الضيق واليابا صديق .. بقلم: بابكر سلك

بسم الله الرحمن الرحيم

في السلك

•    الفريق القومي اسعدنا جميعا
•    سعادتنا به كانت قوميه مثله
•    لم ننظر للتقسيمات الصغيره
•    ولكن مددنا البصر علي مستوي المليون ميل
•    وكان الوطن (بملي)  العين
•    ويفضل
•    وطن كبير بكل المعاني
•    وطن كبير في كل المحافل
•    ولذا كنا كبارا في مستوي الوطن الكبير
•    وخرج علينا البعض
•    بالقبليه والعنصريه والجهويه في يوم الوطن
•    فكان غناهم اشتر
•    وصوتهم ابح
•    لم يؤثر في سمفونية الوطن العزيز
•    تبجحوا بان ماحققه الفريق القومي ينسب للهلال
•    مع احترامنا للهلال
•    اخجلوا شويه
•    ايها الناس
•    تعلموا
•    ان من يتوشح بعلم الوطن
•    ومن يتربع صقر الجديان علي صدره
•    تصبح اعادته للمربعات الضيقه اهانه له وللوطن
•    سامحكم الله
•    ولكن لن (تجرونا) لوحل التعصب القبلي عندما ينادي الوطن اولادي   اولادي
•    دون ان يفرز منهم احد
•    لبيك يا وطن
•    تكون عبارة اجابة النداء
•    علي اصحاب النظره الضيقه ان يتركوا العصبيه
•    ولو استعصي معهم الامر
•    البلد مليانه مستشفيات تعالج الحالات العصبيه
•    ما تتعصبي
•    في العصبيه شئ من الجاهليه
•    ولانرضي بالعوده للجاهليه
•    انتوا نسيتوا ياناس !
•    زمن الجاهليه
•    لما القبليه كانت عنوان للناس والجهل والفرقه والشتات
•    بدري الكلام ده
•    قبل آلاف السنين
•    لما القبائل اختلفت فيمن يحمل الحجر الاسود ويضعه في مكانه
•    كل قبيله تتدعي انها الاشرف والاحق بحمل الحجر ووضعه
•    واحتكموا حينها لسيد حكماء زمانه
•    وحكيم كل الازمنه
•    سيدنا رسول الله عليه افضل الصلوات والسلام
•    اتذكروا كيف استطاع بحكمته ان يطفئ نار القبليه والعصبيه ؟
•    ما اظن كل الناس بتذكروا
•    لكن للذكري
•    اشار اليهم الرسول الكريم ( الكلام ده قبل الرساله ) بان يضعوا الحجر علي قطعة قماش يشارك في حملها ممثلي القبائل
•    وبذا وضع الحجر في مكانه بقوميه مثاليه
•    وبمشاركة الجميع
•    فكان مجهود كل القبائل مشارك في الانجاز
•    وكان درسا لاصحاب فكرة القبليه والعصبيه والنظره الضيقه
•    النظره الضيقه
•    دي ياها زاتها
•    نظرة الضيق واليابا صديق
•    لكن صدقوني
•    قريت عمود للرائع قسم خالد عن الفريق القومي
•    اعجبني
•    كبر هذا الكبير في دواخلي
•    وزاد اعجابي به برغم اعجابي به المتأصل اصلا
•    حفظك الله يا قسيم الريد يا قومي
•    ومكانتك محفوظ في قطعة القماش الشايله حجر الفريق القومي لمكانته السابقه
•    اها
•    واحد صفوه قومي
•    كتب بالمنتدي كلام
•    استميحه عذرا
•    لاردده في سلك كهربا
•    تحدث مساوي للصدي
•    فكان لحديثه صدي
•    ولمن اهدي مازدا النصر ؟
•    ياناس هوي
•    ناس الفريق القومي ديل شغالين بقوميه
•    يعني جلابيه وعمه وطاقيه
•    الماعندو الزي القومي ده ينقطنا بي سكاتو
•    وحانهتف من قلوبنا كل يوم
•    سا000سا 000سا
•    سودانا
•    سا000 سا0000 سا0000 جمال الوالي
•    وسا000 سا00000 سا000 سنعود لمنصات التتويج بامر القوميه
•    ياجاهليه
•    ماتتعصبي
•    وياعصبيه
•    ماتتجوهلي
•    وياقبليه
•    ما دايرنك

سلك كهربا
                 ننساك كيف وكنا دايرين نضمك للفريق القومي البطل ده !

والي لقاء
سلك
babikir maki [b_silik@hotmail.com]