كل القديم اتغير
*ايها الناس
*الديبه في لقاء صحفي قال
*غارزيتو كويس لكن انطونيو ماعندو فكرة
*ثم لقاء آخر بالفاتح النقر يردد نفس الحديث عن انطونيو
*في الوكت داك المريخ ما اتعاقد مع انطونيو
*لكن كان في الامر تحذير للمريخ
*التحذير كان لاشعال الفتنه
*لانهم يعلمون تماما ان غارزيتو لايعمل الا وابنه معه
*لثقته في ابنه
*فاكل مجلس المريخ الطعم
*وتسرع الفريق طارق في نفي التعاقد مع انطونيو
*وده كان المطلوب
*ايها الناس
*مع صدور قرار تكوين القطاعات الجديد
*الجماعه دوروا
*ابو جريشه مابنفع مع عبدالصمد وعبدالصمد بكرة صديق وصديق ما بحب انطونيو وانطونيو مصاحب مدرب الحراس الجزائري ومدرب الحراس الجزائري قال الهلال افضل فريق في العالم
*كلام فارغ كتير بتقال
*وللاسف بعضنا بياكل الطعم ويدور في الفارغه
*ايها الناس
*فكروا قبل كل شئ
*ويجب تناول الامور بعقلانيه قبل الخوض فيها
*ماذا تستفيد صحيفه هلاليه عندما تفتح صفحاتها لمعارضة المريخ ؟؟؟؟
*هل تريد صالح المريخ ؟؟؟؟
*وهل يمكن ان تفتح تلك الصحيفه صفحاتها للقاء المعارضه اذا كانت المعارضه تريد الحديث عن جويات المريخ ؟؟؟؟
*وهل يمكن ان تفتح صفحاتها لمجلس المريخ ليتحدث عن انجازاته ؟؟؟؟
*وهل يمكن ان تفتحها لمريخابي يريد ان يرد علي المعارضه في لقائها بتلك الصحيفه ؟؟؟؟
*وتيب !!!!!!!!!
*ايها الناس
*علي المعارضه مع احترامنا لها
*ان تطل عبر منابر المريخ
*وان لم تجد (ولا اظن ان الامر كذلك )
*عليها ان توجد لنفسها منبرا او منابر حمراء تطل من خلالها بوجهها الانيق علي الشفوت
*وان لم تستطع ان تنشئ منبرا او منابر
*يبقي بتعارض في شنو ؟؟؟؟؟؟؟؟؟؟؟؟
*ايها الناس
*تهيئة الجو المناسب للعمل هي اولي المكاسب
*وخدمة المريخ تجوز من اي مكان لا ضروره للمناصب
*كلنا خلف مريخنا لموسم جديد وشديد وانجاز مديد
*دايرين نتقابل في المطار
*خلونا من فارغة ناس الجوهره (الزرغاء )
*المهم
*هلالابي قال لي رأيك شنو في الكاردينال
*قلت ليهو شعرو زي شعر راسي ده
*عاين لي راسي وضحك
*المهم
*بدلة المدينه وقدلتو تاعبه الناس شديد
*والمثل بقول الغير مخدتو غير مودتو
*وبكور غير بدلتو وحلالالالالالات قدلتو
*ايها الناس
*الموسمم ده
*لو شفتوا بكري جاري واليوناميد كلو جاري ورا
*ما تستغربو
*قبل كده عيسي كان جاري
*والكنغو كلها جاريه ورا
*قابلناهو في المطار بي مانديلا
*واجري يابكري الحياه
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*نشيد امة الامجاد زي الرسم من بدري خارطة طريق لينا
*كلو مقطع فيهو يا والينا
*بحكي عن حالا مر علينا
*من الاسم امة الامجاد يا والينا
*لما اتكتب النشيد كان في امجاد قدر ده حايمه فينا ؟؟؟
*قبلة الانظار يا ارض الهدي والحق كنت
*شوف كلمة (كنت ) دي يا والينا
*فعل ماضي مضي كالسيف فينا
*لاتبالي ان اساء الدهر يوما لاتبالي
*اسي قاعدين نبالي , موش ساكتين طوااااالي يا والينا
*ويعدود الشاعر يا والينا عشان يقول لينا
*امتي يا امة الامجاد والماضي العريق ( في دي صدق )
*يا نشيدا في دمي يحيا ويجري في عروقي ( وانا اقول عروقنا دي البجري فيها ده ما الدم البنعرفو )
*اذن الفجر الذي شق الدياجي بشروق (مع البكور ده الفجر لاصق في الشروق لاصقين في الضهر قاب مافي فجله بس )
*وطريق النصر قد لاح فسيري قي الطريق ( سري للسلامه في التفويج التزمي القانون ولا تتعدي السرعه المسموح بها )
سلك كهربا
ننساك كيف والناس كلها عارفه انها لو تعدت السرعه المسموح بها بتتقلب
والي لقاء
سلك
b_silik@hotmail.com
سودانايل أول صحيفة سودانية رقمية تصدر من الخرطوم
