بسم الله الرحمن الرحيم
ده شنو !
• اتنين بتاعين بحر
• قاعدين سارحين
• صانين شديد
• الآهه بتطلع من جوه الواحد فيهم زي نار الديناصور
• اوووووووووووووووووووووووف
• قالها الاول وسكت
• اوووووووووووووووووووووووووف
• باقه نار
• قالها التاني ومارس السكوت
• خيل اليهما ان كل الناس تنفخ
• اوف…اوف ….اووووف , اوووووووووووووووووووف
• كأن كل انسان لديه جمره دايرها ما تموت
• وينفخ
• اوف , اوووووووووووووووووووووف
• الاول قال للتاني ده شنو ده اصلو ؟
• التاني قال ليهو بعرفو
• الاول قال ولمتين ؟
• التاني قال ليهو اسألني ( دبل )
• وعادا للنفخ
• اوف , اووف , اوووووووووووووووووووف
• الاول قال للتاني الحكايه دي من شنو ؟
• التاني قال ليهو ايوااااااااااااااااااااااااا , سألتني
• شوف الموضوع وما فيهو
• الاول قاطعوا , خلاص , خلاص , ما تتم , الباقي عارفو
• التاني قال ليهو لمتين خلاص خلاص وما اتم , دي حركاتكم زاتها البتخليكم ترجعوا تسألوا الحكايه دي من شنو ولي متين
• وعادا للنفخ اوووووووووووووووووووووووووووووووووووووووووووووووووووووووووف
• كل ينفخ في جمرته علها تتمسك بالحياه ولا تموت
• كل يأمل في حلة ملاح مدنكله تجلس القرفصاء علي جمرته عله واطفاله يجتمعون في حضرة وجبة منزليه
• يشتاقون لذلك الموقف كثيرا
• طولوا منه
• فجأه التاني قال للأول الجاليه السودانيه في مصر ماقصرت شجعت الفريق القومي شديد
• الاول قال ليهو كنت اتمني ان تكون صفقة الجاليه السودانيه في مصر قويه وشديده زي صفقة البرلمانيين عندما اجازوا الزيادات الاخيره , لو صفقوا زيها كان غلبنا كينيا
• التاني قال للاول والبرلمانين ديل لما اجازوا الزيادات صفقوا بشده ؟
• الاول قال ليهو بشده شديييده
• التاني قال ليهو شدة وتزول
• الاول سرح بعيد واطلق زفره طويله
• اوووووووووووووووووووووووووووووووووووووووووووووووف
سلكتد
نحن شعب يثبت للعالم كل يوم انه ليس بالخبز وحده يحيا الانسان
والي لقاء
سلك
babikir maki [b_silik@hotmail.com]
