بسم الله الرحمن الرحيم
في السلك
*اسي عليكم الله
*لعب الهلال الشفناهوا ده
*لعب فريق مربينو اكتر من جماهيرو ؟
*عليكم الله دهلعب فريق مسنود تحكيميا طيلة الدوري !!!
*عليكم الله ده فريق واضعه فيهو فطومه اختي بصمتها
*غايتو يا فطومه تشكيلتك زي عواستك
*حرقتي العجين كلو
*فريق كلو خمار
*تعوسيهو طوالي ؟؟
*فطري شويه الخمار ده
*عليكم الله
*ده لعب فريق السنه كلها فالقنا الكبار الكبار !!!
*غايتو الكبار دي الا يكونوا قاصدين بيها كبار السن
*عمر عمر بخيت يجيب تلاته من عمر ابراهومه
*عليكم الله ده لعب فريق يجيب قون في جمال سالم ؟؟؟
*جمال سالم واجعهم وجع
*مبارك البلال طوفش
*روشا بقي يجيب خارجيه
*فطومه قربت تكضم
*موش هي الناطق الرسمي
*يعني اخباركم عندها
*وبتعبر عنكم
*شورتكم ليها
*اتفطمي يا اختي
*المهم
*لم يستطع فريق ايا كان في البلد دي من هزيمة المريخ
*والقدر يهزم المريخ يقول انا
*مالكم كلكم سكتوا !
*من غيرنا تم الموسم بدون هزيمه ؟؟؟
*ناس روشا طبعا عنترهم مات يوم كورة شندي الفلقوا فيها الحكم
*دخلوهوا الانعاش
*لما طلع عملوا الكرامه غدا
*في نفس اليوم بالليل جابوهوا لينا
*في كاس السودان
*مات تاني
*كتلنا عنتر ييوم الكرامه
*بقت ميته وضبح خروف ساي
*يبقي البطل هو من لم يهزم
*شاء الاتحاد ام ابي
*وللتحكيم معنا روايه
*معقوله انا لو عندي قناة فضائيه اجيب الطاهر محمد عثمان يفتي لي تحكيميا في مباراة طرفها الهلال ؟؟؟
*ده يبقي لعب عيال
*في العالم ده كلو سمعتوا ليكم بي حكم بنقض هدف عشان الفريق التاني كفاهو
*تتخيلوا حكم ينقض الهدف التالت للمريخ في شباك الهلال
*وتبريره كان
*انتوا دايرين تغلبوا الهلال كم اصلو
*كفاكم اتنين
*البلد دي الفساد فيها بين
*بس عيوننا هي البتتغابي العرفه فيهو
*تعمل ما شايفه
*والغريبه هي شايفه
*لذا ولذلك يظل الصفر والفشل الدولي كذلك
*المهم
*الاحل والابدال ماداير درس عصر في المريخ
*العضم جمال سالم وايمن وامير وباسكال وعلاء وراجي وضفر ورمضان
*شفوت الغد ابراهومه وبخيت وشمس الفلاح واحمد ابكر ومرتضي كبير وياحبذا لو اضيف ليهم نمر ويوحنا
*ويمكن اعطاء الفرصه لشيبون ومدافع الفاشر عماد
*الفوق ديل ما في شئ بهبشهم
*الاسمو مافي يسأل
*انا اسمي مكتوووووووب ؟
*اذا قالوا ليهو ابدا
*يقول طييييييييييب
*بمنتهي الزوق
*ايها الناس
*نحن نبني في فريق بطولات
*وفريق البطولات لا يعرف المجاملات
*نشتغل صاح
*عشان نعو لمنصات التتويج الافريقيه
*شوف نعود دي حلوه كيف
*غيرنا ما بقدر يقول نعود لمنصات التتويج الافريقيه
*يقول نصل
*وصلنا ؟؟؟؟؟
*قدح الحنه
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*في البلد دي الكورة زي ايبولا
*بتكتل عديل كده زي البوره
*بالمجاملات والمآمرات في الكورة
*رجعنا الف سنه وضلمت فينا النوره
*في ظل لجان للعدل ما مجبوره
*بجينا يوم قبل نندفن ندفن الكورة
*ونقعد ساي يا والينا
*لاكورة ولاكوره
سلك كهربا
ننساك كيف والخيار والفقوس كتلن الهمه في النفوس
والي لقاء
سلك
*جابوهوا لينا
b_silik@hotmail.com
/////////
