* ناس تدين في كروجر وتشجب وناسية تمادي اللاعبين في الاستهتار وإضاعة الفرص وناسية توهان حافظ وسلبية كثير من اللاعبين،
Contents
- * اللاعب في المريخ بدأ يدب في نفسه إحساس بالعظمة المفرطة
- * ولذا بدأ يتعامل مع العالم من حوله بنظرة فوقية
- * حاسبوا اللاعبين أولاًَ ولا تجعلوا من كروجر الشاطر شماعة للتقاعس
- * نعم فنياً لا يوجد في هذا البلد الطيب أهله من هو أكثر فناً من لاعبي المريخ
- * ولكن كرة القدم لا تكتفي بالفن فقط.
- * تحتاج لغيرة وعطاء
- * في الزعيم أروع اللاعبين فناً
- * ولذا خندق الأمل عطبرة ومن قبله الأهلي مدني و من بعده لخويا
- * الجميع لابد أن يتخندق أمام الزعيم
- * واللعب النظيف الخندقة ما فيه
- * اتخندقوا لما تتكندكوا
- * قال لي وارقو ماجاب قون لي أسي
- * قلت ليه وارقو ده دولي ما بجيب أقوان ساي قال لي بجيبها كيف ؟ قلت ليه بالنظام يعني آخر قون جابو وارقو الموسم الفات كان في لخويا وأول قون يجيبوا الموسم ده لازم يكون في لخويا الحكاية نظام مسلسل.. ومسلسل مكسيكي
- * أسي في المسلسل المشهد الأخير من الحلقة الماضية موش بعيدوه في أول الحلقة الجديدة
- * بيعيدوه للتذكير عشان الناس ما تنسى
- * في حد ناسي وارقو يوم المطرة ويوم المقبرة ؟
- * نفترض في حد ناسي
- * حايتذكر براه اليوم الجمعة
- * بحول الله
- * في الإذاعة قالوا ادعم الجماعة حتى يصبح الاستاد جميلاً مثل الأخريات
- * الأخريات دي( نعلي) ما أنا ؟
- * ده اعتراف ضمني بجمالنا وشناة الآخرين
- * الإذاعة القالت الكلام ده نبهوها
- * على الصفوة أن تشتري تذاكر دعم تجميل استاد الجماعة
- * على أقل تقدير عشان أولادنا لما يلعبوا هناك يلقوا استاد صالح للشرب حفاظاً على صحتهم
- * اليوم الماعندو برمودة يجيب ليه برمودة
- * أمس الأول كانت زفة المولد بأمدرمان
- * قال لي دي شنو ؟
- * قلت ليه زفة المولد حقت ناس أمدرمان
- * قال لي طيب وينو خالد ليمونة ؟
- * السنجك قاعد في نادي الزعيم
- * واحد قال ليه الجماعة غالبين واحد
- * السنجك قال ليه باللهجة الشايقية ـ الجماعي لاعبين معا منو ؟
- * قال ليه لاعبين مع قلوب الصنوبر الغاني
- * السنجك قال ليه هو الفريق ده قاعد لا أسي الحكاية شني ؟
- * يجب أن يعلم أكرم وحافظ ومحمد كمال بأن وراء كل فريق بطولات حارس مرمرمى خرافي
- * الساقية لسه مدوره وكشافاتنا لسه منورةه
- * باري ديمبا لا من تمرق في الخلا
- * باري الماسورة تخسر الكورة
- * تسخاني …
- * واحشنا يا راجل
- سلك كهربا
- زفة المولد جات ماشة بي هنا … حبيبي يا رسول الله
