بسم الله الرحمن الرحيم
في السلك
• المريخي الكبير بالجمارك حمزه حسن زول رائع
• ود حبوبات
• حفظ منهن الكتير من الامثال
• امس كنا بنتناقش انا وهو في كورة الفريق القومي
• ورد اليه في خاطره مثل من امثال حبوباتنا الزمان
• يقول المثل
• المابتعرف ما بدوها تغرف , يا كسرت الكاس يا عطشت الناس
• اقيفوا شويه ياناس مع المثل ده
• وتعالوا نحاول نطبقوا علي ناسنا في الكوره الاخيره بس
• امسكوا اي جهه ونبدأ بيها
• كاريكا مشهور باضاعة ضربات الجزاء
• واذا احرز منها يكون بعد ان ترتد له
• وبعد ده اديناهو يشوت ضربه ترجيحيه
• مابتعرف
• ادوها تغرف
• وكذلك الخلوق جدا مهند
• تتذكروا يوم اضاع الضربه امام اول اغسطس ؟
• عادوها
• اضاعها
• عادوها تاني
• دقت وجات حتي جات
• برضو ما بتعرف
• ادوها تغرف
• الجهاز الفني
• اخرج مهاجم صريح في وقت نحتاج فيه لهدف
• وادخل لاعب وسط متقدم
• اخرج عمر بخيت الوحيد الذي يلعب بعقل وهدوء في الوسط
• برضو شنو
• مابتعرف
• وادوها شنو !
• ادوها تغرف
• وكم هدف ضاع
• زول يدوهوا باص هو والقون
• يلف ويشوت قصاد وقفتوا
• ماقصاد القون
• ادوهوا باص قون
• لكن مابتعرف
• وادوها تغرف
• تعالوا نطلع من الكوره
• نرجع لاحتفالية الافتتاح
• كانت باهته
• وقالوا في فقرات الزمن ماسمح بيها
• دي اللجنه المسؤله
• ادوها مسئولية حفل الافتتاح
• ادوها تغرف
• وباظ المهرجان
• عشان اللجنه مابتعرف
• الزول الوحيد الكان بعرف هو الجمهور
• وما ادوهو يغرف
• رغم انو بعرف
• لكن كانت هناك بوادر عدم عرفة من الذين نثروا الحجاره داخل الملعب بدل الورود
• الناس الجدعت دي
• ادوها تغرف
• ومابتعرف
• لانو في حضرة ضيوفنا الكانوا مشرفين الاستاد كان ذلك التصرف مشين جدا
• لا يشبهنا كشعب مضياف
• ولا يشبهنا كشعب يتحلي بالروح الرياضيه
• ولا يشبه جمال الاستاد الذي جرت عليه الاحداث
• حجارة جوه القلعه الحمراء ؟
• لقيتوها وين دي !
• جبتوها معاكم من بره !
• المهم
• اذكركم بالمثل
• المابتعرف ما بدوها تغرف **** بتكسر الكاس وتعطش الناس
• ونحنا لاننا ادينا المابتعرف تغرف انطبق المثل علينا
• وبقي المثل الجديد
• المابتعرف ما بدوها تغرف **** بتطفش الكاس وتألم الناس
• عليهو العوض
• المهم
• في دريم
• لقاء مع المستشار الاقتصادي للاتحاد المصري
• علي الهواء
• قال بلاتر اشاد باستاد المريخ
• واضاف المستشار قائلا
• ان استاد المريخ ليس فخرا للمريخ وحده ولا للسودان وحده ولكنه فخر لكل الامه العربييييييييييييييييييييييييييه
• وتحيا الامه العربييييييييييييييييييييييييييييييييييييييييييييييييييييييييييييييييه
• ايسكوتي ايسكوتي
• ميش المريخ مخلص الشعوب العربييييييييييه ؟
• يبقي لازم يكون فخر للشعوب العربيه
• اثناء كتابة هذه الاسطر يفترض ان تكون بعثة المريخ في حفظ الله داخل الطائره المتجهه الي الخرطوم
• واثناء قراءة هذه الاسطر يفترض ان تكون البعثة بفضل الله بيننا
• نحمدك يارب
• لكن قال ليك من طيارة المريخ جرت في ( الرن وي )
• مطارات عربيه كتييييييييييييييييييييره قفلت
• وحلفوا طلاق
• المريخ مايصل اهلو ماينفتح (رن وي )في البلد دي
• البلد دي يعني البلد حقتم
• حقت الناس الحلفوا طلاق
• غدا انشاء الله احكي ليكم قصة الست الوالده مع الامتحانات
• وعلاقة ذلك ببعثة المريخ
• خلاص
• طفشتوا الكاس ؟
• عشان تاني يدوكم تغرفوا
• ما بتعرفوا
• للامانه
• مصعب عمر وسيف مساوي وبهاء الدين وسفاري
• تاني اربعه بس بنفس ثبات المستوي
• ماكان طفش الكاس وعطشت الناس
• خلاص !
سلك كهربا
لن ننسي وما بننسي وموش حاننسي
والي لقاء
سلك
