(فرحة بلد) شعر: د. نيازي عزالدين

يابلد فرحان تراني بفرحتك.. ماقادر اوصف فرحتي، الليلة عيدك وتحفتك.
هذا الحراك من زمرتك..
قاموا الولاد لنصرتك..
سرق الحرامي حلم حلم
ماساب ضميرهم يوت براه
سب من جبان ما بيشبهك
الليلة ديسمبر رجع.. شفنا الخلاص من طغمتك..
كوز من حقد، ينضم عقد ملياااان حسد
سام البلد خسف البلد.. سرق البلد.. وقتل الولد.. والبت كمان مقتولة حيف
نحن القصاص.. الدم بيسيل يرويك سند
لكن يمين قاتل ولادك وبنيتك،
لازم يموت، لازم يفوت، يسلي البيوت..
ويخلي للبلد الولاد، الرافعة رأسها وصبتها
ملت القيادة وهبتها.. شالت الريادة وخلتها..
حيين كده تب يابلد ما بتتهضم، مابننهضم
حييين كده تب يابلد ما بننهزم، بل ننسجم
نبنيك سوا، ننزل شوارعك حلة بيت،
وندفي بيك كل الولاد، البايتي في شارعك قوا
وبدينا نكتب في السما
سودان جديد مافيه حيف، مافيه زيف،
عادلين ولادك يابلد.. شايلين مرادك في الخلد..
حالفين يهنو الهجو منك زي طيور
يرجع يعاود طلتو، يبنيك معاي نبنيك سوا
مبروك عليك عيد الخلاص
فرحان وبيك يبقي الأساس.
… ود البلد.. المخلص.. نيازي ود منيرة.
(د. نيازي عزالدين محمد، 19 ديسمبر2019، الخرطوم)

wadmoneera@gmail.com

الكاتب

طارق الجزولي