بسم الله الرحمن الرحيم في السلك *قصة هيثم مع معظم الاهله زي قصة الجنيه ابو جمل *السودانيون يتمنون عودة الجنيه ابو جمل *الجنيه الكان بجيب تلاته دولار ونص *بالمناسبه الجنيه داك يساوي قرش في تسميات الزمن ده *قرش الليله بساوي الجنيه ابو جمل *وزمان القرش بجيب طلب فول *اسي الحوت ممكن ينوم جعان *الجنيه الكان بجيب تلاته دولار ونص *وعودة الجنيه ابو جمل تعني عودة الروح للسودان *عودة الاكل للصينيه السودانيه *عودة العين المليانه والتعفف *عودة السمات السودانيه من كرم وعطاء وتحري اكل الحلال *عودة الوضوح وعدم النفاق *المهم *حكاية الجنيه ابو جمل زي حكاية الاهله مع هيثم *دايرينو يرجع *وقلة من الاهله مادايرنو يرجع *البرير مع القله *لكن البرير كتير ما شويه *كردنه داير يرضي القاعده *والبرير بالمرصاد *فهل يلوي البرير يد كردنه *ام يتمرد كردنه علي البرير ؟؟؟؟ *طيب لو تمرد كردنه علي البرير *مليار البرير المديونيه مصيرو شنو ؟؟؟ *اقول ليك يا كردنه *سجل هيثم *والبرير لن يتجرأ لمقاضاة الهلال في مديونية *لانه لو فعل *لانهي حياته بالهلال *سجل يا كردنه ماتخاف *اصلو هيثم بتكلم سبعه لغات *بنفعك مع العشره محترفين المن جنسيات مختلفه الجبتهم ديل *وبعدين هيثم بريحك *شهر سته تلقاهو برااااهو في الكشف *بطفش ليك الكشف كلو *لانو هيثم يري انه سيد الهلال *يبقي في الهلال من يريده هيثم *ويذهب من يري هيثم ذهابه ضروره *المهم *قانون العرجا لي مراحا *قانون ساري المفعول في جمهورية الهلال *ويجب تطبيقه *وان كانت الناطقه من انصار عدم تسجيل سيدا بالهلال *وكذلك روشا *الا ان كردنه ما مضمون *الزول ده ممكن يشوتهم ليك في دقيقه *وينصب هيثم كابتنا للهلال وناطق رسمي ورئيس غرفة التسجيلات *ورئيس تحرير الاسياد كمان *كردنه ده قبل كده شات باقان اموم ورجع لي سيلفا *مرات تلقاهو مع عرمان *ومرات تلقاهو مع ربيكا *ومرات يتبع باقان اموم *شواااات كردنه ده *تاجر وزول مصلحه *والتاجر ما بسيب مصلحتو لاجل زول او مبدأ *قانون التاجر *تجيني في البيت اضبح ليك *تجيني في السوق اطقك لمن تعرف حاجه *خايف عليك تعرفي حاجه يا فطومه يا اختي *غايتو لو تم التسجيل *البشوف هيثم مع الاداريين ماشين علي الاتحاد *يقول الجلاكين ديل ماشين عقد *ايها الناس *تحية واحترام للرائع طارق المعتصم *هذا الرجل تلقاهو وقت الشدة *يعمل في خفاء *من اجل الزعيم يقدم *ولا يتقدم نحو المنابر ليكابر او ليبقي تحت الاضواء *ود قلبا وعارف روحو بعمل في شنو *ياناس *موكورو واوكراه ما شويه *ومصلحة الزعيم فوق كل المصالح *ولنا قصة سنعود اليها تفصليا *ولكن بعد قفل باب التنقلات *لازم الناس تعرف كلو شئ *الشفافيه خطوة في طريق العوده للمنصات الدوليه *في البيت اخوي لي بهناك *تجيني في المريخ اطقك لمن تعرف حاجه *ايها الناس *تصدقوا ان عدد الافارقه في الهلال اكتر من عدد الافارقه في منظمة الوحده الافريقيه !!!! *سته وستين لغه ولهجه يتحدثها افارقة الهلال *وفيهم سامبا كمان *غايتو ديل الا يجيبوا ليهم سماعات ترجمه فوريه في التمرين *عشان كلو زول يفهم كلام المدرب باللغه البعرفها *وحقو الاتحاد يعمل ليهم شفره *ويفهمهم انو الكرت الاصفر انذار *والكرت الاحمر طرد *عشان بعدين ما يخرخروا *ويقولوا الاحمر في بلدهم انذار *والواحد لما ينطرد يرفض الخروج *عشنا وشفنا *ايها الناس *حانرجع لموضوع طارق السيد معتصم بالتفصيل *من حق الرجل ان يعرف عنه الناس مواقفه النبيله *ايها الناس *ان تنصروا الله ينصركم *اها *نجي لي شمارات والي الخرتوم *شايفكم يا والينا شغالين لينا *بديتوا في الشوارع الكربستون عملوهوا لينا *قول الكربستون مسك تراب الارض المالينا *كيف الطريقه مع تراب الجو الكلو يوم قايم علينا *ومع الترابه الفي خشمنا ومالياهو لينا *برضو خشمنا كربستون حاترصفوهوا لينا سلك كهربا ننساك كيف والكربستون في الخشم بملاهو لينا والي لقاء سلك b_silik@hotmail.com
