اولا بعتذر للقراء اليوم داير اخرج شويه عن النص لي سبب واحد
فقط انا زعلان والزعل عامل لي ورم في القولون والطحال وقربت اتزلق وأقع بي ربع الدسته بتاعة البيض من الحال بتاع الاحزاب المايل و قع قدامي جيتن معاي اولاد الحله عشان نرفعن قالو لينا لا مشكورين
انحنه عارفين بنعمل في شنو امشو شوفو شغلتكم
الحكومة والسلطة عامله كدا ذي كرسي العرقي
عرقي البلح الواااحد بتاعنه دا ايى مسؤول قعدتو في الكرسي كأنو اخد ليهو جغمه طوااااالي بنعنش
ويبقه لزيز وظريف وكلامو كلو وهلمه جرا وسوف نعبر وأنا وصي
ودولة المؤسسات وهيبة الدولة وكلامو قليل وما داير يزعل
زول لكن المشكله كلما يقعد في الكرسي فتره طويله السكره بتربط
ولو من الناس الفاخورتن خفيفه عايره وأدوها سوط ديل طوالي بخرمجو ديل موضوعن ساهل بجيبو ليهو مرتو طوااااالي تقول ليهو يله يا راجل تعال امشي قدامي علي غرفة النوم
في نوع تاني مفتح عارف راسو خفيف عشان كدا مابقعد كتير
في الكرسي بقيف علي حيلو كتير عشان
مايسكر يسْكِر المعاو ويخرتن يخلي
البلد فااااضيه اقصد الطربيزه فاااااضيه وزي النوع ده حلقو بكون وااااسع ببلع اي حاجه
اصلو مابتخنق زي
ديل منهم خوف
لكن الكويس فيهم لمه إشبعو بفوتو وبخلو الكرسي لي زول تاني ولمه يجوعو ويجو إلقو زول تاني قاعد في الكرسي بقعدو جمبو إسكرو معاو اقصد إقعدو معاو لكن مافي الكرسي لأنو ما بخلي زول إقعد معاو عشان هو من النوع الخطر بيت نمل الملكتو نملة سيدنا سليمان عليه السلام
ما بموت بالساهل تمساح الدميره
الما بكتلو سلاح
ده راسو قوي جايب ليك كمية بتاعة بنابر حولو من غرب أفريقيا يحرسو ليك ومقعد ليك الجماعه الرجعو في الواطه جمبو وهو إقعد ليك في الكرسي لمه يغلبو الوقوف لكن لسانو فصيح وما
بقدر يتحرك بس عارف بقول في شنو وعارف بيعمل في شنو
جماعتك الراسن خفيف
إقيفو علي حيلن وإقعدو عشان مايسكرو من قعاد الواطه لكن ويييييين يا اا القاعدين في النبابر ديل زااااتن بقه عندهم راي في الكرسي زاااتو الظاهر قعاد البنابر بقه حار عليهن
المشكله بقت في اولاد الحله بقو إفلقو بالحجار عشان إطلعوهم كلهم من الحله لانو اصواطن بقة عاليه ومزعجين شديد
وجابت ليها كمان روائح غير مألوفه
اها جماعتك القبييييل
دايرين يرفعوهن جو مارقين لي اولاد الحله
وقالو ليهم والله انحنه ياربت لو سمعنه كلامكم
قعدنا جوه لمه الريحه كتلتنا ما قدرنه نقعد معاهم جينا مارقين الحل شنو ؟
الحل في البل
ما لان فرسان لنا
alsadigasam1@gmail.com
