الزئبق الاحمر .. بقلم: بابكر سلك

بسم الله الرحمن الرحيم

في السلك

•    نجح بعض الناس في خلق فجوه بين لاعبي ووارغو
•    كانت هناك محاولات لعرقلة تسجيل وارغو في المريخ
•    وعنما فشلت بدأت الحرب علي وارغو قبل ان يوقع في المريخ
•    فقالوا انهم لا يرغبون فيه
•    وتارة اخري قالوا  زول نيجيري كبير قال ليهم امولادي هو الاجدي من وارغو
•    وقالوا الكابتن قال مادايرين وارغو
•    طبعا دي كلها محاولات كي يبتعد المريخ عن وارغو
•    لانهم ضايقين قرصة الدبيب
•    ففشل امولادي
•    ومن بعده كابوندي
•    وفشل امانو
•    وحصلت الكندشات
•    والاستكشات
•    واستمرت الحرب علي توقيع وارغو بالمريخ
•    وجاءت رسالة القاهره مرتين
•    مرة اكدت رفض وارقو للمريخ
•    والتانيه اكدت توقيع وارقو بالاهلي القاهري
•    وقبل ان يتم جمع راجع الصحيفه التي اتت بالاخبار المفبركه كان وارغو في البلد
•    في نص المؤتمر الصحفي
•    وارغو بي شحمو ولحمو
•    وابداعو
•    وسيرته العطره
•    واهداف المطره
•    عندها بدأت حرب اخري للتحطيم
•    سمعنا عن التنجيم
•    وقرأنا ما يفرق بين وارغو ولاعبي المريخ
•    كيف يقبل البقيه اللعب ووارقو يبض مثل هذه المبالغ
•    وكانت حملة ناس المساجد
•    الذين تحدثوا عن حاجة البلاد لمستشقيات بالمبالغ التي دفعت لوارغو
•    في الوقت الذي يتقاضي فيه امبيلي ( النكره ) اعلي من وارغو
•    وسكت الامام عن الكلام عن قيمة عقد اتمبيلي وسادومبا
•    كلها حرب علي النجم
•    ومحاولة بذر الفتنه بينه وبين البقيه في وطن النجوم
•    وجاء دور الحرب النفسيه المنظمه
•    للاسق
•    اتت تلك الحرب بنتائج ايجابيه لصالح اصحاب الفتنه
•    وعاش وارغو ظروفا نفسيه صعبه
•    وبعض الحرب من الداخل نتيجة التحريض
•    تحريض الحاسدون
•    ياناس
•    نفس الاساليب تستنر
•    محاولات للفتنه بين النفطي والعجب
•    ىدارة محاور الفتنه بين اقطاب النادي
•    وفي نفس التوقيت
•    الدوره التانيه
•    الوقت الحاسم
•    ايها الناس
•    لاتستجيبوا لتحريض الحساد
•    قليلا من الوعي
•    كثيرا من المكتسبات نجنيها
•    ونحن في المريخ اخوه
•    اي عتاب او حساب وقته بعد انتهاء الموسم
•    والفراغ من التسجيلات
•    والاعداد للمعسكر الاعدادي
•    بعد داك نتعاتب
•    ونتحاسب
•    بكل ادب
•    لمصلحة الزعيم
•    اها
•    واحد قال لي الجن لما يكبر برجع شباب لو شرب الزئبق الاحمر
•    قلت في سري
•    والله نحنا محتاجين لينا لبرميل زئبق احمر
•    في نجوم كتار في الكره السودانيه محتاجين للزئبق الاحمر
•    بعد تنتهي نعمة دور الاربعه ده
•    معزومين زئبق احمر علي حسابنا
•    تعالوا بدري
•    نكرر الدعوه
•    الاحتفال باليوبيل الفضي لاول بطوله جويه تدخل الاجواء السودانيه
•    تمت الخمسه وعشرين سنه
•    وكان الله ادانا العمر
•    هازمنكم للاحتفال باليوبيل الذهبي لاول بطوله جويه تدخل الاجواء السودانيه
•    يعني بتكون تمت خمسين سنه
•    خمسين والجوكر بايظ
•    الخوف للوقت داك المعزمين يكونوا ساكين وبفكوا في الخمسين
•    خمسين وكاس الشارقه بايظ
سلك كهربا
                طريقة نسيانك نهي ومحال
والي لقاء
سلك
babikir maki [b_silik@hotmail.com]