سودانايل أول صحيفة سودانية رقمية تصدر من الخرطوم
أخبار أخرى
بسم الله الرحمن الرحيم
في السلك
*التنظير خلال فترة الانتقالات بكون كتير خلاص
*وطبعا الدوافع كلها تتلخص في مصلحة المريخ
*لذا تتباين الآراء
*بالطبع لا المريخ ولا غيرو
*يتبع السياسات التي يفترض ان تتبع في التنقلات
*ولكن الحال افضل من سنوات مضت
*وبالتأكيد الناس بتستفيد من تجاربها
*وتباين وجهات النظر يجب ان لا يكون سببا للعداء
*فالقاسم المشترك هو صالح المريخ
*ويجب كذلك ان لا يكون سببا للشماته في حال الفشل لا سمح الله
*مثلا
*البعض يري ان عمر بخيت كبير في السن ولا يفيد
*والبعض الآخر يري ان عمر بخيت خبير ويحتاجه المريخ بالذات افريقيا
*وهنا يجب التأمل بنظرة محايده
*نسترجع اداء ود بخيت في المباريات القديمه والحديثه
*هل هو مهم لهذه الدرجه ويجب الاستعانه به
*ام هو عادي ولا يقدم شئ ولا يمثل اضافه ؟؟؟
*هذه النقطه يحددها الفنيون فقط
*هم الادري والاجدر باتخاذ القرار
*يمكن ان يكون عمر بخيت مرشحا من قبل البعض
*ولكن قرار تسجيله يرجع فقط للفنيين
*فالرأي المسبق
*والذي يجوز للجميع ان يفتي فيه
*هو السلوك الشخصي للاعب
*انضباطه
*مشاكله التي يتسبب فيها
*اما امكانياته الفنيه
*فالامر يعود للجنه فنيه
*هذه اللجنه يجب ان تعمل بعيدا عن اي وصاية اداريه
*بل يجب ان تكون قراراتها ملزمه للاداره
*فالامر فني
*اما حكاية كبير وصغير دي
*فاللاعب ما خروف
*عشان البحب الحملان واللحمه الهشه يفضل صغير العمر
*برضو في ناس بحبو الخروف يخت لحم كتير
*وبشوفوا انو الرباع لو لقي نار صاح
*بستوي علي الآخر
*يبقي كترت لحم وشحم وهشاشة شيه
*والبعض الآخر يري ان هشاشة شيه الرباع ماهي الا هشاشة عظام وما بتودي لي قدام
*المهم
*فنيا دعوا الخبز لخبازه
*ولو ياكل نصو
*موش اخير من ندي الخبز لي زولا ماخبازو وياكلو كلو !!!!
*ايها الناس
*كردنه قال قاعد خمسه وعشرين سنه
*صدقوني شهر سته
*لا حانلقي هلال ولا حانلقي كاردينال
*ايها الناس
*تحدث كردنه عن رعاية الثريا للهلال
*الثريا دي عارفه انو الشعار بتاع عصمت ؟؟؟
*وعارفه انو عصمت رافع دعوي تعويض علي شركات قبلها ؟؟؟
*وعارفه انو عصمت بطالب بمليارات تعويض علي الاعلان في شعارو
*الثريا دي اخير تتخارج قبل الاعلان يجيها ويجيبها الثري
*الشعار شعار عصمت ما شعار الكاردينال
*وحقو كردنه قبل يقعد الخمسه وعشرين سنه
*يشتري من عصمت الشعار
*اسي الجوهرة الزرقاء دي تختوا فيها شعار شنو ؟؟؟
*تعلقوا ليكم فيها صفر كبيييييييييير فوق ولا شنو ؟؟؟
*كر عليك يا الثريا
*خايفك تبقي الثري
*حاتتعبي مع عصمت شديد
*عصمت ده زول معاش
*شغله ماعندو
*متفرغ
*بتعبكم
*والمثل قال
*ماتضرب عاطل بسويك شغله
*ايها الناس
*مجلس المريخ ولجنة التسجيلات
*ماممكن يكونوا قاعدين ساي
*اكيد قاعدين فوق راي
*وليس بالضرورة انو البشتري اول ويمرق من السوق
*يكون اشتري السلعه الجيده
*فالغشيم بشيل من طرف وببقي مارق
*والحصيف بعزل عزل
*وبشتري من تحت الرف
*نحنا في انتظار العزل الصاح
*ايها الناس
*ان تنصروا الله ينصركم
*اها
*نجي لي شممارات والي الخرتوم
*كان شفت يا والينا
*الباعوض تاني بدا يجينا
*باعوض الشتاء ده يعمينا
*ده ربيتوهوا مخصوص لينا
*يقرصنا ويساهر بينا ويلهينا
*ولا جابتو الظروف لينا وانتوا ما جايبن خبر يا والينا !!!
سلك كهربا
ننساك كيف وقصاد كلو مواطن كريم سرب باعوض لئيم
والي لقاء
سلك
b_silik@hotmail.com
