سفروق ولا جوك جوك .. بقلم: بابكر سلك

 

بسم الله الرحمن الرحيم

 

في السلك

 

 

 

•          صلاح ادريس قال امولادي لاعبنا ولكننا نطالب بفسخ عقده الآن

•          طيب

•          ومالو

•          لاعبكم لاعب بيكم لاعبين بيهو كلو واحد

•          لكن لو فسختوا العقد برضو كشفكم تامي

•          لانو بنفس الفهم كواريزما لاعبكم

•          لاعبكم راس

•          يبقي محتاجين كندشه تانيه لكواريزما شهر سته

•          عشان يوسف ( لو مشي ) في الواطه دي في شهر سته يلقي ليهو خانه يتمشي فيها

•          وشداد قال امولادي لاعب الهلال لان لجنة التسجيلات رفضت اخلاء الخانه

•          وطيب

•          لجنة التسجيلات رفضت ليييه !

•          قبل ما تجاوب

•          لجنة التسجيلات قبلت اخلاء خانة كواريزما ؟

•          وبرضو قبلت لييه !

•          وقبل ماتجاوب

•          شنو البخلي لجنة التسجيلات ترفض اخلاء خانة امولادي وتقبل اخلاء خانة كواريزما

•          مع العلم

•          الاتنين معارين لفريقين نيجيريين

•          ومدة الاعاره واحده

•          والاتنين لم يحضرا للسودان عند تقديم طلب اخلاء خانتيهما

•          وحقهم لم يودع لدي الاتحاد عند المطالبه الهلاليه بانهاء التعاقد معهما

•          يبقي ليه خيار امولادي وفقوس كواريزما ؟

•          ياناس

•          قلت ليكم الاتحاد ده داير ليهو كريز مليانه مرافعين

•          سبدرات قال تكلفة الردكاسيل 22 مليار لم تدفع فيها الدوله مليم

•          قال الكلام ده قدام الرئيس

•          يعني الناس القالوا قروش الحكومه واستاد الحكومه يرجعوا مليار معسكر ايطاليا سريييييييع

•          وقروش المقصوره العملتها الحكومه لمباراة الوداد المغربي

•          سريييييييييييييييع

•          صلاح قال امولادي لاعبنا

•          وامولادي طالب بمرتبات الاشهر الماضيه

•          كلام

•          احرجتونا مع الاجانب

•          اسي امولادي يرجع بلدو يقول لاهلو شنو ؟

•          يقول ليهم

•          سادوني فالسوني قاروشي مافوشي

•          يعني السودان مفلس وقروش ماعندو

•          في داعي تحرجوا ليكم بلد بتروليه دهبها مجدع في الخلا علي قفا من يشيل

•          قالوا قودوين قال لامولادي 

•          لاعوبي هالولي باروعي سايويي

•          يعني اللعب في الهلال تبرع سااااااي

•          انا غايتو لو محلك يا امولادي دكوه ما بخليها

•          اها

•          قالوا الزول رفض الزهور في مطار ابو ظبي

•          لكن معاهو حق

•          يعني يشيل زهره يمشي بيها لسيد اللبن يقول ليهو اديني لبن بالزهره دي ؟

•          الزمن ياناس بقي صعب

•          والراجل الفاضل ليهو ما اكتر من الفات

•          والحصل لقودوين وامولادي وبقية العقد الفريد في الشاشه

•          الراجل ماداير وردات داير دولارات

•          اها لكن يامجدي ما افتيتنا كواريزما لاعبهم ومن حقهم ولا ما لاعبهم ؟ ولييييييييييه ؟

•          هتفت الصفوه امام الرئيس مادايرين شمس الدين

•          والرئيس سأل وعرف السبب

•          الليله وين يامجدي بيتكم بي وين يا مجدي

•          المريخ عالم جميل

•          امس احتفلنا مع عواتك المريخ بجامعة الاحفاد والجامعه الاسلاميه تكريما لامير المدافعين دامر

•          وفي نفس اليوم زرنا معرض رابطة مشجعي المريخ بجامعة النيلين المقام من خلال الاسبوع الثقافي

•          واول امس كانت زيارة السيد الرئيس

•          حفلات ساااااااااااااااااااي

•          دايرين لينا مليار جنيه لتصديقات الحفلات من النظام العام

•          قال لي حفلة البلابل

•          قلت ليهو طرشقت

•          قال لي عشان في بلبله عيانه

•          قلت ليهو وحفلة اغاني

•          قال لي قربت

•          قلت ليهو حاتطرشق

•          قال لي ليه ؟

•          قلت ليهو الاستاذ السر قدور الله يديهو العافيه البرد ده مابنفع معاهو

•          يعني  الفلس ده اقصد المرض ده ممكن يطرشق حفلاتكم كلها

•          قال تعالوا غنوا وبنحاسبكم بعد الحفله

•          تهي 000 تهي 000 تهي

•          بعد الحفله بالبا ؟

•          منو الحاسبتوهوا بعد الشغل تم !

•          الفنانين مفتحين

•          سموهوا العداد

•          يعدوا قبل البروفه

•          وبعدين يبرفوا

•          لكن والله كريز ابو العائله القالها الرئيس جات في وكتها

•          السفروق قال ماشي الفيفا

•          لكن ما تنبسطوا

•          بجيكم راجع

•          كواريزما

•          وينك ياراجل

•          سفروق ولا جوك جوك

•          نرسل ليك كريز!

•          المحرق قالوا روحوا محرقاهو برااااااهو

•          لكن الجميل ان ولدنا هو الوحيد الذي ابدع

•          يا00000 ياولد تعال راجع

سلك كهربا

اشوفك في الخرطوم يا كواريزما يا ود ام كواريزما

والي لقاء

سلك