وصلتنا نكتة سودانية قوية عن المغتربين السودانيين، جاءت على النحو الآتي:
كان في واحد سوداني مغترب خمسة سنوات في السعودية وكان قاطعو ناشف مع مرتو واولادو القاعدين في سنار بالسودان ، الراجل كان بتهرب منهم وما داير يسمع صوتم في التلفون وما عايز يعمل ليهم استقدام ويجيبم السعودية وبرضو ما برسل ليهم مصاريف في السودان!!! شفتا كيف ، اها مرتو كانت شاماهو شمة صاح لكن كانت صابرة عليهو عشان الاولاد وكده ، مرة كده قبل رمضان بشوية ، مرتو قامت عملت ليهو عمل في حلومر ورسلت ليهو الحلومر مع واحد صاحبو!!!! الراجل المغترب دخلو الشك وقال: المره دي اتذكرتني فجأة ليه؟!!!! اكيد هي عامله حاجة بطالة في الحلومر دا !!!! الراجل السوداني قرر انو ما يشرب الحلومر إلا بعد يجربو في غيرو ويعرف النتيجة شنو، اها الراجل السوداني قام عزم جارو البنغالي وجرب فيهو الحلومر السوداني المشبوه!!!! البنغالي شرب جك كامل من الحلومر السوداني ومشى بيتو!!!! تاني يوم الصباح الراجل السوداني مشى للبنغالي في بيتو شان يشوف الحصل ليهو شنو!!!! لقى البنغالي مافيش، سأل منو جيرانو قالو ليهو: والله البنغالي دا قام الصباح بدري من النوم وطوالي مشى للكفيل بتاعو وقاليهو ياخي اعمل لي خروج نهائي هسي ، انا بكره ماشي سنار !!!!!!!
فيصل الدابي/المحامي
menfaszo1@gmail.com
