بسم الله الرحمن الرحيم
في السلك
*قصة صقر قريش دي حاتطول يظهر
*لانو موضوع الكيري بتاع ابو سعد مسيطر علي الساحه
*وماعارف ناس حماية المستهلك الموضوع ده حايتعاملوا معاهو كيف
*البلاغ بلاغ مخالفة امر محلي
*ذبيح خارج المسلخ
*لكن القصة الكبيره في تعريض حياة الناس للخطر
*الذبيح خارج المسلخ بكون من طرف
*ومن طرف دي يعني تجر وتضبح
*العيانه والنصيحه
*والزول النصيح يجي يستهلك
*فيهلك
*سألتكم بالله البشتغل في الكيري ده ممكن نسميهو زول ؟؟؟؟
*اناشد ناس حماية المستهلك بمتابعه الموضوع ده
*رقم البلاغ طرفنا
*والتفاصيل طرفنا
*والاتقال في التحري بنعرفوا
*والما اتقال في التحري برضو بنعرفوا
*الحكاية دي مفروض تاخد مساحتها التي تستحقها
*حماية للمواطن المستهلك المسكين
*فنحن نستهلك الزمن لنوفر ربع كيلو لحمه
*يطلع كيري يستهلكنا نحنا زاتنا ؟؟؟؟
*المهم
*قضية صقر قريش فيها اساليب احتياليه غير مسبوقه
*طرق احتياليه مافكر فيها ابليس زاتو
*ابليس قالوا خته يدينو الاتنين في راسو لما سمع القصه
*ابليس قرب يتشهد
*عمايل تخلي ابليس ممكن يفكر في الورع والتقوي
*احتيال زي الاحتيال
*القضيه كبيره وشينه
*لكن سردها مهم شديد
*لتعم الفائده
*المهم
*الكرة في ملعب اللاعب
*واطاعة الجهاز الفني من اولي الاولويات
*والامتثال لصوت العقل والاستجابه لرغبات الجماهير
*من الاولويات التي تخلق من اللاعب اسطورة واسم يتغني به الجمهور حتي بعد الاعتزال
*لذا ولذلك
*نطالب اللاعبين بالجديه والطاعه والاطاعه ووضع التأهل هدفا منشودا
*المهم
*اعجبني ماسطره القلم الهلالي الرائع يس احمد يس
*كتب عن الجوهره
*او قل كذبة الجوهره
*الجوهره الدايرين يبنوها بي تحويل الرصيد
*هو في رصيد يا اخوي ؟؟؟؟
*واحد داير يغير شبابيك بيتو
*يحول في الرصيد من بورتسودان سنه ونص
*لي اسي ما اتغيرت ضلفه
*قال جوهره قال
*المهم
*يحق لنا ان نسأل
*ماذا فعل المجلس في رفع عقوبة بكري ؟؟؟؟؟
*لان السكوت علي الحرب المفبركه ضد بكري
*بخوف نزار الذي اصبح توقيعه بعد بكري مسألة وكت ليس الا
*وزي ماقال سوداكال
*حقوا يجهزوا شكوي نزار من اسي
*لكن حسب توصية غرزه يا سوداكال
*حقو يأخروا شكوي نزار شويه
*لانو غرزه خاتي عينو علي واحد تاني مع نزار
*اخير يعملوا الشكوي ثنائيه
*يعني اتنين مدعي عليهما
*والمدعي كبسور
*كبسور طول ما اشتكي
*عل المانع خير
*ايها الناس
*قصة صقر قريش دي حاتدهشكم
*ابقوا معنا
*ايها الناس
*نعزي ولدنا احمد ابكر في انتقال والده عليه الرحمه
*ونسأل الله له الجنه
*المهم
*علمتني امي
*وقالت لي
*اذا جاريت في خلق دنئ ****فأنت ومن تجاريه سواء
*بس في استثناء
*اذا كان مافي علاج غير النزول من الطوابق العليا للدرك السحيق
*يبقي لازم ولا بد من النزول
*وبعدها يصعد الواحد للطوابق والطبقات العليا
*لان اهل القاع لن يستطيعوا الصعود اليه
*ايها الناس
*في حق اسمو حق الدفاع الشرعي
*وهو فعل لرد خطر فعل حال يهدد حقا يحميه القانون
*ويشترط في استعمال حق الدفاع الشرعي الآتي
*ان يكون هناك فعل مخالف للقانون
*ان يهدد حقا يحميه القانون
*ان يكون حالا
*وبديهي ان يصدر الفعل المهدد بالخطر من انسان مكلف
*فافعال المجنون والحيوان لا تعتبر مخالفه للقانون
*ويكون الخطر حالا ويعني ان يكون واقعا او وشيك الوقوع
*اما اذا صدر الفعل من حيوان مثلا
*فهنا لايستفيد الانسان من حق الدفاع الشرعي
*لان الفعل صادر من غير مكلف
*ولكن القانون اتي لهذه الفرضيه بحل
*وهو الضروره
*والضروره تعني اهدار حق لمصلحة حق آخر
*وترجيح مصلحه اسمي في اهدار مصلحة اخري
*فاعتداء الكلب مثلا علي انسان
*نكون امام مصلحة سلامة الانسان وحياة الكلب
*بديهي نهدر حياة الكلب من اجل سلامة الانسان
*عليه
*استعمال حق الدفاع الشرعي هو تصرف قانوني ومانع للمسؤليه
*ولا يمكن ان يكون الحاكم حريصا علي ادانة المعتدي عليه الذي يستعمل حقه في الدفاع عن نفسه
*وهو نفسه الحاكم الذي سكت علي الاعتداء سنين وسنين
*المهم
*نحن في الزعيم معتدي علينا
*وفعل رد الاعتداء قانوني
*سواء كان حقا للدفاع الشرعي
*او للضروره
*تصرف يكفله لنا القانون والمنطق ومبادئ العداله
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الغاز لسه مابينا
*القصة بقت (الغاز) يا والينا
*يا ترقدوهوا لينا
*يا تعترفوا بالقصور يا والينا
*وتعتذروا لينا
*يا ما تلومونا
*فصوتنا اكيد للبجيب الغاز لينا
*نجيب الانبوبه ولا نحل (الغاز) من مكان تاني بهتمي بينا ؟؟؟
سلك كهربا
ننساك كيف وشعارات المرشحين للانتخابات مضحكه شديد في (ظل ) انعدام الغاز والحياه البقت (الغاز)
والي لقاء
سلك
b_silik@hotmail.com