في السلك
• دبيب الليله ده ما الدبيب بتاع الدباسه
• ده دبيب تاني
• الاخوه الاهله
• كتاب وجماهير ( ناقين ) لينا نقه شديده في الترجي
• وعاملين خايفين علينا
• ومتأكدين من ان الترجي بعملها فينا
• ومتمنين تكون عمله سوداء ومهببه زي العملات الخمساويات والستاويات العملها فيهم
• وطبعا الاحساس ده ما جاهم من فراغ
• جاهم لانهم ملدوغين بأكثر من تلاتين قون من الترجي
• وده تأكيد للمثل القائل الضاق قرصة الدبيب بخاف من طوطوة الحبل
• وفي روايه اخري الضاق قرصة الدبيب بخاف من لفة الخرطوش
• وطبعا هم ضاقوا كم وتلاتين قرصه من الدبيب
• ولكنهم نسوا ان الدبيب لما يعضي بخلي سنونو في جسد الزول العضاهو
• والترجي دبيب كمل سنونو في الجسد الازرق
• مافضل ليهو ولا سن
• سن شنو ! قالوا لسانو زاتو خلاهو في ذلك الجسد المنكوب
• لو دايرين الترجي يعضينا جيبوا ليهو طقم اسنان
• لكن بي شنو ؟
• مع مرض ام سادومبا ده الا تقدموا ديوان الزكاه للطقم
• ولما ديوان الزكاه يصدق ليكم يكون الترجي في المجموعات بتاعت الكونفدراليه
• وطبعا معاهو الامل عطبره
• ممثل السودان الوحيد في الكونفدراليه الزمن داك
• ونحنا طبعا بنكون في الزمن داك ممثل السودان الوحيد في مجموعات الابطال
• وراس مجموعه كمان
• لكن ما عارف الاسماعيلي في مجموعتنا ولا في المجموعه التانيه
• غايتو لما قريت اسم الامل في مجموعات الكونفدراليه ما بتذكر شفت اسم الاسماعيلي ولا لأ
• واحد من الجماعه قال لي مشينا لي واحده شاطره قالت هنا اربعه وهناك اربعه
• قلت ليهو البدت بي عبارة هنا دي ماقاصدانا نحنا
• شوف الكورتو بتبدأ هنا ده منو ؟
• المهم
• نصلي الجمعه ونمشي علي كورتنا
• نستمتع وننتصر باذن واحد احد
• الرائع قسم خالد قال عن زولهم كلام معناهو انه رمز من رموز الهلال لذا لا يجوز التحدث عنه
• ( وتيب ) يا قسم
• العجب ده رمز من رموز الانتخابات !
• تتكلموا عنو كل يوم سلبا ليه !
• سائل الله العجب يلعب كورة الترجي عشان تاني لما تسمعوا اسمو تجروا
• كاربوني شاطر
• وعارف بعمل في شنو
• قطمووووووووووووووووا
• قالوا الترجي حايراقب النفطي بلاعبين اتنين
• وحايراقب وارقو بلاعبين اتنين
• وحايراقب العجب بلاعبين اتنين
• طيب الترجي الفضل فوقو شنو ؟
• عمك احمد قال واحد واحد
• كنا سامعين ان ناس الاسماعيلي مضربين عشان عندهم مستحقات ماليه
• اليوم البعدو قالوا ناس الاسماعيلي كلهم حضروا للتمرين ومبسوطين وبتبادلوا الضحكات
• ماعرفنا السبب شنو
• لكن في البعدو سمعنا ان الوالي رجع من مصر
• مشي متين الله اعلم
• مشي لي شنو برضو الله اعلم
• لكن ناس الاسماعيلي ليهم حق
• المابضحك شنو ؟
• وبرضو الله اعلم
• لو لقينا سباح بعوم بسرعه العمل في حوض السباحه بتاعنا سنفوز بميداليه عالميه في السباحه
• ما تخجلوا تعالوا اتبلبلوا
• حسن اسد لما يكتب مريخنا مصان بالقرآن تعالوا المطار بدري
• الغريبه في ناس قالوا السكه البعد التمرين كانت لفئه مدسوسه بين الجماهير الزرقاء
• صدقناكم
• يا قسم خالد غانا الودانا ليها منو ؟
• عشان ماتنسي اذكرك
• تتذكر لما كتبنا عجب ودانا غانا والماعاجبو عجبنا ما يمشي معانا !
• مشينا غانا ( باطناشر) هدف
• العجب جايب فيها ( تسعطاشر )
• المهم
• الدراويش لو نقزوا بره الحلقه مشكله
• ولو نقزوا جوه الحلقه مشكله
• اتنقزي
• قالوا الزعيم يبحث عن مهاجم من الوزن الثقيل
• ما اظن في مهاجم في الوزن اثقل من تسخاني
• يمكن ياربي !
• غايتو لو في شرطي مرور دخل كورة الاسماعيلي حايقطع وصل للجماعه
• النور ضعيف
• نولع ليكم حقاتنا نور طوييييييييييييييل !
• ماكتير عليكم
• البقول وارقو ماسوره حقو يركز يوم كورة الترجي في الصوره
• يا قسم
• زول بلعب في فريق من سنة اربعه وتسعين كتيره عليهو لو رفع سته كاسات !
• ياناس
• خلونا في المهم
• بعد الترجي معانا في مجموعتنا منو ؟
• والماشي مكرر مع الترجي منو ؟
• وبعد داك بقول شنو ؟
• الرشيد
• اليومين دي ما بنسأل عن البيع
• اتصل انت
• الرقم آخره 7475
• كلام حا نقراهو بعد تحديد فرق المجموعات
• ده ما الترجي البنعرفوا
• اجمل حاجه ان تظهر صورة ايداهو في مباراة الترجي
• والاجمل ان يتكرر المنظر
سلك كهربا
لن ننساااااااااااااااااااااااااااااك
سلك
والي لقاء
babikir maki [b_silik@hotmail.com]
