سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• اجمل حاجه في الدنيا دي لما يقابلك زول بمنطق غريب
• كلامو بكون دراب دراب
• يفلق ويداوي
• اذا اتكلم براهو اربعه كلمات يناقض نفسو عشره مرات
• وزول زي ده بكون دايما من الناس الناعندهم شئ
• وشخصيه زي ده بتكون في اخواتنا بنات حواء كتيييييييييييره
• وده ما بعني انو اولاد آدم فيهم برضو من اصحاب هذه الشخصيه
• مثلا واحده بايره
• البوره قايمه بيها لي بهناك
• بوره سودانيه
• زي البوره الالمانيه
• اها
• تقوم صاحبتها تعزمها لزواجها
• الدعوه تقع عليها زي الصاعقه
• وتتحكحك
• وتتبدر
• لاتخلي كريم اساس
• لادهان فرد
• لابدره لااحمر
• تتجلبط لما تقتنع
• وتمشي العرس
• تتفرج بعين الناقد (الحاقد )
• تفتش للاسباب
• لو العشا جابوهوا جمبها تقبل منو
• عشان يفطوها وتقول ما عشونا
• وكان مافطوها تقول صحنهم بائس
• وكان الصحن مليان عشره اصناف
• تقول الجداد مخمر والمخلل قوي والطعميه كلها رغيف
• والجبنه بتسمم عديل كده
• وترجع توصف العرس لي امها
• العريس ناااااااااااااشف
• لما جيت ابارك ليهو خفت يدو تتكسر وتتحتحت في يدي
• وكبييييييييييييييييييييييييير
• ده لو جابت ليهو جنا اكيد الطفل حايقول لي ابوهو يا جدو
• عرسه زي دي اخير عدمها
• نحنا لو دايرين نعرس من طرف ساااااااااااي زي ده كان عرسنا زماااااان
• قبال عشرين سنه
• شفتوا البوره دي قايمه بالبت دي كيف ؟
• بوره خلقت منها انسانه حاقده لاتري في الوجود عرس واحده جميلا
• ديل بنات حواء
• اما اولاد آدم من هذه الفصيله كتاااااااااااااااااااااااار
• ومادايرين ضرب مثل
• عاين للاهله
• لما جبنا مانديلا
• قالوا كاس صفيح
• مادايرنوا
• لو دايرنوا كان جبناهوا بدري
• اسي العباره دي فرقها شنو من نحنا لو دايرين نعرس من طرف ساااااااااااااي زي ده كان عرسنا زمان
• عليكم الله موش نفس العباره
• بس ديك مؤنث ودي مذكر
• اها
• وتعال للتناقض
• كاس مانديلا حقنا كعب
• وبقولوا الهلال يسعي للتوشح بالذهب الافريقي
• امال كاس مانديلا ده كان دهب الخلا بتاع التنقيب العشوائي ؟
• الدهب البفتشوهوا بالجهاز المهرب
• ويكوركوا
• صفر …….صفر ……صفر
• اها
• جهازكم بصفر متين ؟
• تمانين سنه حايمين بيهو في خلا الانجازات
• لليله ما صفر
• راجعوا الجهاز عشان يصفر
• قبال قطركم يصفر
• توووووووووووووووووووووووووووووووووووت
• تووووووووووت ….توووووووووووووت
• توت …توت..توت توت توت
• غايتو يا اهله حتي المرحله الوصلنا ليها في الكونفدراليه بعد مانديلا كانت النهائي
• والنهائي بصعود بطل المجموعه بس
• موش بصعود نص المجموعه
• المهم انو تلك المرحله لليوم انتم تتمنون الوصول اليها
• وهذا الرقم لا يمكن الوصول اليه حاليا
• حاليا شنو ؟ نهائيا
• لكن الموسم الجاي في عرس افريقي جديد
• معزومه يا هنايه
• يا اختي الهلاليه
• تعالي شنفي
• قولي ماعشونا
• اصلكم غير الشكيه من الجوع ماعندكم شغله
• اما اخي الهلالي
• نحن في انتظار عبارتك المحببه
• دي ما البطوله المحببه
• مادايرنها
• المهم
• محمد ابن اختي ناديه كرار السيد
• بنت الشيوخ
• طفل لذيذ جدا
• جابوا ليهو (موبايل ) جديد
• يرسل الرساله لي زول
• ويتصل عليهو بعد الرساله طوالي سائلا
• وصلتك ؟
• تذكرته مع جوطة النت في هذه الايام
• ارسل رساله بالبريد الالكتروني
• وشوف كضب الشبكه
• تقول لي رسالتك مشت لي فلان
• ولتأكيد وصولها
• تقرب تقول وبسلم عليك وقال ليك مر عليهو
• فلان يتصل
• يقول لي مارسلت مالك ؟
• عشان كده
• بقيت لما ارسل (E.MAIL)
• بتابعوا
• زي الرسلت شافع
• اتصل
• واسأل
• وصل
• ولا
• ماوصل ؟
• بقيت زي محمد ود ناديه اختي
• ماتنسوا
• السنه الجايه معزومين عرس افريقي جديد
سلك كهربا
لن ننساااااااااااااااااااااااااااااكما
والي لقاء
سلك
babikir maki [b_silik@hotmail.com]
