اه يا نباتيين

بسم الله الرحمن الرحيم
في السلك

• مازال الحقد يغلي في القلوب المريضه
• من شر حاسد اذا حسد
• سيكافا الفايته الناس مسافه
• سيكافا الناس القيافه
• سيكافا الواجعه الناس
• قالوا ضعيفه
• ما تزعلوا بنجيب ليها حبوب تسمنها
• سيكافا ضعيفه
• النسور ( الهاشماب سابقا ) قويه !
• الشرطه الامنيه قويه !
• لخويا قويه !
• كلمه قويه !
• دي قويه دي
• لخويا فريق شرطه قطر
• الشرطه الامنيه
• المجهود الحربي
• الكوره الجايه مع فريق دمغة الجريح ياربي
• ده طبعا فريق قوي شديد
• امام المجهود الحربي قالوا قدموا عرض خرافي
• والمعز كان نجم
• ياربي المعز كان لاعب راس حربه ولا شنو ؟
• انتوا لسه في النجيله !
• قالوا السور البلجيكي وصل
• في رغيف تركي
• سمعتوا بيهو ولا لسه !
• الزنك الامريكي استلمتوهو ولا لسه ؟
• لخوية امدرمان ولخوية بورتسودان ولخوية الابيض لعبوا عشره مرات في سيكافا الضعيفه دي و وكلهم ما جابوا عشره نقاط 
• وسيكافا ضعيفه
• انتوا عارفين اللخويات فشلوا في الفوز بسيكافا ويصفونها بالضعيفه ليه ؟
• لانو اللخويات عندهم مبدأ بقول ما بناكل الضعيفه وما بنسولب المسكين
• يعني في الضعيفه بموتوا بجوعهم وما ياكلوها
• لكن السمينه  زاتها بياكلوها متين ؟
• طيب لو ما بياكلوا الضعيفه وما اكلوا السمينه يبقوا نباتيين
• ناس برسيم سااااي
• انتوا سوق القش وين ؟
• ليكم حق تقولوا سيكافا ضعيفه
• لانكم الآن تنعمون بمعسكر ايطاليا
• معسكر ايطاليا بالطا ؟
• ده كلو هين
• يوم 18/8 /2009 يوافق يوم السبت
• سبت قال ليك
• والسبت معروف
• والسبت مجرب
• وانتوا من دون الناس شفتوا سبتين
• من السبت الي السبت
• اليوم داك بتعرفوا ضعف سيكافا كويس
• اسلام قالت لي امولادي وكواريزما لو رجعوا البلد دي  يزوروا الهلال كيف ؟
• قلت ليها ليه ؟
• قالت لي ما بعرفوا للهلال عنوان واضح 000 من جوا البلد دي وكل يوم في ميدان 000 استاد ثابت ما بعرفوهو
• قلت ليها عندنا في القانون ولو ما بتعرف عنوان للزول واضح ولا مكان عمل تحلف والمحكمه تعلنوا ليك بالطرق البديله
• قالت لي بديله كيف ؟
• قلت ليها بالنشر مثلا في اي جريده
• ضحكت
• وقالت لي الستر احسن من النشر 000 اخير ما يرجوا
• كورة الهلال والكشافه البحريه المصريه في الاسكندريه الايطاليه متين ؟
• استبشرنا خيرا بمدير المويه الجديد
• لكن يظهر ان تدفق الماء في الايام السابقه كان لانشغال المدير الجديد بالتسليم والتسلم
• البلد دي اتملت عمارات
• والناس عرفت السكن في الشقق
• وعادي ممكن يصيب الانسان ( امساك ) لكنه امساك لا ارادي
• سكان الشقق يا سعادة مدير المويه الجديد اصابهم ( امساك ) ولكنه ارادي
• لغياب الماء يمسكون اراديا في اروع صور الصبر وقوة التحمل
• ولكنه تحمل قابل للانفجار في اي وقت
• وسيكون انفجار يقضي علي صاحبه ومن حوله
• يعني الزول بقي زي الفدائي
• حضن ليه قنبله وقاعد في وسط الناس
• وعلي وعلي اعدائي
• في العالم كله مافي امساك ارادي الا عند سكان الشقق في البلد دي يا مدير
• انقذوا سكان الشقق قبل ان يستفحل الامر ايها الناس
سلك كهربا
                 يعني نطرشق يا ناس المويه !
                                 والي لقاء
                                      سلك