سودانايل أول صحيفة سودانية رقمية تصدر من الخرطوم
أخبار أخرى
بسم الله الرحمن الرحيم
*في السلك
*لاصوت يعلو فوق صوت المعركه
*الهدف هو تخطي عزام
*بالفي وبالمافي
*اي فرد فينا يستطيع ان يشارك في معركة النصر
*كلو زول بالبقدر عليهو
*الهتاف قدره
*المسانده قدره
*المال قدره
*تحصين الفريق قدره
*بذر الحماس في نفوس الناس قدره
*الصبر علي النصر قدره
*نجمع قدراتنا المختلفه
*ونسخرها لنصرة الزعيم
*ايها الناس
*كلنا حضورا مشرفا بالاستاد يوم عزام
*دي خطوة النصر الاولي
*لانحضر لنتفرج ونربع ايدينا
*بل نأتي للمناصره
*لنطلق حناجرنا زئيرا قويا
*يرتجف منه ثعالب عزام وضباع الحسد
*نشجع بقوة وفتوه
*لن تمر علينا لحظة نصمت فيها
*هذا هو دورنا
*ولاقدر الله
*حتي ولو احرز عزام هدفا
*وصعب المهمه علينا
*لن نيأس
*سنقاتل حتي نكمل غلة النصر
*وتعلن التأهل
*ايها الناس
*انها معركة ضد المستحيل والتنجيم والمؤامرات
*ونحن لها
*صدقوني نحن لها
*بالقرآن مريخنا مصان يا صديقي عراقي
*بالقرآن مريخنا مصان يا صديقي حسن حمد
*بالقرآن مريخنا منصور منصور منصور يا ولدي
*ايها الناس
*اعجبني ماحدث من ازالة سوء الفهم بين اعضاء الجهاز الفني
*وسيكون لذلك اثره الواضح يوم عزام
*ايها الناس
*سنأتي كلنا من كل مدن السودان
*لنشارك في معركة الشرف الكبيره
*اخوتنا في ود الحداد
*جيين كلهم
*العاقب احمد وهاشم حسن ووالطيب محمد طه
*عثمان حاج سعيد وشفوت شيكان فرع سنار كلهم
*ودكتور محمد الشريف
*جايين تحت شعار
*تعال ومعك آخرون
*جايبين النصر وجايين
*وشفوت الحلال والقري المنتشره في ربوع سوداننا الحبيب
*جايين واثقين منم النصر
*جايين يقوموا بي واجبهم
*والشفوت قادرون قادرون قادرون
*علي نزع النصر من بين فكي الاسد
*وهل يوجد اسد غير الزعيم ؟؟؟
*المهم
*سمعنا بي تصريحات باتريك
*ولن نغني معه آه يا خله
*لان الوقت وقت للاعد\اد والاستعداد
*ولكن تصريحات باتريك محرجه
*ايها الناس
*خرج علينا الجاكومي بضرورة معاقبة الشفوت
*ولم يفتح الله عليه بالافصاح عن سبب ماحدث
*وقال ايه
*الجماهير تعمل مذكرة للمراقب تشتكي فيها الشرطه
*ياعزيزي يا جاكومي
*الاستفزاز الشديد المباشر يعتبر سببا مانعا من موانع المسؤليه الجنائيه
*يعني لو في زول استفزاك استفزاز شديد ومباشر
*لو كتلتو القانون ما بعتبرك قاتل عمد
*فهل كنت تنتظر من الجمهور ان ياكل ذاك الاستفزاز في حنانو ويمشي يشتكي ؟؟
*وهل للمراقب الحق في استلام شكوي من الجماهير ؟؟؟
*ياجاكومي يا اخوي
*خليك منطقي
*وخليك واضح قول السبب
*وقول الحقيقة التي اشهرت بقولها
*تصريحاتك الامس دي ما بتشبهك
*ولا تكون الظروف غيرتك
*لكن الشفوت بعرفوا يتصرفوا كيف ومتين
*لامحتاجين لتوجيه منك
*ولا محتاجين لتحريض مني
*انهم شفوت الزعيم
*اسود الزمان
*معقوله
*زول داير يقتلني
*استني لما امشي افتح بلاغ ؟؟؟
*حاتمشي الجنازة يعني للنيابه ؟؟
*ياخد الاقوال يا جاكومي دكتور عقيل ولا منو ؟؟؟
*شفوت احييكم واحبكم
*المهم
*سنأتي كلنا
*نبحث عن نصرنا
*وننتصر للزعيم البهمنا
*وبعدها
*لكل مقام مقال
*ولكن قول المقام الحالي
*مريخ يا
*مريخ يا
*مريخ يعيش يعيش يعيش
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*اذا المحليه في غسيل عربيه بتغرمنا
*حقو نشيل من المحليات برضو حقوقونا
*يعني لما نعتر في حفرة في الشارع يا والينا
*نمشي المحليه تعوضنا وتدفع لينا
*وعربيتنا لما تقع في خور يا والينا
*طوالي ناس المحليه يصينوها لينا
*والباعوضه لما تقرضنا يا والينا
*المحليه تتكفل بي علاجنا وتعوضنا
*ولا شنو يا والينا ؟؟؟؟
سلك كهربا
ننساك كيف وفي غراماتنا نقلد امريكا وفي حقوقنا افارقه ساااااي
والي لقاء
سلك
b_silik@hotmail.com
