بسم الله الرحمن الرحيم
في السلك
*ايها الناس
*امس تحدثنا عن توجيه السهام لاسامه عطا المنان
*لالشئ سوي شئ في نفس يعقوب
*ويعقوب الزمن ده نفسو مليانه شديد
*نفس زي الدفار
*كرورها في السقف
*لعل الجويات هي لتي شحنت نفس يعقوب الزمن ده
*وقلنا انهم يريدون حتي الخفير ان يكون منتمي اليهم
*قولة حق هي الانتقادات التي توجه لسلبيات المنتخب
*وهي سلبيات اتحاد
*وبدورها سلبيات وزارة
*وفي الآخر سلبيات حكومه
*ولكن ان يكون النقد بالخيار والفقوس
*فان الامر لا ينفع ولا يقدم
*وفي نفس اليوم
*بصحيفة قون الرياضيه
*نشر الرائع محمد غبدالماجد مقالا بعنوان الشرينق
*ولم يذكر اسم في من نقدهم الا اسامه ومعتصم
*كأن الحكومه هي اسامه
*والوزاره هي معتصم
*والاتحاد بينهما
*اين بقية اعضاء الاتحاد يا حماده ؟
*هل سقطت تلك الاسماء سهوا من مقالك ؟؟؟
*اين مجدي ؟؟
*مجدي بالذت
*في ياتو بلد اسي
*ووين مجدي من انتقاداتكم ؟؟؟
*ايها الناس
*الخيار والفقوس والانتماء الضيق لا يحل معضلة وطن
*ويمكن هو مشكلة هذا الوطن
*وحينما ننتقد اداء انسان
*لاننظر لمريخيته من هلاليته
*لان الوطن اشمل واعم
*فكم من كاتب انتقد مازدا وهم الاتنين حمر العشق
*وكم من كاتب انتقد الاتخاد بمعتصم واسامه وغيرهما
*دون اعتبار لانتمائهما
*ولكن هل انتقد الاهله يوما مجدي ؟؟
*هل غلطوا الطريفي
*وزكي
*وكثر ناموا عليهم
*يا محمد عبدالماجد
*الوطن حفظه الله ورعاه اولي من اي انتماء اضيق من مساحته
*والشرينق الذي يدير به اسامه شئون المنتخب
*هو تصرف منه
*لانه لولا الشيرنق
*لما سافرالمنتخب من اساسو
*الراجل برغم انه واحد في منظومة الفشل
*الا انه فعل شئ
*يعني احسن السيئين
*احسن من الذين لا يجيدون السواحليه التي كتب بها جواز غابيتو
*شوف اكعب السيئين في باتو بلد يا محمد
*ووجه نقدك المباشر اليه
*وتحدث محمد عبدالماجد عن رقمية خالد عز الدين
*اسألو لينا عليك الله
*عن رقم الهلال الجوي
*عن رقم الهلال الدولي
*عن رقم الهلال في لوح الشرف الافريقي
*عن رقم الهلال في بطولة سيكافا
*لو اداك رقم غير الصفر
*يبقي الراجل محتاج لدرس عصر في الارقام
*واتصفري
**لو اداك رقم جوي للهلال فير الصفر
*يبقي خالد دق الرقم جله
*ايها الناس
*العشوائيه لا تقدم
*والعوده لجادة الطريق ليست صعبه
*مجرد اهتمام وقناعه
*والصبر ببقي بعد كده اساسي
*ايها الناس
*خالد ما ورانا رقم الهلال الدولي
*اقول ليك ياخالد
*اديك معطيات تساعدك علي الوصول للرقم الصحيح
*اي رئيس مسك الهلال
*من مرسال مرورا بمستر كلارك والطيب عبدالله وطه والبرير وحتي الفريق المدهش وصولا لكردنه
*كلهم ببدوا من الصفر
*سبعه وتمنين سنه ببدوا من الصفر
*اي رئيس يجي يلقا الصفر
*يمشي يخلي الصفر للرئيس البعدو
*والرئيس البعدو يبدأ من الصفر
*اذا علمت ان الصفر في سبعه وتمنين سنه
*كم رقم الهلال الدولي ؟؟
*مع العلم بان اي رقم في صفر بي صفر
*سبعه وتمنين في صفر بتساوي كم يا خالد عزالدين ؟؟؟؟؟؟
*ايها الناس
*اكتب قبل بداية حفل اللجنه الماليه
*اتوقع له نجاحا منقطع النظير
*لان الشفوت خارج العاصمه
*ارسلوا حق التذاكر مشاركة منهم في الحفل
*وهم ما حاضرين
*غدا احدثكم عنهم
*انه المريخ
*بهجه ومسره
*وبلقاهوا في المطار
*جوه صالة كبار الزوار
*مابره جمب جاد مع امجاد يا خالد عزالدين
*ولا رأيك شنو يا محمد عبدالماجد ؟؟؟؟
*والله جهاز الدهب لو جنه
*ما يكورك جمب نادي الهلال
*لو كورك في الصفر ده
*باقي اجهزت الدهب بتقول ليهو يا اربعه
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*صحي القطر قرب يجينا ؟؟؟
*طيب قطرنا القديم الكان بجيبنا وبودينا
*تاني برجع لينا ؟؟؟؟
سلك كهربا
ننساك كيف وسيرة مشروع الجزيرة وسيرة القطر و سيرة خط هيثرو سيرة المطر سبب الكدر
والي لقاء
سلك
b_silik@hotmail.com
