نقلت لنا وسائل التواصل وليس تلفزيون لقمان ماحدث فى مظاهرات الكيزان امس فى برى من ولوله وهروب ومطاردة ثوار برى الاشاوس لهم ورميهم بالحجاره مما عرف يرمى الجمرات واصله الكيزان دى عادتهم من زمان يجروا ويخلو جزمهم وبرضه يخلو النسوان وراء ويسبقو النسوان جرى الكيزان مارجال ولا نسوان لانه شفنا الرجال والنساء كيف ايام الثوره شفتو البنت الرجعت البنبان تمنيت لو كانت ابنتى
اتذكر ايام ثورة المصاحف وانا كنت فى الثوره سيروا مظاهره فى شارع شقلبان مشيت نقطة المهديه لقيت ٥ عساكر (كان مبارك الفاضل وزير الداخليه متآمر مع الكيزان فك الاستعداد )ومعاهم صول المحكمه عمك محجوب والله ياخوان سقت السته ديل وبالسواق ٧ ومشينا على الكيزان وانا عارف الفيهم من ايام قرينا معهم فى المدارس ناس خايبين رجاء بس ودورنا فيهم وضرب عصى وبنبان وهم حاشدين جايبين كيزان من الخرطوم وبحرى الآف وبس هجمه واحده والله مافضل الا جزم ومراكيب وشباشب وعمم وطواقى والله تانى حد مظاهراتهم اصبح المدارس فى الشارع اصبح فاضى تقول ماكان فى زول بعد داك مظاهراتهم حدها المدارس ودى دائرة اختصاص الشمالى وتانى مظاهرة كيزان ماحصلت فى الثورات لحدى مافصلونا وأوصى شباب الثوره بس رمى الجمرات مامحتاجين لبوليس والشياطين مابجيبو ليهم بوليس بس رمى الجمرات ياشباب
محمد الحسن محمد عثمان
omdurman13@msn.com
