راجــم عبدالعاطي .. بقلم: بابكر سلك

بسم الله الرحمن الرحيم

في السلك

•    ده شنو يا راجي !
•    الحساد في بداية الشوط التاني
•    مشوا جابوا العشا
•    لاخلوا جداد ولا زيتون ولا جبنه
•    السمك زاتو جابوهوا
•    وبالدين طبعا
•    بتشبرقوا بالدين ياراجي
•    كانوا بمنوا النفس ياراجي
•    بليله جميله
•    وهادئه
•    بعد ماشافوا البعمل فيهو التحكيم
•    وللامانه في كور كده مرقها التنجيم
•    ولكن الله لايصلح عمل المفسدين
•    الفاتح النقر كالعاده
•    لعب بالخطه المخصصه للعب ضد المريخ فقط
•    الحارس
•    وعشره حارسين الحارس
•    الحارس كان روي قلواك
•    الغريبه في كورة الهلال روي كان مافي
•    احتمال يكون مشي الجنوب يجيب كبون الاستفتاء
•    عشان يصوت لصالح الوحده
•    انفصال كيفن عاد
•    عشان كده ما لعب كورة الهلال
•    الكان لاعب حارس قصيييييييييييييير
•    لو داير يشوف العارضه الا يصنقع ويقع علي قفاهو
•    لكن طبعا الفاتح كان شايف انو الحارس ده هو الانسب للعب ضد الهلال
•    المهم
•    لعب روي
•    اتوفق في كور
•    وفي كور تانيه اتوفقت هي في الارتطام بروي
•    التسرع اهدر اهداف
•    سوء الحظ اهدر اهداف
•    سوء التحكيم اهدر اهداف
•    سوء النيه اهدر اهداف ( من شر حاسد اذا حسد )
•    والنفاثات في العقد ايضا كان لها دورها
•    المهم
•    الجماعه جابوا السمك
•    يتبسموا ساااااي
•    واحد بعصر في الليمونه قال للتاني فضل كم ؟
•    التاني يتبسم ساااااكت
•    قال ليهو فضل اربعه دقائق في الزمن بدل الضائع
•    الحكم يعصر فينا
•    وصاحبنا يعصر في الليمونه
•    وجات لي راجم عبد العاطي
•    ناس الخرطوم وناس بحري والفاتح النقر والحكم والشيطان وناس السمك
•    كلهم في خط سته
•    وروووووووووووووووووووووووووووووووو
•    بالله الجماعه التقول وقع فيهم صاروخ
•    تمانيه كانوا في الواطه
•    رتشارد وروي واخو سفاري والطرف اليمين ولاعبين الارتكاز التلاته
•    كده كم ؟
•    سبعه
•    التامن الفاتح النقر
•    التمانيه وقعوا في الواطه دي
•    ناس السمك وقعوا
•    واحد فيهم كان بعصر في الليمونه
•    لقي روحوا تحت السرير مفنقل والليمونه عاصراهو
•    الحكم قرب يطير مع الكوره بعد فاتت روي
•    الجماعه عاينوا للشيطان
•    قال ليهم ما تعاينوا لي , بتعاينوا لي مالكم ؟ انا لو بمرق كور زي دي كان اشتغلت ( كوديك ) في كاس العالم
•    اصحابنا بتاعين السمك واقعين تحت السرير
•    يعاينوا للسمك
•    والسمك زاتو واقع جمبهم
•    ينقط  , تف 00 تف 000 تف  
•    ينقط في الزيت ساااااااااااااااااي
•    وفي جماعه لحقوا ناس المورده
•    قالوا راجين راجي يعكسها
•    اريتوا كان عكسها وريحكم
•    ياناس
•    زمااااااااااااااااااان قلنا الولد ده اسمو راجل عبدالعاطي
•    الليله السمايه الجديده
•    غيرنا الاسم
•    راجــــــــــــم
•    راجم عبد العاطي
•    كلما العدو رفع راسو
•    يترجم علي طول
•    ارجوهوا يعكسها
•    المهم
•    سعيد السعودي في خانة المساك كان رائعا
•    وشهدت له الصفوه بالتصفيق
•    بالذات في الشوط الاول
•    موش قلت ليكم سعيد ده من افضل الناس العندنا !
•    ساعدوهوا بالصفقه
•    سعيد مشروع قائد ضخم
•    اتذكروا كلامي ده
•    عنكبه من اول دقيقه شاف الشنكبه بي عينو
•    تاني فرفر ؟
•    كلما كبر الامل في نفوس الحساد
•    يقتلهم راجي وصافرة النهايه ماشه علي خشم الحكم
•    الولد ده خلي بالك عاجبو قون سامي عزالدين في جوبا
•    قون سامي في جوبا في منو ؟
•    المهم
•    كان الهتاف
•    رااااااااااااااااااااجي  ذكرنا جوبا
•    لكن للحقيقه
•    اقوي مباراه لعبت بالممتاز
•    لافيها العبوا براحه الجماعه ديل مسافرين
•    ولا فيها كرت احمر زي كلب السيجه طردوا بيهو تلاته
•    ولا فيها حارس مرمي احتياطي الاحتياطي
•    وشدت ماقصير يتشابي للفنجال
•    تقول لي عكسيه !
•    ياناس
•    كان الزعيم يلعب
•    ضد
•    الخرطوم
•    والفاتح النقر
•    والتحكيم
•    والتنجيم
•    والحساده
•    والشيطان
•    وفاز عليهم جميعا
•    هدف راجي زي هيروشيما
•    خلي الناس عيونها في نص راسها
•    واضنينها لي تحت
•    وايدينها قصاااااااااااااااااار
•    وكلامهم
•    سنج و  سونج 0000 كنج 00 سوها
•    قال ليك
•    واحد دخل في غيبوبه عشرين سنه
•    لما جاتو الغيبوبه كان بقرأ في جريده
•    اها
•    في السنه الاخيره اهلوا ودوهوا الانعاش
•    رقد في الانعاش سنه
•    اثناء الغيبوبه كان بتمر بيهو احلام كتيييييييييره
•    منها المخيف
•    ومنها المفرح
•    ومنها الخيالي
•    ربك رب الخير انعم عليهو بالعافيه  
•    صحي من الغيبوبه
•    لقي روحو براهو في الانعاش
•    اهلوا قاعدين بره يتشمروا مع باقي المرافقين للمرضي
•    اتلفت لقي جريده جمبو
•    عاين للتاريخ عرف انو كان في غيبوبه عشرين سنه
•    شالها وقعد يقرأ
•    اول مانشيت كان
•    فرصه ذهبيه للهلال لتحقيق الحلم المنشود
•    قال في سرو بي صوت عالي
•    الهلال ده لي اسي بحلم !
•    ودوهوا الانعاش عشان يفوق
•    زول يحلم سنين قدر دي !
•    ياناس
•    قريت اول  امس في صحيفه
•    الزول كتب الخرطوم يحتاج لنقاط المباراه ليضمن التمثيل الخارجي
•    يعني تحريش للخرطوم
•    امس نفس الزول كتب
•    الخرطوم والنيل ينفردان بالمركزين الثالث والرابع ويضمنان التمثيل الخارجي
•    يعني فجأه النيل بقي مامحتاج لنقاط مباراته القادمه
•    لكن ياربي النيل مباراته القادمه ضد منو ؟
•    جنس جرسه
•    ياناس
•    ماتنسوا الاحتفال باليوبيل الفضي لاول بطوله جويه تدخل الاجواء السودانيه
•    بدري الكلام ده
•    قبال خمسه وعشرين سنه
•    والعاقبه عندكم في المسرات
•    العاقبه دي يعني عقبال العزابه
•    وبس تموتوا مغص يا   , يا  منو ياربي !
•    زمااااااااااااااااااااااااان
•    كتبنا راجل عبد العاطي
•    تتذكروا ؟
•    كورة الخرطوم اثبتت الكثير
•    اول حاجه غيرة ناسنا
•    شفتوهم لعبوا كيف ؟ واحتفلوا بالهدف كيف ؟
•    ثانيا دك حصون المندسين وسط الجماهير
•    اتحسموا يا حسن
•    ثالثا ان جمهور المريخ يحبك يا سعيد يا سعودي
•    رابعا راجي مفروض يعكسها
•    عاكسها يا ولد وما تعكسها
•    يا يا ابو الرا
•    واحد زي ده في آخر دقيقه بشرط تحاور خليفه
•    يوسف محمد الماسوره

سلك كهربا
                    ننساك كيف ويوم الخرطوم الملعب كلو كنت انت !
والي لقاء
سلك
babikir maki [b_silik@hotmail.com]