بسم الله الرحمن الرحيم في السلك *كلو يوم الاهله يقولوا كانوتيه جاي بكره *وبكرة تجي *وكانوتيه ما يجي *وتاني يقولوا كانوتيه جاي بكره *جية كانوتيه دي بقت زي بتاع الحافله الكاتب فيها *بكرة الركوب مجاني *وذكرتني جيت قودوين *والغريبه نفس البطل *لانو البطل القال كانوتيه بجي *هو نفسه الكاردينال القال *قودوين بجي *ووقتها كتبنا *لو الوالي قال بجي *بجي *وقودوين ما جا *لانو الوالي ماقال بجي *وكانوتيه قالوا وصل اديس *زي توسنامي *كل يوم يقولوا وصل مكان *لكن الجديد *قالوا خايفين قعدتو في اديس دي يكون فركش الخطوبه ورجع الدبله *وقال داير يقرا *الخوف ده لانو كديس فداسي المربيهو جمال *شوهد في ضواحي اديس *مرق من فداسي ليهو يومين وشق البطانه *اديس بالبطانه مشيت يوم *كديسنا اسي لو ما اخاف الكضب *يمصمص في اصابعينو *جاي من اديس شبعاااااان *وعلي ذكري اديس *الطرف الشمال شفناهو اول امس *في الجزائر *اي جزائري بالطرف الشمال الاثيوبي كان بمش *هو زول جابتو امو زي ود الروضه يلعب كيف بس *والخبر اليقين عند كديس فداسي *ففطومه اختي بي بندقيتك دي الكديس ده غلبك ؟؟؟ *المهم *في مرة من المرات *قالوا كانوتيه كان ماشي علي المطار حصل ليهو حادث *ماشي بامجاد يا روشا ؟؟؟؟ *ايها الناس *ناس رابطة كوستي رافعين القزاز شديد في موضوع الطاهر *التقول ما الطاهر الشفناهو في جنوب افريقيا ده *التقول ما الطاهر الشفناهو في المريخ *التقول ما الطاهر الكلو يوم معوق *التقول ما الطاهر الجبناهو فزع بقي وجع *التقول ما الطاهر الشهانا بله جابر *التقول ما الطاهر الختفوا منو ناس كمبالا الكورة وجابوها فينا قون *التقول الطاهر هواري *اجمل خدمه قدمتها رابطة كوستي لينا تمسكها بالطاهر *وان شاء الله تكون الاعاره اتكتبت غلط فيها سنتيتن تاني *ايها الناس *الافارقه السمعناهم جايبهم كردنه *كتبناهم *لما عديناهم لقيناهم اكتر من بعثة اليوناميد *كورة ولا وكر ايبولا يا كردنه *وبعدين ده كشف ولا بص *خمسه واربعين زول *بالغت *المهم *كانوتيه كايسين ليه *وكان ربك رضي عليه *كديس فداسي يكون قام بيه *المهم *هل وعينا الدرس من المنتخب ؟؟؟ *هل قررنا نقدم للرياضه شئ ؟؟؟ *هل خجلنا ؟؟؟؟ *ولا هل ماخجلنا ؟؟؟؟ *عدم الخجله مشكله *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *المليون سته اصفار قالوا لينا *والمليار تسعه اصفار قالوا لينا *الحال النحنا فيهو يا والينا *كم صفر قول لينا سلك كهربا ننساك كيف والدشليار كلو اصفار ونحنا نردد دييييييييييييشك والي لقاء سلك b_silik@hotmail.com ////////
