سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
· اعتذر عن موضوع وانا اعييييط
· سنعود اليه قريبا
· اكتب بعد مباراة الحصحيصا وقبل مباراة امدرمان
· بنحضر في الكوره انا واسلام
· المعلق فرح فرح شديد جدا وكورك
· ضربة جزاء 000 ضربة جزاء
· الراء جرجرها لمن آمنت
· اسلام قالت ليهو فرحان كده ادخل شوتها انت
· وصفقت يدينها الصغار الحلوات وضحكت
· قلت ليها مالك يا سلمونتي ؟
· قالت لي دايره اعرف الكتب الروشته للهلال بنلتي في كل مباراه ده دكتور منو ؟
· قلت ليها في اتحاد الكوره في كم دكتور ؟
· قالت لي ماقلتوا بتاع فلسفه
· قلت ليها برضو بكتب روشته
· قالت لي والهلال ملتزم بتعليمات الدكتور وبصرف الروشته في مواعيدها
· قلت ليها طبعا 000 المرض المزمن بخلي سيدو يهتم بالعلاج شديد
· في الشوط التاني آخر الدقائق المعلق قال كرنقو بمشي وداخل الخط وفي وضع بتاع عكس وبعكس كووووره وفي لاعب واقع علي الارض والحكم بقول مافي شئ
· اسلام تاني ضحكت
· وقالت لي ده البلنتي الجد جد لكن وين مع ناس مافي شئ ديل
· قالت لي سامي عبدالله ده ناس الهلال مامفروض يسجلوهو
· قلت ليها ليه !
· قالت لي طيب شاطبين جوليت ليه ! الطفيش ياهو الطفيش
· المعلق قال باقي تلاته دقائق ودي فرصه نشكر ناس سوداتيل
· اسلام قالت لي خلاص تاني مافي قون
· قلت ليها ليه
· قالت لي في زول دخل قون بعد المعلق شكر ناس سوداتيل ؟
· قلت ليها كتيييير
· سامي في جوبا 00 الوكت داك المذيع شكر ناس دار الهاتف
· وزيكو في استاد الخرطوم لما طار في الهوا
· وكلتشي في استاد الخرطوم 000 ماكورة السد 00 كورة السد جاب قونو بدري 00 لكن في كورة الممتاز
· وبيضو ضان هدفه الشخصي الرابع والخامس لفريقه والمذيع شكر اليوم داك ناس مغربتيل
· ضحكت
· الاهله يتذكروا مازيمبي يبكوا
· يتذكروا حي العرب يضحكوا
· مع العلم ان حي العرب بامدرمان اسمه مربع 2/5
· ولو عاينت لي كلمة حي العرب بتلقاها كلمتين
· حي فيها حرفين
· والعرب فيها خمسه حروف
· يعني حي العرب تطلع برضو 2/5
· تبكوا بس
· كلما تتذكروا حي العرب اتذكروا مربع 2/5 وعدد الحروف 2/5 يساوي مازيمبي
· انا غايتوا لو هلالابي اصلوا مابقول حي العرب
· بقول ادروب
· لكن ادروب فيها برضو خمسه
· انا كان هلالابي اخير اسكت سااااي
· قابلت هلالابي شايل مكيفات في بوكس
· قلت ياربي يكونوا دايرين يكندشوا اعاره لامبيلي وسادومبا وسولي شريف ؟
· كابوندي ما نسيتوا لكن ما اظن رجع من الكنغو
· اه يا بتوع الكدايس
· غايتوا السنه دي الاعاره الاكندشه مركزيه يا مزمل
· اسي عليك الله كاريكا هداف الدوري باربعين ضربة جزاء ؟
· خالتي البتصلي الضهر بالليل لو ادوها ضربات الجزاء دي كان بقت هداف السودان العالمي الخلوها ناس رمضان دييك
· اسلام قالت لي
· تخيل ناس الهلال دخلوا الميدان لقوا مكان البنلتي ما واضح تفتكر بلعبوا ولا بنسحبوا ؟
· قلت ليها يلعبوا كيف ! وهم جايين لي شنو ! وكت مكان البنلتي مافي يتخارجوا بس
· روشته كبيره وواضحه
· بنلتي عند اللزوم
· وطبعا طوالي في لزوم
· شايف كامبوس كندشوا ليهو اعاره
· قال ايه ! عرس بتو
· ابشر يا ابو العروس
· القبل كامبوس قالوا مرتو عيانه
· مرضت فجأه ياربي !
· يا كامبوس حفلتكم بي منو ؟
· ماتقول لي ندي القلعه 000
· اوعك
· اعمل حسابك
· ندي لو غنت ناس العريس بدوكم خمسه ياكوتش
سلك كهربا
كامبوس قبل يسافر سوقوهوا ردوا اعتباركم في الجزائر
القيدومه متين !
والي لقاء
سلك
