(اتمنيتك) .. بقلم: د. نيازي عزالدين

(اتمنيتك نخلة ونيل..

استوفيت شروط النخلة..
ساق ممشوقة…
وروح مفتوقة…
لطافة وليل..
فرع بيتني
نفس بيتمني..
يتاتي محنة.. يقاسي مظنة..
مسافة ميل..
واتمنيتك نخلة ونيل..
قمت لقيتك من توتيل..
استوفيت شروط الساقية..
ريلة وفتلة..
طراوة شتلة
وضلن تاوق..
شاهق وشاهد..
في جدلاتك
تيلة وفدعة..
ناااعمة وجدلة..
واتمنيتك نخلة ونيل.
قمت لقيتك من توتيل..
خليني أقولك
تعرفي.. انك.
متحفة كلك…
طيفك رسل وهجة طلعك
هجمة فرعك
وخضرة زرعك..
قيفك وصل…
موجك يسأل..
كيفن عاود لصدفاتك
مدك طامح..
جزري مسامح لردهاتك..
بحرك جامح.. يمي مسارح
لخصلاتك..
غصبا عنك ليلك مسدل..
ناعم ومرسل.
واصل ميسك..
واتمنيتك نخلة ونيل..
قمت لقيتك زي توتيل..
لحظة بنتي،
وقفت هيلك كل الدنيا..
(مين) يتهامس يبري مقيلك.
في بنشاتو.. وفي شجراته..
يبدأ صهيلك..
انتي المهرة عااالية مطلع.
حاالية وبيلسع. صوتك ورمشك.
عارضك يسطع..

واستنيتك زهرة فل..
زولة حنييينة
روحها أميييينة
كفها ضل.
بت مسئولة.. وجد مقبولة..
حصافة وهل..
هل ذاكرتك. ياما درتك.. تطري الكل.؟!!
حافظ ربك وسالك دربك.
حارس سربك. من عين الكل
وات شن شايفة..
خبارك خايفة
تحني علينا وتقبلي بينا.
عوجة تطولك يوت مابيحصل…

همك همي.. دمك مني.
يامنية زولن حافظ وحارس
ايدن واحدة مابتصفق
ايد علي ايد..
والله بنتوفق
انت حبييييبة، ومني قرييييييبة.
ولي بالاكتر تبقي طبيبة..
وعاوز منك أبقي الأول
وتاني وآخر.
زول بيستاهل انو يكونك ..
واتمنيتك نخلة ونيل قمت, لقيتك
زي توتيل.
… نيازي

wadmoneera@gmail.com
//////////////////

الكاتب

طارق الجزولي